Misé 7:1 - Kazambale lé Sebe Sauunu 1979

¹ Yiba! Mɛ nyanainya we ɛ bɔ an ma a zoo? Maa a bélé mi lé é go féi gɔi, a zo, bélé mi lé é go dɔrɔ gɔi, a zo. Dɔrɔporo do kpen ’ka lo; bɔrɔyili poro lé an bli bɔ a ma, a do kpen ’ka lo.

Misé 7:1 ပူးပေါင်းရင်းမြစ်များ

Lɛrɛvɔ Sɛbɛ 120:5

Nyanale Mésɛk Valé nyanale Kédaa lé sɔkɔnnu méléna, ’bɛ an kɛlɛ nyanaizénlazan nya.

Wegɔnévɔlenu 20:6

Munu kiɛre wolé wezin kɛlɛle tɔ bɔa; naa, mi kyɛn ɛ bɔa yarapawelazan yele lɛɛ?

Ézai 17:6

É dan vo lɛ bélé ɔliviyili gɔ ma zo, ’té wa yili nyɔɔn, ’té a poro fié valé yaa vo a nwiin yé a poro ziɛn valé soru vo a bɛnu ’léé, a zo. Gakelebale Izraɛl lé Bale ɛ fe.

Ézai 24:13

É dan kɛlɛ lɛ tɛrɛ ’ko la munu va bélé ɔliviyili lé wa nyɔɔn, a zo, bélé dɔrɔ lé wa poro so, a gɔ ma sole zo.

Ézai 24:16

Ko munu lé lɛrɛvɔle ’ma tɛrɛ glɛ sina yé wo léé: Mi tegele tɔ ’é nwa ma. Naa, maa léé: Maa a é sanleoo, maa a é sanle! We tɔntɔn kɛlɛ an lɛ. Fɛsiéglanyazan, éé fɛ sié gla nya, fɛsiéglanyazan é ébo no élé glawe kɛlɛle lɛ.

Ézai 28:4

yé a vwi lé ke wo ’lɛrɛfɛ nya, ’té a ma éé yuruan bɛ, ’té é ke é plale pɛnguru gi tɛrɛ nyɔnɔzan nwiin bɛ, é dan kɛlɛ lɛ bélé bɔrɔyili poro lé é tana é bɔlunu ’lɛ, ’té dé é dia tɔɔn, ’té wa ble é kwakwa, a zo.

Ézai 6:5

Yé maa léé: Wenaané kɛlɛ an lɛ! Maa a é sanle weboen nya, naa, maa a mi lé a lɔlu tiri ke é dɔle, a nya, yé maa nyanaan munu lé wo lɔlu tiri ke é dɔle, wo va; maa Minwiinzan blɛn, lai sunyanuzan Gakelebale ye an yuɛ nya, azama.

Jérémi 15:10

An buoo, i an yaa wenaanébɔmazan nya. Maa ɛ ta lé zavɔle valé wesiale ke tɛrɛ faa la. Maa ’ka vɛɛn sié lo, maa ’ka drɔn paan lo, naa, duowo, munu faa éé bale paan an ma.

Jérémi 24:2

Bɔrɔyiliporo lé ke kyɛɛné do gi, wa é zima é baba, bélé yiliporo vininzannu zo, yé kyɛɛné koɛzan zé a é naané é baba; mi ’ka bɔa wo blele lɛ lo, wo naané lé we ma.

Jérémi 4:31

Naa, siaalenu lé maa wo ’ma, wa bélé néyaalomu lé siaalenu zo, Maa nyanéble siaalenu ’ma bélé blɛnzan lé né yaale lé nyanéblele zo. Siɔn munu lé ke bakinima flinna, ’té woo bɛnu soian, wo dére lé. Wo léé: Maa a we tɔntɔn bɔmazan nya. Maa a gana migyɛzannu lee.

Jérémi 45:3

Bii a fe léé: Wenaané kɛlɛ an lɛ, naa, Gakelebale anlé nyané blele taa pa bli kyɛdɔle nya. An bamaflin wo fɔɔ yé an wɔlɛ gi nyaa an ma, yé an ’ka flinle yé lo.

Jérémi 5:1

’Ka gié Jérusalɛm zinu ta, ’Ka nagini, ’ka we ma laa, ’ka vuun la nagini, Dé ka mi do ye ana, dé é a mi do nyaoo, ’Té éé we tegele kɛla, ’té é a é kunle webozen ma, Maa dan Jérusalɛm munu ma we vo lɛ alé we ma.

OZÉ (Osée) 9:10

Maa Izraɛl ye bélé dɔrɔporo zo bwi gi; maa ka tranu ye bélé bɔrɔyili poro vinin zo; naa, wo go Baal‐Péɔɔ zuo, yé wobo nɔ miyili lɛrɛlɛrɛ lɛ, yé wo kɛlɛ bozofɛ nya, bélé ’wo sɔlɛfɛ zo.

Mi Nɔnɔle 18:13

Wolé féifɛ vininzannu lé wo da wo nya maa, Gakelebale lɛ, wo dan kɛlɛ lɛ izé nya. Dé é a ilé kɔn gi miomian nya, dé azan a tegele, ’bɛzan a ble ma.