Misé 7:10 - Kazambale lé Sebe Sauunu 1979

¹⁰ An nyanézan é dan a ye lɛ yé yara é dan a gyɛ lɛ; yee lé éé a fé turu an lɛ léé, Gakelebale, ilé Bale a kyɛɛn? bɛ, yee lé. Wo dan a zɔn lɛ ’wo gane nya bélé zia voli zo. Maa dan a ye lɛ yé an gi é dan nana lɛ.

Misé 7:10 ပူးပေါင်းရင်းမြစ်များ

2 Samuɛl 22:43

Maa wo pun dɔa bélé tɛrɛ va vun zo, Maa wo ’wiié, maa wo zɔn‐o an gane nya bélé fla zinu ta voli zo.

Lɛrɛvɔ Sɛbɛ 109:29

’Wo yaragyɛwe bɔ an nyanézannu ma ma, Yé wo yara wɔra wo ’wuo ma bélé sɔ zo ma.

Lɛrɛvɔ Sɛbɛ 115:2

Mɛmalé bɛnnu a fé léé: Kalé Bale a kyɛɛn?

Lɛrɛvɔ Sɛbɛ 18:42

Woo siaan yé mi do ’ka wo lɛ yé ’bɛ é wo si we gi lo, Woo siaan Gakelebale lɛ, yé ’bɛ ’ka a zi paan wo lɛ lo.

Lɛrɛvɔ Sɛbɛ 35:26

Munu lé wo gi éé nanaan we tɔntɔn bɔle an ma we ma, Yara ’é wo faa gyɛ yé wo yuɛ ’é tana ma. Munu lé woo nwaan an ma, yara ’é wo gyɛ yé munu ’é serele bo wo ma ma.

Lɛrɛvɔ Sɛbɛ 42:10

Bale, anlé gɔlɛgɔ, maa lé i lɛ léé: Mɛmalé i gi saan an maa? Mɛmalé é a lé maa tawoo bli kyɛdɔle nya, ’Té an nyanézan éé yaan an taa?

Lɛrɛvɔ Sɛbɛ 42:3

Bale, Bale yuɛmale, i lɔrɔ an boen gya. Mɛ yi la léé, maa dan go lɛ yé maa Bale yara yee?

Lɛrɛvɔ Sɛbɛ 58:10

Dé lélikyɛ ’ka tan kalé lɛedaanu kyɛ dɔ lɛ lo, Dé wa drɔɔdrɔɔoo, dé kyɛ vɔ wo maoo, barikoko é dan go lɛ wo nya.

Lɛrɛvɔ Sɛbɛ 79:10

Mɛmalé bɛnnu é dan a fe lɛ léé, wozé Bale a kyɛɛn? É a lé wa gi dɔɔ ko yuɛ va, bɛnnu méléna Léé, ko, i wuozannu nyɛ lé wa zana bɛ, bé lɛi paan.

Lɛrɛvɔ Sɛbɛ 92:12

Dé an yuɛ vɔ an nyanézannu ta, an gi éé nanaan, Dé maa an mazannu dére ’ma, an gi éé nanaan.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 41:25

Maa mi do nwa yirinwana bɛbolazia yé é da, É an tɔ laa yirinwana; É dan mi plɛplɛnu zɔn lɛ é gane nya bélé voli zo, É dan wo zɔn lɛ bélé bɔdɔzan lé bɔtɛrɛ zɔnle zo.

Jérémi 49:15

Naa, maa dan i kɛlɛ lɛ kiéné bɛnnu méléna; munu é dan serele bo lɛ i ma.

Jérémi 51:24

Wenaané faa lé Babilɔn munu valé Kaldé munu faa a kɛlɛ Siɔn lɛ ka yuɛ gi, maa dan a lɛgi pa lɛ wo ma. Maa Gakelebale ɛ ke a fena.

Jérémi 51:51

Ko sɔnɔle ’ma aan wo, ’bɛ kɛlɛ ko ma yaragyɛwe nya; dé bɛnnu wɔra Gakelebale lé kɔn sauun gi, yara wɔra ko ’wuo ma.

