Naum 1:14 - Kazambale lé Sebe Sauunu 1979

¹⁴ We lé Gakelebale a fe ’kaa Ninive munu ma, yee lé ke ’ko: Ka kulu ’ka dan kɛlɛ lɛ yé ka tɔ é pa ’bɛ ma é dɛrɛ lo; maa dan yoyilinu valé fɛ serelenu si lɛ kalé yokɔn gi. Ka bɛn ’ka lo, amalé maa dan ka pa gi guru bo lɛ.

Naum 1:14 ပူးပေါင်းရင်းမြစ်များ

2 Minwiinzannu 19:37

Naa, bléyian va lé é ke é yiale é bli la élé bale Nisrɔk lé kɔn gi, a benu Adramélɛk valé Sarɛsɛɛ a gyɛ gwɔun nya yé wo vɔ fli gi Ararat tɛrɛ la. Yé a be Ézaa‐Adɔn pla munu nwiin a pa gi.

2 Minwiinmunu lé Wezuofe Sɛbɛ 32:21

Yé Gakelebale lanje do pa zia, yé nyanazannu koo, minwiinzannu koo, é wo faa kulu ga Asiri nwiinzan blɛn lé sɔkɔn dɔna. Yé yara minwiinzan blɛn gyɛ yé é nɔla ’é pa gi ’élé tɛrɛ la. É wɔra élé yokɔn gi tɔɔn, a yaanénu a gyɛ gwɔun nya ’bɛna.

JOB (Job) 18:17

A sele éé saan tɛrɛlamunu gi, Wo ’ka dan a tɔ pa lɛ féi ma é dɛrɛ lo.

Lɛrɛvɔ Sɛbɛ 109:13

’Wa kulu ga ma, Yé mi kulu lé wo dan bɛ, té wo tɔ é vɔ ’bɛnu va lo.

Lɛrɛvɔ Sɛbɛ 71:3

’I kɛlɛ an lɛ gɔlɛgɔ lé é ke an yɔɔna nya, a nya, ’Té an bɔa yɔɔle lɛ ana yifaama, I dére nɔ an lɛ léé, i dan an si lɛ we gi, Naa, i a anlé gɔlɛgɔ valé an yɔɔna plɛplɛ nya.

Fwile 12:12

’Bɛ lé béli, maa dan gié lɛ Éjipiti tɛrɛ la, yé maa dan Éjipiti tɛrɛ la né vininnu faa gyɛ lɛ, é sia munu ma fɔɔ yé é bɔ winu ma, yé maa dan Éjipiti lé balenu lé we ble lɛ. Maa a Gakelebale nya.

Wegɔnévɔlenu 10:7

Mi tegele sele dɔle mi gi éé mi drɔɔ voo, naa, mi nyanénu tɔ éé sɛra.

Ézai 19:1

Balelawe lé Ézai a fe Éjipiti ma, yee lo. Ka ye, Gakelebale vɔ lafu lé éé giéma kelekele, a ta, yé é da Éjipiti tɛrɛ la. Éjipiti munu lé miyilinu ma nyɔɔn a ’lɛ, yé Éjipiti munu fuu si wo ta.

Ézai 33:13

Ka lé ka ke baa, ’ka tɔné dɔ we lé maa a kɛlɛ, a lɛ. Ka lé ka ke é pu, ’ka anlé plɛplɛ dɔɔ ma.

Jérémi 50:2

’Ka a zuo fe bɛnnu méléna, ’ka a zana dɔɔ wo lɛ, ’ka drapo do nwa loru; ’Ka zana dɔɔ wo lɛ, té ka gɔ do kpen yɔɔ wo ma lo. ’Ka fe léma: Wo Babilɔn si, wolé bale Bɛl fuu si é ta. Wo wolé bale Mérodak sɛrɛ. Wolé miyilinu ’lɛ ’ka é dɛrɛ lo, wolé miyilinu yéli.

Daniɛl 11:21

Mi lé é ’ka munu yuɛ gi bɔa lo, ’bɛ é dan a pagi si lɛ, naa, minwiinzan dɔbɛ ’ka ’bɛ nyɛɛ lɛ lo. ’Bɛ é dan bɔra lɛ vole drɔɔ bléyi va, yé ’bɛ é dan plale mi nwiin si lɛ dabli kɛlɛle nya.

Daniɛl 5:27

Tékɛl, ’bɛ gi léé, wo i dan kilo la, yé wa ye léé, i bɛn ’ka lo.

Lévinu 26:30

Maa dan kalé gɔnwiin yobannanu sɛrɛ lɛ, yé kalé miyilinu lé ka wo pa é yɛrama yiri zé nya, maa dan wo sɛrɛ lɛ. Maa dan ka galenu pla lɛ kalé miyili sɛrɛlenu ta, yé anboen é dan serele bo lɛ ka ma.

Misé 5:13

Maa dan kalé Asataté miyilinu sɛrɛ lɛ tata, yé maa dan kalé flanu ’wii lɛ.

Misé 5:14

Bɛnnu lé wo ’ka ’wo tɔné dɔ lɛ an lɛ lo, maa dan anzé lɛgi pa lɛ wo ma, blifllile valé wɛwɛ dɔle nya.

Abaku 2:10

Migɔnɔ kiɛre kulu gale ma lé ilé kɔn kɛlɛ serelebomafɛ nya, yé biibozen lɛ lé i wenyané ’ko kɛlɛ.

1 Samuɛl 3:13

Maa a fe a lɛ léé, maa dan an lɛdɔ lɛ alé munu gi lɛɛfaama, a glɛ ’ka lo, wenyané lé a benu a kɛlɛ, ’té wo ’wobo vɔn a nya bɛ, é a gi dɔɔ yé é ’ka we pla lɛ wo lɛ lo, a we ma.