Misé 7:18 - Kazambale lé Sebe Sauunu 1979

¹⁸ I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Misé 7:18 ပူးပေါင်းရင်းမြစ်များ

Wepélisiananu 4:7

Weboen lé, dé bé kɛlɛ é zima, i yara kyɛ é dan si lɛ, naa, dé i ’ka kɛlɛ lɛ é zima lo, wenyané a é yiale ilé kɔn ’léé, yé é sɔ a lɛ léé, ’é pla i nwiin; naa, bii, bii ’é pla a nwiin ma.

1 Minwiinzannu 8:23

yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

2 Minwiinmunu lé Wezuofe Sɛbɛ 30:9

Dé ka nɔla Gakelebale va é ziin, munu lé wo go ka bwenu valé ka benu nya luu gi, ’bɛnu é dan wo nyanai zén lɛ wo ta, yé wo dan da lɛ wo pa gi tɛrɛ ’ko la; naa, Gakelebale kalé Bale a mi ma we dɔɔzan nya yé a nyanai éé zén‐é. É ’ka dan é yara si lɛ ka ta lo, ’té dé ka da a va ka pa gi.

2 Minwiinmunu lé Wezuofe Sɛbɛ 6:21

Dé i leezan valé ilé munu Izraɛl bazoro fɛkona, ’i tua yé ’i wolé zantévɔdére ’ma ma. ’Bé ’ma i nyanana lanu gi loru, ’be ’ma yé ’i wo ma we vo ma.

Néémi 9:17

Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

Lɛrɛvɔ Sɛbɛ 103:13

Fɛan zo lé né ti nyanai éé zén‐é élé nénu ta, A zo lé Gakelebale nyanai éé zén‐é munu lé woo kanaan a lee, wo ta.

Lɛrɛvɔ Sɛbɛ 130:4

Naa, i mi ma we vo, léé, Mi ’é kana i lee.

Lɛrɛvɔ Sɛbɛ 35:10

An wɔlɛnu faa é dan a fe lɛ léé: Gakelebale, de ɛ bɔa Wenaanébɔmazan sile lɛ mi lé a plɛplɛ mini a ta, a lee, bélé bii zoo? De ɛ bɔa wenaanébɔmazan valé nyanégyɛzan sile lɛ, mi lé é alé fɛnu sia, azan lee, bélé bii zoo?

Lɛrɛvɔ Sɛbɛ 65:3

Oo bii, biian i tɔné dɔa bazorole lɛ, Munu faa é dan da lɛ bii ɛ va.

Lɛrɛvɔ Sɛbɛ 65:4

Dé weplenu ko kele, ’I ko ma we vo;

Lɛrɛvɔ Sɛbɛ 71:19

I kɛlɛwe tegele éé goo fɔɔ yé é zun la ma; I we blɛnblɛnnu kɛlɛ; oo Bale, de ɛ ke i bɔmazan nyaa?

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Lɛrɛvɔ Sɛbɛ 89:6

Oo Gakelebale, lanu i bɔ vɔa i kɛlɛwe blɛnblɛnnu lé we ma. Woo i yara pale we ta glewoo mi sauunnu lé wo zén ékeva, wo va.

Lɛrɛvɔ Sɛbɛ 89:8

Bale a kanamazan blɛn nya mi sauunnu lé wo zén ékeva, wo va, Éé kana zén‐é munu faa lé woo dirian a zi, wo gi.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Ézai 1:18

Gakelebale léma: ’Ka da, kaa ana we fe. Dé kalé wenyané ka bli tié tiritiri bélé gla’yi zo‐oo, ka bli é dan kɛlɛ lɛ fu tata bélé glasépun zo; dé wo kɛlɛ sɔɔn bélé gulimagyan zo‐oo, ka bli é dan kɛlɛ lɛ fu tata bélé kununu lii zo.

Ézai 33:24

Ana nyanazan do kpen ’ka dan a fe lɛ léé, gyɛ a ’é ma, lo. Bale é dan Jérusalɛm munu ma we vo lɛ wolé weplenu ma.

Ézai 38:17

Bé gini do, anlé nyanéblelenu boen‐oo, wo kɛlɛ an bélifɛ nya; É sɔ i lɛ kɔɔn léé, i an boen si yé sin an paiguru vo é pla, I anlé wenyané faa vo i bɛ zuo, azama.

Ézai 40:18

Ka dan Bale dan lɛ mi kyɛn maa? Mɛ lé i dan a gɔɔn lɛ a foto nyaa?

Ézai 40:25

Mi Sauun léma: Ka dan an dan lɛ mi kyɛn ɛ ma, yé ko bɔ a nya ékemaa?

Ézai 43:25

Maa, maa ɛ ilé bélidɔwe sɛrɛlenu fwi, an sɔ anbo lɛ, azama. Yé ilé wenyané sele ’ka dan dɔ lɛ an gi é dɛrɛ lo.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

Ézai 57:10

Kalé ta kiɛre wole ma lé ka wɔ lɛ gi nyaa ka ma, yé ka ’ka a fé léé, ka sɔn vɔ a ma, lo. Plɛplɛ a tan ka lee, amalé ka ’ka gi dɔɔa léé, gyɛ a ka ma lo.

