Misé 7:14 - Kazambale lé Sebe Sauunu 1979

¹⁴ Ilé munu, ilé trubɛ lé ke ilé tɔnɔyémafɛ nya, ’té wo ke é nyanale Kaamɛl gɔnu méléna pɔrɔ gi wo saa, ’i wo pa ilé ’blatabinyili nya; ’wo fɛ ble Bazan valé Galaad tɛrɛ la bélé é vinin zo.

Misé 7:14 ပူးပေါင်းရင်းမြစ်များ

Lɛrɛvɔ Sɛbɛ 100:3

Gakelebale ɛ ke Bale nya, ’ka we ’ko dɔɔ ma. Yee ɛ ko kɛlɛ, yé ko a azé nya; Ko a alé munu valé alé trubɛnu nya; éé ko tabin‐é.

Lɛrɛvɔ Sɛbɛ 143:5

We kyɛnnu lé bé kɛlɛ, wo sele a an gi, An bɔn‐in bɔrɔan i panyanamanu faa ma, An ’wuo gi bɔrɔan i bɛ panyanamanu ma.

Lɛrɛvɔ Sɛbɛ 28:9

’I ilé munu si we gi; munu lé wo ke ilé tɔnɔfɛ nya, ’i wo drɔɔ vo. ’I kɛlɛ wo tabinzan valé wo takuunzan nya yifaama ma.

Lɛrɛvɔ Sɛbɛ 95:7

Naa, é a kaalé Bale nya, Yé kaa a alé trubɛ blena munu nya, Trubɛ lé éé goo a nya, kaa a ’bɛ nya, Oo, dé ka bɔa ka tɔné dɔle lɛ a dére lɛ kyɔɔ?

Fwile 33:16

Dé maa valé ilé munu kɛlɛ mi zinnu nya i yuɛioo, dé ko ’ka kɛlɛ lɛ mi zinnu nya i yuɛi looo, dé i ’ka tawoo ko va lo, wo dan a gi dɔɔ lɛ kaa? Ilé tawole ko va lé we ma lé wo dan maa valé ilé munu dɔɔ lɛ tɛrɛlamunu faa méléna.

Wegɔné Ma Lɛrɛ 4:1

I a é nɔnɔmi, an bwɛ, i a é nɔnɔmi é baba; I yuɛ a bélé plawuo zo I yarayɔɔsɔ wuo. I nwiin nwun a bélé boli trubɛ palunu lé Wo ke Galaad gɔzunna, wo zo.

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Ézai 35:2

Ana é dan sɔɔla lɛ flɛrinu nya yé a gi é dan nana lɛ; É dan ginanalɛrɛ vɔ lɛ yé é dan siaa lɛ guliwuovolɛ dére nya; Wo dan Liban gɔ tɔbɔle nɔ lɛ a lɛ, Wo tɔ é dan kɛlɛ lɛ blɛn bélé Kaamɛl gɔ valé Sarɔn tɛrɛ zé zo. Wo dan Gakelebale tɔbɔle ye lɛ; Wo dan kolé Bale lé migisanmawe blɛn kɛlɛle ye lɛ.

Ézai 37:24

I wuozannu dére nya lé i Mizan sɔnɔ Yé bii léé: Anlé goro kiɛre nya lé Maa gɔnu gié Yé an bɔ Liban gɔnu nwiin; Alé sɛdrɛyili grɔgrɔnu koo, Alé siprɛyili nɔnɔmi koo, maa dan wo vɔ lɛ, An dan bɔ lɛ a gɔ voélazan nwiin, An dan bɔ lɛ alé pɔrɔ wɔlɛ gi;

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Ézai 49:10

Lɔrɔ ’ka dan wo gyɛ lɛ lo, yé ’yiminilɔrɔ ’ka dan wo gyɛ lɛ lo; Wo ’ka dan nyané ble lɛ tɛrɛ kyɛ dɔle valé yiri lee lo; Naa, mi lé a nyanai é zén wo ta, é dan kɛlɛ lɛ wolé zigɔɔnzan nya, Yé é dan go lɛ wo nya ’yibɔnanu na.

Ézai 65:10

Anlé trubɛnu é dan fɛ ble lɛ Sarɔn lé fɛna pɛblɛɛna. Pɛnguru lé wa laama Akɔɔ, é dan kɛlɛ lɛ anlé dirinu blena nya; munu lé wo dan an nagini lɛ, wozé lé.

Jérémi 49:31

’Ka nwa, ’ka nwa bɛn drɔɔ do lé éé nyanaan fɛna gligli na, a ma; maa Gakelebale ɛ ke a fena. Alé flagɔrɔ ’léé duoli ’ka lo, yé foliɛwɔlɛ ’ka a ta lo; éé nyanaan é do.

