Misé 7:2 - Kazambale lé Sebe Sauunu 1979

² Mi zin ta saan tɛrɛ ’ko la, yé mi tegele do kpen ’ka blaminu va é dɛrɛ lo; wo faa a zi bɛnna mi nyɛ zanale we ma; wo faa do do éé san vɔa ’wo bwenu lee.

Misé 7:2 ပူးပေါင်းရင်းမြစ်များ

Lɛrɛvɔ Sɛbɛ 10:9

É a é yɔɔle é yɔɔna bélé golizra lé ke é yiana, a zo. É a é yɔɔle é yɔɔna, a bɔrale wenaané bɔmazan ma fiaa yé é dia wo ta we ma. Éé din‐é a ta yé éé a ganaan élé séli nya.

Lɛrɛvɔ Sɛbɛ 12:1

Lɛrɛ lé David a vɔle gɔɔn lɛrɛvɔmunu ’lɛzan lɛ. Kɔnɔ lé a bale ke sɔraa, ’wa gyɛ a va.

Lɛrɛvɔ Sɛbɛ 12:2

Gakelebale, ’i an si we gi. Naa, Bale lé zi sɔlɛmunu ’ka ana é dɛrɛ lo; Wo ’ka yarapawelazannu yé blaminu méléna é dɛrɛ lo.

Lɛrɛvɔ Sɛbɛ 57:6

Baleoo, Bale, ’i nwa lanu ta loru, I tɔ zin bɔle ’é kɛlɛ tɛrɛ faa la ma.

Wegɔnévɔlenu 1:11

Dé wa fe léé: ’I da ko va; kaa go zi dɔ munu lee ma, kaa wo nyɛ zana ma, kaa san vɔ weanwiinlozannu lee é pla ma,

Wegɔnévɔlenu 12:6

Mi naanénu dérenu éé zi dɔa mi lee a nyɛ zanale we ma, naa, mi drɔlenu ’léé a mi siéwegifɛ do nya.

Ézai 3:5

Yaale mi ta é dan kɛlɛ lɛ munu méléna. Wo dan yaa lɛ wo ke ta, yé mi faa do do é dan yaa lɛ é bɔluzan ta. Pɛniɛ é dan guli vɔ lɛ mi segele lɛ, yé boazan é dan guli vɔ lɛ tɔzan lɛ.

Ézai 57:1

Mi tegele éé gaan yé ’bɛ ’ka mi do yuɛgi bɔa lo. Woo mi zinnu sian yé é ’ka dɔ lɛ mi do kpen gi léé, wenaané zi lé wo mi zinnu sian lo.

Ézai 59:7

Ka vlanburuwo wenaané vazia; ka ta a é kelekele weanwiinlozan nyɛ zanale ma; ka gibɔrɔle a weple gibɔrɔle nya; ’wiile fɛ ta valé guru zanale a gi a kalé zi ta.

Ézai 9:19

Woo fɛ siaan gla nya wo bɛyilazia, ’té lɔrɔ éé wo gya; woo fɛ blé wo bɛbolazia, ’té wo ’ka kaan lo. Wo faa do do ’wobo bɛ blé.

Jérémi 16:16

Gakelebale léma: Ka ye, maa dan pɔgyɛmunu kiɛre pa lɛ zia yé wo dan munu ’ko si lɛ bélé pɔgyɛle zo; yé ’bɛ zuo maa dan lupazannu kiɛre pa lɛ zia yé wo dan munu ’ko mavɔɔ lɛ, gɔ blɛnnu faa koo, gɔpanénu faa koo, gɔlɛ blɛnnu féngyɛle koo, wona.

Jérémi 5:16

Alé sakɔlɛ a mi vun nya, yé wo faa a nyanazannu nya.

Jérémi 5:26

Naa, mi nyanénu a anlé munu méléna; woo munu mavɔɔan bélé mianégyɛzan éé sannu dɔa mianénu lee fɛan zo, a zo. Woo sélinu vɔa, yé woo munu kunwo wo nya.

