Misé 7:12 - Kazambale lé Sebe Sauunu 1979

¹² ’Bɛ yi la, munu é dan si lɛ Asiri tɛrɛ koo, Éjipiti tɛrɛ la fla blɛnnu koo, wona, é sia Éjipiti ma fɔɔ yé é bɔ yuu ma, é sia wɛyi do ma yé é bɔ a koɛ ma, é sia gɔ do ma yé é bɔ gɔ koɛ ma, wona munu é dan da lɛ ka va.

Misé 7:12 ပူးပေါင်းရင်းမြစ်များ

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 11:16

Alé munu pɔnénu lé wo vo yé wo so Asirinu lee, é dan zi pla lɛ wo lɛ bélé fɛan zo lé é zi pla Izraɛlnu lɛ wo fwiyi la Éjipiti tɛrɛ la, a zo.

Ézai 43:6

Maa dan a fe lɛ yirinwana bɛbolazia lɛ léé, ’i wo nɔ. Maa dan a fe lɛ yirinwana bɛyilazia lɛ léé, té i kun wo ma lo. ’Ka an benu si tɛrɛ baanu ta, ’ka da wo nya, ’Ka an lunu si tɛrɛ glɛ sina, ’wo da.

Ézai 49:12

Wo lo, wo si baa, A kenu si yirinwana bɛbolazia valé yirivɔnazia, Yé a kenu si Sinim tɛrɛ la.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Jérémi 31:8

Ka ye, maa dan munu si lɛ yiri‐nwanazia tɛrɛ la, yé an da wo nya, Maa dan wo si lɛ tɛrɛ glɛ sina yé maa wo zén ékeva; Yuɛwiizannu valé ganesuruzannu a wo va, Bɔnlomu valé néyaalomu a wo va. Migu blɛn lé é ke dana ’ko é ziin, yee lé.

Jérémi 46:27

Yé bii, an wuozan Jakɔb, té i kana lo; Izraɛl munu, té kana é zén ka gi lo. Naa, maa dan ka si lɛ tɛrɛ baa ta, Yé i kulunu lé wo ke luu gi tɛrɛ bɛ ta, maa dan wo si lɛ ’bɛna; Jakɔb é dan da lɛ, é dan flin lɛ drɔɔ ginanale nya, Yé mi lé é dan gibɔrɔ pa lɛ a ma, ’bɛzan ’ka lo.

Ézékiɛl 29:21

’Bɛ yi la, maa dan plɛplɛ nɔ lɛ Izraɛl munu lɛ yé maa dan i ’léé lɛ so lɛ wo méléna, yé wo dan a gi dɔɔ lɛ léé, maa ɛ ke Gakelebale nya.

Ézékiɛl 37:21

Bé fe wo lɛ léma: Mizan Gakelebale léma: Ka ye, Izraɛl munu lé wo ke bɛnnu méléna, maa dan wo si lɛ bɛ faa na, yé maa go wo nya wobo lé tɛrɛ la.

OZÉ (Osée) 11:11

Wo dan si lɛ Éjipiti tɛrɛ la vlan nya, bélé miané sile zo; wo dan si lɛ Asiri tɛrɛ la bélé plawuo zo, yé maa dan wo nyana lɛ ’wobo lé kɔnnu gi. A zo lé Gakelebale a fe.