Naum 1:3 - Kazambale lé Sebe Sauunu 1979

³ Gakelebale bli ’ka flian é kele lo, yé alé plɛplɛ a blɛn; Éé we lɛdɔa mi gi kpɔ. Gakelebale éé tawoo fu plɛplɛ gi, éé tawoo barikoko gi, Latinu ɛ ke a gane ma vungoi nya.

Naum 1:3 ပူးပေါင်းရင်းမြစ်များ

2 Samuɛl 22:10

É lanu tua yé é zun. Lati borozan a a gane wuo.

Néémi 9:17

Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

JOB (Job) 10:14

Dé an wenyané kɛlɛ, i an yé, I ’ka an ma we vo anlé weple ma lo.

JOB (Job) 38:1

Gakelebale we fe Job lɛ fu ’lɛ plɛplɛ gi yé é léma:

JOB (Job) 9:4

A lee lé wedɔɔle valé plɛplɛ faa ke, De ɛ dan dɔ lɛ a ma, ’té é ’ka we lɛdɔa ’bɛzan gi loo?

Lɛrɛvɔ Sɛbɛ 103:8

Gakelebale nyanai éé zén‐é, yé é mi mawe dɔɔ, A bli ’ka flian é kele lo, yé alé zin a blɛn;

Lɛrɛvɔ Sɛbɛ 104:3

É élé kɔn dɔ ’yinu ta loru baa, Yé éé lafunu kɛla élé goro nya. Éé tawoo fu nya.

Lɛrɛvɔ Sɛbɛ 145:8

Gakelebale nyanai éé zén‐é, yé é mi mawe dɔɔ, A bli ’ka flian é kele lo, yé é a é fanle zin nya.

Lɛrɛvɔ Sɛbɛ 147:5

Kozan a blɛn, é a plɛplɛfaazan nya, Alé gikinile glɛ ’ka lo.

Lɛrɛvɔ Sɛbɛ 50:3

Kolé Bale a dana, é ’ka voo é tadɔle lo; Kyɛ a blena a ’lɛ, Lɛɛdafu plɛplɛ a zi lɛ sɔɔan.

Lɛrɛvɔ Sɛbɛ 62:11

Té ka pa glawe ta lo, Yé té ka bli pa kyeenwole gi lo, a tɔnɔ ’ka lo. Dé fuanu gi gyɛ, Té ka bli é vo ’bɛ lɛ lo.

Lɛrɛvɔ Sɛbɛ 66:3

’Ka fe Bale lɛ léé, i panyanamanu woo kana zén‐é mi gi. Ilé plɛplɛ blɛn zama i nyanézannu éé blaané dére fé i lɛ.

Ézai 19:1

Balelawe lé Ézai a fe Éjipiti ma, yee lo. Ka ye, Gakelebale vɔ lafu lé éé giéma kelekele, a ta, yé é da Éjipiti tɛrɛ la. Éjipiti munu lé miyilinu ma nyɔɔn a ’lɛ, yé Éjipiti munu fuu si wo ta.

Ézai 29:6

Lai sunyanu lé Gakelebale é dan da lɛ ka va, ’té zagelenu éé baan, ’té tɛrɛ ma éé nyɔɔn‐an yé ’té vun blɛn éé wé, ’té barikoko valé fu blɛnblɛn éé giéan, ’té kyɛnɛnɛ éé fɛnu blé.

Ézai 66:15

Ka yua, Gakelebale a dana kyɛ gi; alé goro a bélé barikoko zo; alé bliflile a bélé kyɛnyɛ zo; alé bon‐ɛnle?-?nu a bélé kyɛnɛnɛ zo.

Jérémi 4:13

Ka ye, fɛsɛrɛzan a biéna bélé lafunu zo; alé gulidangoronu a bélé barikoko zo; alé wisoonu éé vlan sié é mini gola sile ta; we tɔntɔn bɔ ko ma, naa, wo ko sɛrɛ tata.

Daniɛl 7:13

Yuɛziwenu lé maa wo ye é béli, maa a wo naginina aan wo, ’té mi do lé é ke bélé blami be do zo, ’té é dan latinu nya, yé é bié mi kwa lé ke yinu ’lɛ, a vazia, yé wa bié a sɔnɔ.

OZÉ (Osée) 8:7

Wo fu vɔ, amalé wo dan fɛsɛrɛfu ’lɛ plɛplɛ gyɛ lɛ; ’sanɛnɛ do kpen ’ka dan kɛlɛ lɛ wo lɛ lo; yee lé a gɔn bɔ, a pun ’ka dan kɛlɛ lɛ lo; dé a pun kɛlɛ kɔɔn, bɛnnu é dan a ble lɛ.

Joɛl 2:13

Té ka sɔnu fia lo, Naa, nyɛ ’é ’wii ka zuru va, Yé ka da Gakelebale, kalé Bale va é ziin, Naa, é a mi mawe dɔɔzan valé nyanaizénzan nya; A bli ’ka flian é kele lo, yé alé zin a blɛɛn, Yé we tɔntɔnnu lé éé a paan munu lɛ zia, éé bli nɔlaan wo kɛlɛle ma.

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Zakari 9:14

Gakelebale é dan bɔra lɛ wo ta loru Yé alé sawɔlɛ é dan go lɛ bélé lɛɛ yuɛwuovɔle zo; Mizan Gakelebale, é dan béli fɛn lɛ, É dan bié lɛ barikoko plɛplɛ lé éé sié yirinwana bɛyilazia, a gi.

Mi Nɔnɔle 14:18

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

Matio 26:64

Jézu a zi pa a lɛ léé: Yee lé bé fe bɛ. ’Bɛ ta loru, maa lé ka lɛ léé, é sia bléyi ’ko va, ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.

SEBE LÉ JAK A GYE (Épitre de Jacques) 1:19

An bwenu lé ka sɔ an lɛ, ’ka we ’ko dɔɔ ma; é a lé mi faa ’wo tɔné dɔ we lɛ é kele; té wo we zi pa é kele lo, té wo bli é fli é kele lo.

Wegɔɔnle 1:7

Bé ye, é dan latinu ta. Mi faa é dan a ye lɛ, a fɔnmunu koo é ziin; tɛrɛ la bɛnnu faa é dan wuvɔ lɛ alé we ma. Iin. Amɛɛn.