Ézékiɛl 7:18

Woo bɔlɔ vɔa ’wo tɛrɛ la, yé di blɛn kini wo gi; yara wo faa gyɛ, wo faa ’wo nwin puiɛ.

Daniɛl 3:15

Sin, ’ka ka ma’lɛrɛ, yé béli koo, gobé koo, gitaa koo, séén koo, kpélé koo, kɔnɔ koo, lɛrɛvɔafɛnu gɔnɔ faa koo, dé ka wo dére ’ma bléyian va, ’ka dia ka bli la kyan miyili lé maa a kɛlɛ, a ’lɛ, yé ka a bɔ. Dé ka ’ka a bɔ lɛ lo, wo dan ka vuli lɛ é nya do ’furu lé kyɛ a tana, a gi. Dé bale kyɛn ɛ dan ka si lɛ an lee?

Joɛl 2:17

Balebanmunu lé Wo ke Gakelebale wuozannu nya, ’Wo wuvɔ ’kɔn lɛɛ valé balebanna worona, Yé ’wa fe léé: Gakelebale, ’i nyanai zén ilé munu ta. Té i yaragyɛwe bɔ ilé munu ma lo, Té bɛnnu é we nana wo ma lo. Mɛmalé wa fé bɛngɔnɔnu méléna léé: Wolé Bale a kyɛɛn?

Abudias 1:10

Glawe lé bé kɛlɛ i bwe Jakɔb lɛ, ’bɛ lé we ma lé Yara blɛn é dan i gyɛ lɛ, Yé izé é dan nyaa lɛ tata.

Abudias 1:12

Té i gi é nana i bwe lé nyanébleyi nya lo; yian nya lé we tɔntɔn bɔ a ma, té i gi é nana lo. Yian nya lé Juda munu lé fɛna vo é ’bin nya, té i gi é nana ’bɛ ma lo. Wolé klebleyi nya, té i ’léé blɛnblɛn vɔ wo ma lo.

Misé 4:11

Sin bɛn gɔnɔ kiɛre zén ékeva yé wo péli vɔ ka ma, yé wo léé: Wolé tɛrɛ sɔnné ’é sɛrɛ ma, yé ko Siɔn sɛrɛna ye ma.

Misé 7:8

An nyanézan, té i gi é nana anlé we ma lo ma. Naa, dé an dia, an dan nwa lɛ. Dé maa a é nyanale gunutinu va, Gakelebale é dan kɛlɛ lɛ an vakinifɛ nya.

Sofoni 3:15

Gakelebale we lɛdɔle ka gi yi ga, Yé é ka nyanézannu si ka ma baa; Izraɛl nwiinzan blɛn, Gakelebale a ka méléna; We tɔntɔn ’ka dan bɔ lɛ ka ma é dɛrɛ lo.

Zakari 10:5

Wo dan kɛlɛ lɛ bélé nyanazannu lé woo voli zɔn‐o zia gulidanbléyi va, wo zo; Gakelebale é dan kɛlɛ lɛ wo va, amalé wo dan guli dan lɛ; yé munu lé wo dan vɔ lɛ wisoonu ta, yara é dan wo gyɛ lɛ.

Malasi 1:5

Ka dan a ye lɛ ka yuɛ nya, yé ka dan a fe lɛ léé: Gakelebale a blɛn Izraɛl lé tɛrɛ glɛ faa la.

Malasi 4:3

Yé ka dan mi nyanénu zɔn lɛ; wo dan kɛlɛ lɛ ka gane wuo bélé kyɛyee zo, yi lé maa a a ma’lɛrɛna, a yi nya. A zo lé lai sunyanu lé Gakelebale a fe.

Matio 27:43

Ébo bɛ pa Kazambale lee, naa, dé é sɔ Kazambale lɛ, ’bɛ a si we gi sin ma. Jézu a fe é kyɛn léé, ’é a Kazambale Be nya, amalé wa fe.

Jozué 7:9

Kanaannu koo, munu faa lé ke é nyanale wolé tɛrɛ la koo, dé wa ’ma, wo dan ko zi lɛ sɔɔ lɛ, yé wo dan ko tɔ si lɛ tɛrɛ la, yé i dan a kɛlɛ lɛ kaa i tɔ blɛn lé we maa?

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.