Naum 1:2 - Kazambale lé Sebe Sauunu 1979

² Gakelebale a maawobale nya; é ézé lɛgi paan; Gakelebale é ézé lɛgi paan, a wɛwɛ a é baba. Gakelebale é ézé lɛgi paan ’é mazannu ma, Éé é nyanézannu va we paan é bli gi.

Naum 1:2 ပူးပေါင်းရင်းမြစ်များ

JOB (Job) 20:23

Kazambale lé bliflile lé ke bélé kyɛ zo, É dan a nɔ lɛ a lɛ fɛblele nya, É dan kan lɛ sawɔlɛ kiɛre lé a gyɛle nya.

Lɛrɛvɔ Sɛbɛ 94:1

Gakelebale, welɛgipa Bale, Panu dɔrazan Bale, ’i bɔra a gi.

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Fwile 34:14

Té i dia i bli la bale bɛ do kpen ’lɛ lo; naa, Gakelebale tɔ lé Maabozan, iin, é a maabo Bale nya.

Fwile 34:7

Mi sɔ an lɛ fɔɔ a kulu wuru soruzan ma; weple koo, nwale mi ma koo, wenyané koo, dé mi a kɛlɛ, Gakelebale a ma we voo, naa, é ’ka wegyɛzan yé weanwiinlozan nya lo. Éé we lɛdɔa nénu gi wo tinu lé weple ma, yé éé we lɛdɔa wolé nénu é nénu gi, fɔɔ yé é bɔ wo kulu yaazan valé wo kulu ziɛnzan ma.

Ézai 42:13

Gakelebale éé goo ’é ’lɛ bélé nyanazan zo, Ébo nwa bélé gulidanzan zo; Éé dére nwaan plɛplɛ, éé siaan plɛplɛ, É élé plɛplɛ nagɔɔn‐an é nyanézannu lɛ.

Ézai 51:17

Jérusalɛm munuoo, ’ka vuo, ’ka nwa, Ka lé ka Gakelebale leekana gi bliflile mini, ’Yiminikana lé a gifɛ éé mi yuɛi nɔɔan, ka lé ka ’yi mini a gi, ’té ka foroloo vɔa fɔɔ yé ka bɔ a bo ma, ’ka vuo.

Ézai 51:20

I benu kɛlɛ tɔɔtɔɔ, ’té woo yiaan zinu ta yé wo ’ka bɔa nwale lɛ lo, Bélé zoro lé éé séli sian a gi, a zo, Gakelebale bli fli wo ma, Ilé Bale bon‐ɛn wo nya fɔɔ yé a bɛn mini wo lɛ.

Ézai 66:15

Ka yua, Gakelebale a dana kyɛ gi; alé goro a bélé barikoko zo; alé bliflile a bélé kyɛnyɛ zo; alé bon‐ɛnle?-?nu a bélé kyɛnɛnɛ zo.

Jérémi 25:15

Naa, Gakelebale Izraɛl lé Bale we fe an lɛ yé é léma: Kana lé é ke é fanle anlé bliflile nya bélé dɔrɔ zo, bé si an lee, yé bɛnnu faa lé maa i nwunvɔ wo va, bé nɔ wo lɛ ’wa mini.

Jérémi 28:8

Balelayezannu lé wo bɔra bii valé maa ’lɛ, kaa tranu bléyi va, wo balelawe fe tɛrɛ plɛplɛnu valé bɛngɔnɔ blɛnnu ma léé, gulidanle koo, we tɔntɔn valé migyɛgyɛ koo, wo dan bɔ lɛ wo ma;

Jérémi 3:5

A bli é dan vo lɛ flina yifaamaa? A bli ’ka daan flile ma monomono loo? Ka ’bɛ fe, yé ka vo kalé weple kɛlɛna duowo.

Jérémi 36:7

Dé Gakelebale é dan é tɔné dɔ lɛ wolé dunuvɔmadére lɛɛ? Yé dé wo dan si lɛ wolé wekɛlɛbɛ naané zuoo? Naa, Gakelebale bli flile valé a wɛwɛ lé é glawe fe munu ’ko lɛ wo nya bɛ, wa blɛn.

Jérémi 4:4

Juda munu valé Jérusalɛm munu, ka kɛlɛle Gakelebale zé nya lé tɔmase ’é kɛlɛ ka ma ma, ’ka daan ka kɛlɛwe kyɛn ma, dé anlé bliflile é da ble bélé kyɛ zo, dé é da nwa bélé kyɛnɛnɛ zo, ’té mi do kpen ’ka bɔa a dirile lɛ lo, ka kɛlɛwe naané lé we ma.

Jérémi 50:15

’Ka siaa gulidandére nya a zi fɛfaana. É yɔfalo fu nwa; a ganevɔnanu zana a gi; a gurunu zana. Naa, Gakelebale ézé lɛgi pa a ma; ’ka kazé lɛgi pa a ma, ’ka kɛlɛ a lɛ bélé fɛan zo lé é a kɛlɛ, a zo.

Jérémi Lé Wuvɔ Sɛbɛ 4:11

Gakelebale élé bliflile nwɛɛn Siɔn munu ta, É kyɛ bi Siɔn, Yé kyɛ a gane vɔna ble. Sin, a wɛwɛ dɔle nyaa.