Ézai 57:16

Munu lé maa wo kɛlɛ, dé wo dia an ’lɛ wo fuu sile nya wo ta, é ’ka sɔ lɛ an lɛ léé, maa vo za kɛlɛna yifaama lo; é ’ka sɔ lɛ an lɛ léé, an bli é vo flina yifaama lo.

Ézai 62:5

Pɛniɛ éé blɛnzan sié fɛan zo, A zo duo lé i benu é dan i si lɛ. Fɛan zo lé bodɛrɛsizan é zana gi nana, A zo lé i dan ilé Bale gi nana lɛ.

Ézai 64:9

Ilé fla sauunnu vo bwi nya; Siɔn vo bwi nya, Jérusalɛm vo tétété.

Ézai 65:19

Maa dan Jérusalɛm kɛlɛ lɛ an ginanafla nya; maa dan anlé munu kɛlɛ lɛ an ginanamazannu nya. Wo ’ka dan wuvɔle valé siaale vun ’ma lɛ ana é dɛrɛ lo.

Jérémi 3:12

’I go, ’i siaa dére ’konu nya yirinwana bɛbolazia, yé bé fe léma: Gakelebale léma: Izraɛl, bii lé i ’ka plaan an wuo lo, ’i da i pa gi. Maa ’ka dan yara nwɛɛn?-?nwɛɛnné gyɛ lɛ ka ta lo. Naa, maa a nyanaizénzan nya, an bli ’ka dan vo lɛ flina yifaama lo. Maa Gakelebale ɛ ke a fena.

Jérémi 3:5

A bli é dan vo lɛ flina yifaamaa? A bli ’ka daan flile ma monomono loo? Ka ’bɛ fe, yé ka vo kalé weple kɛlɛna duowo.

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

Jérémi 31:34

Mi do kpen ’ka dan we paa lɛ é bɔluzan gi lo, yé mi do kpen ’ka dan we paa lɛ é bwe gi a fele nya léé, ’ka Gakelebale dɔɔ, lo. Naa, é sia né kiénénu ma, fɔɔ yé é bɔ mi kwakwanu ma, munu faa é dan an dɔɔ lɛ. Naa, maa dan wo ma we vo lɛ wolé weplenu ma, yé wolé wenyanénu sele ’ka dan dɔ lɛ an gi é dɛrɛ lo. Maa Gakelebale ɛ ke a fena.

Jérémi 32:41

Wezin kɛlɛle wo lɛ é dan an gi nana lɛ, yé maa dan wo nyana lɛ kli tɛrɛ ’ko ta, an bli faa valé an boen faa nya.

Jérémi 33:8

Weplenu faa lé wa kɛlɛ an lɛ, maa dan wo zuru lɛ ’bɛ we ma, yé weplenu lé wa kɛlɛ an ’namawe nya, yé wo nwa an ma wo nya, maa dan wo ma we vo lɛ ’bɛ we ma.

Jérémi 38:8

Ébɛd‐Mélɛk si minwiinzan blɛn lé kɔn gi yé é we fe a lɛ yé é léé:

Jérémi 50:20

Gakelebale léma: ’Bɛ yi ’konu la, ’bɛ bléyi ’ko va, wo dan Izraɛl lé weplenu gini lɛ, yé wo ’ka ana é dɛrɛ lo; wo dan Juda lé wenyanénu gini lɛ, yé wo ’ka dan wo ye lɛ é dɛrɛ lo; naa, munu lé maa wo vo ana, maa dan wo ma we vo lɛ.

Jérémi 9:24

Naa, mian é sɔ a lɛ léé, ébo tɔ bɔ, ’É ébo tɔ bɔ léé, wedɔɔle a ’é lee, Gakelebale dɔɔle we ma, É valé a gi dɔɔle we ma lee, maa ɛ ke Gakelebale lé É zin koo, we drɔle koo, we tegele koo, éé wo kɛla tɛrɛ la, a nya. Naa, ’bɛ zoɛ wedɔɔle sɔ an lɛ. Maa Gakelebale ɛ ke a fena.

Ézékiɛl 18:23

Mizan Gakelebale léma: Mi nyané gale sɔ an lɛɛ? Alé tawobɛ nɔlale yé é vo é yuɛma, ’bɛan ’bɛ sɔ an lɛ loo?

Ézékiɛl 33:11

Bé fe wo lɛ léma: Mizan Gakelebale léma: Maa a é yuɛma. Mi nyané gale ’ka anlé blibɔmawe nya lo; é sɔ an lɛ léé, ’é élé tawobɛ nɔla yé ’é béli. ’Ka si kalé zi nyané ta; ’ka daoo, ’ka da! Izraɛl munu, mɛmalé ka gaan é plaa?

Ézékiɛl 33:16

Wenyané faa lé é a kɛlɛ, an gi é dan san lɛ wo ma; sin, dé é a we drɔle valé we tegele kɛlɛna, é dan béli lɛ.

