Bɛwemalé Gakelebale bli fli élé munu ma; é bɛ nwa léé, ’é wo bla. Gɔblɛnnu ma nyɔɔn; migalenu a bélé bli zo zinu ta. Dé é kɛlɛ ’bɛ zo‐oo, a bli ’ka dɔralaan lo, ’té a bɛ a wo gyɛn gi duowo.
Naa, Gakelebale a Bale nya webozen nya; É a Bale yuɛmale valé minwiinzan lé, éé voo ana lɛɛfaama, ’Té a glɛ ’ka dɔa lo, a nya. Tɛrɛ ma éé nyɔɔn‐an alé bliflile we ma, Yé bɛnnu ’ka dɔa a wɛwɛ wuo lo.
Wɛyi va pɔnu valé lagi mianénu koo, bwigiwinu valé tawoplɛlawinu faa koo, tɛrɛlamunu faa koo, wo ma é dan nyɔɔn lɛ; gɔ blɛnnu é dan dia lɛ, gɔlɛ blɛnnu é dan dia lɛ, yé flagɔrɔ faa é dan zana lɛ.
Mizan lai sunyanu lé Gakelebale éé bɛ manean tɛrɛ ma yé a ma éé nyɔɔn‐an, ’Té a tamunu faa éé gyɛ boo; Tɛrɛ faa é dan nwa lɛ bélé yuu fanle zo, Yé é dan zun lɛ bélé Éjipiti yuu bélile zo.
Bii gɔ blɛn, i a mɛ fɛ nya Zorobabɛl ’lɛɛ? É dan i na bɔ lɛ ékema. É dan kɔnsun gɔlɛ vɔ lɛ, ’té munu éé siaan léé: Gɔlɛ ’ko ’é vo anaoo na! É a é zimaoo é zima!
Naa, ka ye, yi do a dana, é a bélé ’furu tanale zo. Boblɛnzannu faa valé mi nyanénu faa é dan kɛlɛ lɛ bélé ’sagɔ zo; yé dé ’bɛ yi ’ko bɔ, kyɛ é dan wo ble lɛ; a zo lé lai sunyanu lé Gakelebale a fe. A suni koo, a bɛ koo, é ’ka dan a do kpen vo lɛ lo.