Misé 7:8 - Kazambale lé Sebe Sauunu 1979

⁸ An nyanézan, té i gi é nana anlé we ma lo ma. Naa, dé an dia, an dan nwa lɛ. Dé maa a é nyanale gunutinu va, Gakelebale é dan kɛlɛ lɛ an vakinifɛ nya.

Misé 7:8 ပူးပေါင်းရင်းမြစ်များ

JOB (Job) 31:29

Dé we tɔntɔn bɔ an nyanézan ma, ’bɛ ’ka an gi nanaan lo; Dé we naané bɔ a ma, an ’ka fɔrɔan ginanale nya lo,

Lɛrɛvɔ Sɛbɛ 112:4

San éé nwɛɛn‐an gunutinu va, munu lé wolé we ke é drɔle, wozé nya, É valé nyanaizénzannu koo, mi mawe dɔɔzannu koo, mi tegelenu koo, wozé nya.

Lɛrɛvɔ Sɛbɛ 143:3

An nyanézan éé an boen zuo bin‐é, É a a va léé, ’é anlé tɛrɛla nyaa, Éé a kɛla léé, an nyana gunutinu va, Bélé munu lé wo gana mɔn, wo zo.

Lɛrɛvɔ Sɛbɛ 20:8

Munu ’ko, wa é pale wolé goronu ta, yé a koɛnu a é pale wolé wisoonu ta; Naa, ko ’ko, ko Gakelebale kolé Bale tɔ laan.

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 35:19

Munu lé an sɛrɛ wo gi, ’té wo ke an nyanézannu nya, té wo gi é nana an ma lo, Yé munu lé woo an za paan é pla, té wo yara kplililii bo an ma, an sɔnɔle nya lo.

Lɛrɛvɔ Sɛbɛ 37:21

Mi nyané ɛ drɔn gya yé é ’ka a no lo; Mi tegele ɛ mi mawe dɔɔ yé éé fɛ no.

Lɛrɛvɔ Sɛbɛ 37:24

Dé é dia é ’ka voo ana lo, Naa, Gakelebale a é kunle a bɛ ma.

Lɛrɛvɔ Sɛbɛ 38:16

Gakelebale, an bli a bii ɛ lɛ. Anzan, anzé Bale, ’i we an zi.

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Lɛrɛvɔ Sɛbɛ 97:11

Mi tegelenu lé we ma lé Kazambale éé san nwɛɛn‐an, Yé munu lé wo bli ke tegele, wolé we ma lé ginanale ke.

Ézai 2:5

Jakɔb lé munu, ’Ka da, kaa tawo Gakelebale lé san va.

Ézai 49:9

Yé i dan a fe lɛ luugizannu lɛ léé: ’Ka bɔra, Yé munu lé wo ke gunutinu va, i dan a fe lɛ wo lɛ léé: ’Ka bɔra a gi. Wo dan fɛ ble lɛ zinu ta, Yé wo dan fɛblele ye lɛ gɔpanénu faa nwiin.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Ézai 9:2

I munu ’ko kɛlɛ kiɛre, I ginanamawe kɛlɛ wo lɛ. Wo gi a nanana i ’lɛ bélé ’sagyɛmunu gi nanale zo, Woo siaan ginanale nya, bélé gulizarafɛ gulizannu zo.

Jérémi 48:27

Izraɛl ’ka kɛlɛ lɛ yérisiémazan nya i yuɛ gi loo? Wo bɔ a ma kyeenwozannu va, amalé dé i a alé we fena, ’té i ’wuo nyɔɔn‐aan?

Jérémi 50:11

Iin, ka lé, ka ’wii anlé tɔnɔ ta, ka gi ’é nana yé ka bli ’é vo drɔɔ. Iin, ’ka fɔrɔ bélé diridané lé éé fɔrɔan luyɛ gi, a zo. ’Ka siaa bélé wisoonu lé wo fuu ke wo ta, a zo.