Daniɛl 9:9

Mizan, kozé Bale, ko nwa i ma, naa, bii a nyanaizénzan valé mimawe?-?vozan nya.

OZÉ (Osée) 14:2

’Ka da Gakelebale va yé ’ka ka gi we fe. ’Ka fe a lɛ léma: ’I ko ma we vo kolé weple faa ma, yé ’i ko si é zima. Ko ’ka dan i ban lɛ diri nya lo, naa, ko dan i ban lɛ ko lɔlu nya.

OZÉ (Osée) 14:5

Maa dan kɛlɛ lɛ bélé fli zo Izraɛl ma, É dan tin lɛ bélé bolu lé goo zo, Yé a suni é dan wɔra lɛ bélé Liban yili zo,

Joɛl 2:32

Yé ’bɛ bléyi va, dé miomian Gakelebale tɔ laa, é dan si lɛ we gi. Yé sile we gi é dan kɛlɛ lɛ Siɔn gɔ nwiin valé Jérusalɛm, Gakelebale a fe fɛan zo, a zo. Yé munu lé Gakelebale wo si a va, wo dan kɛlɛ lɛ siéwegimunu va.

Amɔs 1:11

Gakelebale léma: Édom munu lé wenyané blɛn yaa lé we ma, gba, maa fé boenwo ziɛn, we lé maa a fe léé, maa dan a kɛlɛ lɛ, maa ’ka dan an dére nɔla lɛ lo; é ’é bwenu zuo bin gwɔun nya, yé é nyanai zénle wo ta yi ga. Alé bliflile ana yifaama, yé a wɛwɛ dɔle glɛ ’ka lo,

Amɔs 7:8

Gakelebale lé an lɛ léé: Amɔs, i mɛ fɛ yéé? Maa a zi pa léé: Nivoo do lé. Yé Mizan léé: Maa dan anlé munu Izraɛl dan lɛ nivoo nya. Maa ’ka dan wo ma we vo lɛ é dɛrɛ lo.

Amɔs 8:2

É lé an lɛ léé: Amɔs, i mɛ fɛ yéé? Yé maa a zi pa léé: An kyɛɛné do yé, ’té yiliporo a a gi. Yé Gakelebale lé an lɛ léé: Anlé munu Izraɛl bɔ wozé ’wuoplana; an ’ka dan wo ma we vo lɛ é dɛrɛ lo.

Jonas 4:2

É we ’ko laa Gakelebale lee yé é léé: Gakelebale, wean maa a fé turu, ’té maa a tan anlé tɛrɛ la, yeean é ke ’ko loo? Amalé é dɔ an gi léé, an go yɔɔ lɛ Taasis. Bii a Bale lé é mi mawe dɔɔ, ’té a nyanai éé zén‐é, ’té a bli ’ka flian é kele lo, ’té zin a a gi kiɛre, ’té éé bli nɔlaan we tɔntɔn kɛlɛle mi lɛ ma, a nya.

Misé 2:12

Jakɔb‐oo, maa dan ilé munu faa zén lɛ ékeva. Maa dan Izraɛl munu pɔné faa zén lɛ ékeva. Maa dan wo zén lɛ ékeva bélé gɔrɔ do gi ’blanu zo, bélé trubɛ palu do zo wolé lu blena. Munu vun é dan we lɛ blɛn.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Misé 5:3

É dan bɔra lɛ yé é dan pla lɛ munu nwiin Gakelebale lé plɛplɛ nya, Gakelebale alé Bale lé fuatɔ nya. Wo dan a tɔ bɔ lɛ fɔɔ tɛrɛ glɛ sina, amalé alé munu é dan nyana lɛ kli.

Misé 7:14

Ilé munu, ilé trubɛ lé ke ilé tɔnɔyémafɛ nya, ’té wo ke é nyanale Kaamɛl gɔnu méléna pɔrɔ gi wo saa, ’i wo pa ilé ’blatabinyili nya; ’wo fɛ ble Bazan valé Galaad tɛrɛ la bélé é vinin zo.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Mi Nɔnɔle 23:21

É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

WENÉNÉ LÉ LUK A GYE (Évangile selon Luc) 15:32

Naa, i zuané ’ko, é ga yé é vuo, é san, yé é bɔra a gi; amalé é a lé ko gi é nana a we ma yé ko fɛti kɛlɛ webozen nya.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

Rom munu 11:4

’Naan, Kazambale a zi pa a lɛ nɔɔ? É léé: Mi baa yaa wuru soru lé wo ’ka tan ’wo powuo zun lɛ Baal lɛ lo, maa wo tadɔ anzé nya. Yee kaan loo?

Bélidɔwesɛbɛ Fiézan 33:26

Izraɛl lé Bale bɔmazan ’ka lo, É da la gi yé é bɔ ka va, É da lati ta élé fuasan blɛn tagɔɔnle nya.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

Weblezannu 10:16

Yé wo bale bɛnu si wo méléna yé wo Gakelebale bɔ, ’té ’bɛ bli kyɛ dɔ wolé nyanéblele ma.