Jérémi 8:6

Maa a wemazan nya, an tɔné a é dɔle; wo ’ka we fé wefebɛ yɛrama lo; wo va mi do kpen ’ka é bli nɔlaan élé we lɛrɛlɛrɛ kɛlɛle ma lo. Yé é ’ka a fé léé: Mɛ we lé maa a kɛlɛ bɛɛ? lo. Wo faa zén ’wolé zinu ta bélé wisoo lé éé fɔrɔan guli danna, a zo.

Jérémi Lé Wuvɔ Sɛbɛ 4:18

Ko nyanézannu ko pa bo, Léé, té ko bɔra kolé vuun la lo, Kozé bɔ nyaana, kolé yinu lɛ sɔɔ, Kozé nyaa.

Ézékiɛl 22:12

Bii fla ’ko la, woo blɛfɛ sié mi nyɛ zanale we ma; woo gɔɔli zuo tɔnɔ valé a pamale sié, woo ’wo bɔluzan leefɛ sié gla nya, yé maa, wo gi éé saan maa ma. Yee lé Mizan Gakelebale a fe.

Ézékiɛl 24:6

Amalé Mizan Gakelebale léma: We tɔntɔn ’é bɔ fla lé éé mi nyɛ zanaan, a ma. Lɛedaa lé gyan ke é vɔle a ma, ’té alé gyan ’ka soo a ma lo, we tɔntɔn ’é bɔ a ma ma. ’I wi nɛnu si a gi do do, té i wo vabo lo.

OZÉ (Osée) 5:1

Balebanzannu, ’ka tɔné dɔ we ’ko lɛ. Izraɛl munu, ’ka tɔné dɔ flee. Minwiinzan blɛn ma munu, ’ka an ban ka tɔné nya. Ka ma lé weblele bɔ, ka kɛlɛ mikunsan nya Misipa, ka kɛlɛ mikunséli nya Tabɔɔ gɔ ta, ’bɛzama.

OZÉ (Osée) 6:9

Balebanzannu palu a bélé mi mabɛnzannu zo, ’té woo munu gya Sisɛm lé zi ’léé; naa, wobo nɔ wenyané blɛn kɛlɛle lɛ.

Misé 2:8

A péli sia namɔn, ’té woo we kɛla anlé munu lɛ bélé ’wo nyanézannu zo; munu lé woo giéan woboma duaa, ka wolé sɔ blɛnnu sié wo ta bélé gulizarafɛ sile zo.

Misé 3:10

Ka Siɔn pa mi nyɛ nya, yé ka Jérusalɛm pa weple kɛlɛle nya.

Misé 3:2

Ka wezin za paan, ’té wenaané éé sɔa ka lɛ; ka anlé munu kɔlɛ boo, ’té ka wo nɛ sié wo wɔlɛ ma.

Zakari 11:6

Gakelebale léma: An nyanai ’ka zén‐é é dɛrɛ tɛrɛ ’ko la munu ta lo. Ka ye, maa ɛ munu vɔa ékema, yé maa ɛ wo paan wo nwiinzan blɛn lee; wo dan ’wii lɛ tɛrɛ ’ko ta, yé maa ’ka dan a si lɛ wo lee lo.

Kelewenu 24:9

Yé Juifinu dɔ a dére ta yé wo léé, a zo lé é ke.

1 Samuɛl 24:11

Bé ye ibo yuɛ nya sin léé, Gakelebale i pa an lee kyɔ gɔmaguru gi. Wo an tunu léé, maa i gyɛ; naa, maa i vo yé maa léé, anzan a Gakelebale lé nyɔnɔzénnwiinzan nya, amalé an ’ka dan an bɛ mané lɛ a ma lo.

1 Samuɛl 26:20

Yiba! Té an nyɛ é zana tɛrɛ bɛ la Gakelebale yara ma baa lo! Izraɛl nwiinzan zi sia gɔa ginile we gi, woo doo ginian gɔnu nwiin fɛanzo, a zo.