Jérémi 8:4

Bé fe wo lɛ léma: Gakelebale léma: Mi éé diaan yé é ’ka nwaan loo? Taa, mi éé goo yé é ’ka dan loo?

Ézékiɛl 25:6

Naa, Mizan Gakelebale léma: I bɛ gyɛ, ’té i gane zuun‐an, ’té i gi éé nanaan i bli gi, ’té i serele boo Izraɛl tɛrɛ ma,

Ézékiɛl 35:15

Wo Izraɛl munu lé tɔnɔfɛnu sɛrɛ, yé i gi nana ’bɛ lé we ma, amalé maa dan izé kɛlɛ lɛ a zo; Séii gɔ, i dan kɛlɛ lɛ fɛna tété nya, bii valé Édom tɛrɛ faa nya. Yé wo dan a gi dɔɔ lɛ léé, maa ɛ ke Gakelebale nya.

Ézékiɛl 36:5

Mizan Gakelebale léma: Iin, anlé maawole nwa wo ma bélé kyɛ zo; maa a we fena bɛn bɛnu valé Édom tɛrɛ faa lɛ. Wo lé wo anlé tɛrɛ si wozé nya, ’wiile ana fɛnu ta we ma bɛ, ’té wo gi éé nanama, ’té woo serele boo anlé tɛrɛ ma wo bli gi bɛ, maa a we fena wo ɛ lɛ.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Abudias 1:12

Té i gi é nana i bwe lé nyanébleyi nya lo; yian nya lé we tɔntɔn bɔ a ma, té i gi é nana lo. Yian nya lé Juda munu lé fɛna vo é ’bin nya, té i gi é nana ’bɛ ma lo. Wolé klebleyi nya, té i ’léé blɛnblɛn vɔ wo ma lo.

Misé 4:10

Siɔn munu, ’ka kle ble yé ’ka dunnu bélé le lé é ke né yaana, a zo. Naa, sin ka dan si lɛ fla blɛn ta yé ka dan nyana lɛ bwi gi, yé ka dan go lɛ fɔɔ Babilɔn; ’bɛna lé Gakelebale é dan ka si lɛ munu lee; ana lé é dan ka tabo lɛ ka nyanézannu lee.

Misé 7:10

An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Matio 4:16

Munu ’ko, wa é nyanale gunutinu va yé wo san blɛn ye; Yé wo lé wo ke é nyanale ga furɔ wuo, ga tɛrɛ la, san nwɛɛn wo ta.

WENÉNÉ LE JAN A GYE (Évangile selon Jean) 16:20

Maa fe ka lɛ kyɔ webozen nya, ka dan wuvɔ lɛ, yé ka dan gyɛ bo lɛ, yé tɛrɛlamunu gi é dan nana lɛ. Ka gi kyɛ é dan dɔ lɛ, naa, kalé gi kyɛ dɔle é dan nɔla lɛ gi nanale nya.

WENÉNÉ LE JAN A GYE (Évangile selon Jean) 8:12

Jézu we fe wo lɛ é ziin, yé é léé: Maa lé é ke tɛrɛlamunu lé san nya. Mian éé dan an zuo, é ’ka dan tawo lɛ gunutinu va lo, naa, é dan mibélisan ye lɛ.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

2 Korɛnt Munu 4:9

woo nyané paan ko ta, naa, ko ’ka é vole ko do lo; woo ko boo, naa, ko ’ka gaan lo;

Wegɔɔnle 21:23

Fla mawe ’ka yiri valé moné gi é ta kinile we gi lo, naa, Kazambale lé fuasan ɛ a ta kinié, yé ’Blané ɛ ke alé sona nya.

Wegɔɔnle 22:5

Béli ’ka dan tan lɛ é dɛrɛ lo; Mizambale é dan wo ta kini lɛ, amalé wo mawe ’ka kyɛbɔ valé yirisan gi lo. Yé wo dan pla lɛ munu nwiin lɛɛfaama.