Ézékiɛl 36:6

Amalé ’i balelawe fe Izraɛl tɛrɛ ma. Bé fe gɔ blɛnnu valé gɔpanénu koo, ’yiyoronu valé gɔ woronanu koo, wo lɛ léma: Mizan Gakelebale léma: Bɛnnu yaragyɛwe bɔ ka ma, amalé maa a we fena anlé maawole valé an wɛwɛ dɔle wo ma nya.

Ézékiɛl 38:18

Mizan Gakelebale léma: ’Bɛ yi ’ko la, yian nya lé Gɔg é dan nwa lɛ Izraɛl munu ma, anlé bliflile é dan bɔra lɛ an yara bélé kyɛ zo.

Ézékiɛl 38:19

Maa fe ka lɛ, ’bɛ yi ’ko nya, anlé maawole valé anlé bliflile blɛn lé we ma Izraɛl tɛrɛ bɔ é dan gyɛ lɛ blɛɛn.

Ézékiɛl 39:25

Amalé Mizan Gakelebale léma: Sin, maa dan Jakɔb lé munu si lɛ luu gi yé maa da wo nya wo pa gi. An nyanai é dan zén lɛ Izraɛl munu faa ta, yé maa dan kɛlɛ lɛ maawozan nya an tɔ sauun lé we ma.

Ézékiɛl 5:13

’Bɛ zo lé anlé bliflile lɛ é dan sɔɔ lɛ; an wɛwɛ é dan dɔ lɛ wo ma faa, yé an bli é dɔrala, yé wo dan a gi dɔɔ lɛ léé, maa Gakelebale, an we fe bliflile nya, yé an wɛwɛ dɔ ’wo ma.

Ézékiɛl 6:12

Mi lé é ke baa, bawurumagyɛ é dan a gyɛ lɛ, yé mi lé é ke é pu, é dan ga lɛ gwɔun ’léé; yé mi lé é vo fla, fla mabɛn bléyi va, é dan zamaga wo lɛ lɔrɔ nya. ’Bɛ zo lé an wɛwɛ dɔle wo ma lɛ é dan sɔɔ lɛ.

Ézékiɛl 8:18

Maa é ziin, maa dan we kɛlɛ lɛ wo lɛ an wɛwɛ dɔle nya. An yuɛyi ’ka dan dɔ lɛ a la wolé we ma lo, yé an nyanai ’ka dan zén lɛ wo ta monomono lo; dé wo siaa dére plɛplɛ nya an tɔné gioo, maa ’ka dan an tɔné dɔ lɛ wo lɛ lo.

Joɛl 2:18

Gakelebale a maawona élé tɛrɛ lé we ma, A nyanai éé zén‐é élé munu ta.

Lévinu 26:28

maa dan dɔ lɛ ka ma é ziin bliflile blɛn nya yé maa dan we lɛdɔ lɛ ka gi taawo gɔnɔ sɔrafié kalé wenyanénu ma.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Zakari 1:14

Lanje lé ko we fe an nya, é léma: ’I siaa, bé fe léé, lai sunyanu lé Gakelebale léma: Maa a Jérusalɛm valé Siɔn ta maawona blɛn boenwo,

Zakari 8:2

Lai sunyanu lé Gakelebale léma: Siɔn ta maabobli nwa an gi, yé an wɛwɛ dɔ alé we ma.

Mi Nɔnɔle 25:11

An bli lé é nwa Izraɛl ma, Balebanzan Arɔn be Éléazaa be Finé a dɔrala. Anlé maawo bli a a gi, azama. Yé an ’ka Izraɛlnu gyɛ lɛ an bliflile nya lo.

Rom munu 12:19

An blibɔmamunu, té ka kabozen lé we lɛgi pa lo; naa, ’ka ’bɛ vo Kazambale lé bliflile lee. Naa, é a é gyɛle sɛbɛ gi léé: Mizambale léé: Maa ɛ we lɛgi paan; maa ɛ mi banwoo.

Rom munu 13:4

Minwiinzan a Kazambale wuozan nya ilé wezin yele we ma. Naa, dé i wenyané kɛla, ’i kana ma; naa, gwɔun ’ka a lee é pla lo, é a Kazambale wuozan nya we lɛgi pale valé we lɛdɔle wenyanékɛlɛmunu gi we ma.

Bélidɔwesɛbɛ Fiézan 4:24

Naa, Gakelebale, kalé Bale a kyɛ lé éé fɛ faa blé, a nya, é a maawo Bale nya.

Bélidɔwesɛbɛ Fiézan 7:10

Naa, munu lé a za ke wo gi, é dan é lɛdɔ lɛ wo gi, yé ’é wo gyɛ zamaga nya. É ’ka dan mɔn lɛ lo; é dan é lɛdɔ lɛ ’é zapazan gi ’té.

Ébrunu 10:30

Naa, mi lé é a fe léé: Maa ɛ ke welɛgipazan nya, Maa ɛ we lɛdɔa mi gi, kaa ’bɛzan dɔɔ. Yee ɛ fe é ziin léé: Mizambale é dan élé munu lé we ble lɛ.

Jozué 24:19

Jozué lé munu lɛ léé: Gakelebale bɔplɛplɛ ’ka ka lee lo, naa, Bale sauun lé, maabo Bale lé, yé é ’ka dan ka ma we vo lɛ kalé weplenu valé kalé wenyanénu ma lo.

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?