Jérémi Lé Wuvɔ Sɛbɛ 1:7

Jérusalɛm lé klebleyi valé alé nyanaizénlayi nya, We néné faa lé ke azé nya é vinin, wo sele dɔ a gi, Naa, sin alé munu dia munu lé ’bɛnu éé yaan wo ta, ’bɛnu lee, ’té wo bɔvazan do kpen ’ka lo; Wo nyanézannu wo nagini é pla, ’té woo yéri sié a zunle we ma.

Jérémi Lé Wuvɔ Sɛbɛ 5:21

Oo Gakelebale, ’bé kɛlɛ léé, ko da i va é ziin, yé ko dan da lɛ i va. ’I yinu nɔ ko lɛ bélé é vinin zé zo.

Ézékiɛl 36:11

Maa dan blaminu valé winu ’léé gi gyɛ lɛ ka nwiin di. Wo gi é dan gyɛ lɛ yé wo dan fan lɛ. É sɔ an lɛ léé, munu é nyana ka nwiin bélé é vinin zé zo, yé maa dan zin kɛlɛ lɛ ka lɛ yé ’bɛ é gié é vinin zé ta, yé ka dan a gi dɔɔ lɛ léé, maa ɛ ke Gakelebale nya.

Lévinu 27:32

Dé i a ilé winu nɔnɔna, wi faa lé éé giéan ilé ’blatabinyili wuo, dé diri léé, dé trubɛnu léé, a vuzan faa a Gakelebale zé nya.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Abudias 1:19

Ézau lé gɔ é dan kɛlɛ lɛ yirinwana bɛyilazia munu zé nya, Yé Filisitinu lé tɛrɛ é dan kɛlɛ lɛ fɛna pɛblɛɛna munu zé nya. Éfraim munu lé tɛrɛ valé Samari munu lé tɛrɛ é dan kɛlɛ lɛ wozé nya, Yé Galaad tɛrɛ é dan kɛlɛ lɛ Bɛnjamɛn zé nya.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Sofoni 3:13

Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Zakari 10:10

Maa dan wo si lɛ Éjipiti tɛrɛ la yé maa da wo nya; Maa dan wo si lɛ Asiri tɛrɛ la yé maa wo zén ékeva; Yé maa dan da lɛ wo nya wo pa gi Galaad valé Liban tɛrɛ la, Yé fɛna ’ka dan sɔ lɛ wo ma lo.

Zakari 11:7

’Blanu lé wo dan wo gyɛ lɛ bɛ, an kun fɛ nɔle ma wo lɛ; weboen lé, wa nyanaizénla ’blanu nya ’blanu va. Maa ’blatabinyili fié si, yé maa a do tɔ pa, zin, yé maa a do tɔ pa, nanale. Yé maa vo ’blanu pana.

Malasi 3:4

Yé Juda valé Jérusalɛm munu lé blɛnu é dan Gakelebale gi nana lɛ, bélé é li zé zo.

Mi Nɔnɔle 23:9

Maa Izraɛlnu ye, ’té maa a é dɔle gɔlɛgɔ nwiin, Yé an yuɛ vɔ wo ta tirilii, ’té maa a gɔ nwiin loru. Migɔnɔ do lé é ke é nyanale é yɛrama, yee lé, Yé é ’ka é pale bɛnnu va lo.

Mi Nɔnɔle 32:1

Rubɛn munu valé Gad munu lé trubɛnu kɛlɛ di é baba, yé wa ye léé, Jaézɛɛ lé tɛrɛ valé Galaad lé tɛrɛ a trubɛnu blena zimanu nya.

Mi Nɔnɔle 32:4

tɛrɛ ’ko lé Gakelebale ana munu kele Izraɛlnu nya, é a trubɛnu blena zima nya; yé trubɛnu a i wuozannu lee di.

Matio 2:6

Yé bii Bɛtléɛm, Juda tɛrɛ la, I tɔ ’ka kiéné Juda fla blɛnnu méléna lo. Naa, bii ta lé wo dan minwiinzan yaa lɛ, Yee ɛ dan fɛblele nɔ lɛ anlé munu Izraɛl lɛ.

WENÉNÉ LE JAN A GYE (Évangile selon Jean) 17:16

Wo ’ka tɛrɛlamunu nya lo, bélé fɛan zo lé maa ’ka tɛrɛlami nya lo, a zo.

Bélidɔwesɛbɛ Fiézan 33:28

Izraɛl a é nyanale élé fɛna duaa, Jakɔb lé ’yi’wuo vo duunna Tɛrɛ lé woo buruwɔlɛ valé dɔrɔ dɛrɛ yé ana, a ta, Yé alé la éé fli vɔa.