Misé 6:9 - Kazambale lé Sebe Sauunu 1979

⁹ Gakelebale dére a wena fla, yé mi lé é we dɔɔ, é dan kana lɛ a tɔ ma. ’Ka vlewɔlɛ valé ézan dére ’ma ma.

Misé 6:9 ပူးပေါင်းရင်းမြစ်များ

2 Samuɛl 21:1

David bléyi va lɔrɔ dɔ tɛrɛ la lɛɛ yaa. David Gakelebale yara gini yé Gakelebale léé: Saul valé élé kɔngimunu, mi nyɛzanamunu lé we ma lé. É Gabaɔn munu gyɛ, azama.

JOB (Job) 10:2

Maa dan fe lɛ Kazambale lɛ léé: Té i an gyɛ we nya lo. Wean ma lé i péli vɔ an ma, ’i ’bɛ fe an lɛ.

JOB (Job) 23:14

We lé é dɔ a gi anzé nya, é dan a kɛlɛle lɛ sɔɔ lɛ, Yé we bɛnu kiɛre é dan dɔ lɛ a ’wuo gi é ziin anzé nya.

JOB (Job) 5:17

Mi lé Kazambale we lɛdɔ a gi, azé a néné. Dé Plɛplɛfaazan a i drɔna, té bé ye boawe nya lo.

Lɛrɛvɔ Sɛbɛ 107:43

Mian a ’wuo ke a ta, ’é tawo we ’konu ta ma, Yé ’é bɔn‐in bɔrɔ Gakelebale lé zin ma ma.

Lɛrɛvɔ Sɛbɛ 48:10

Oo Bale, ko bɔn‐in bɔrɔan ilé zin ma Ilé kɔn sauun gi.

Lɛrɛvɔ Sɛbɛ 83:18

Yara ’é wo gyɛ yé di ’é kini wo gi yifaama ma, ’I wo gyɛ yara nya yé ’wo zamaga wo ma.

Lɛrɛvɔ Sɛbɛ 9:16

Migyɛguru lé bɛnnu a bo, wobozen éé diaan a gi, Séli lé wa vɔ é yɔɔle, woboen a sian a gi ’wo gane nya.

Wegɔnévɔlenu 22:3

Yuɛikinizan éé wenaané yé, yé éé yɔɔan, naa, nékénénémi éé goo é ’lɛ mi, yé woo we lɛdɔa a gi.

Ézai 26:11

Gakelebale, i bɛ a plɛplɛ; Wo ’ka a gi dɔɔa lo. I fuu a i ta fɛan zo ilé munu mawe kɛlɛna, wo dan a ye lɛ yé ’bɛ é dan wo gyɛ lɛ yara nya; Kyɛ é dan i nyanézannu ble lɛ.

Ézai 27:10

Naa, mi do kpen ’ka fla plɛplɛ ta é dɛrɛ lo, é a é koro nya yé ana vo bélé bwi zo. É dan kɛlɛ lɛ diriné blena nya, éé yian ana ’té éé yilibɛnu laanu blé.

Ézai 30:27

Mi lé wa laan Gakelebale, yee lé é dan bɛ; é si baa, a bli a flina é baba, é a bélé kyɛ blɛn zo. A wɛwɛ a é baba; a nɛnɛ a bélé kyɛ lé éé fɛnu blé, a zo.

Ézai 66:6

Dére gléglé do we fla, dére do we Balebangikɔn gi. Gakelebale lé éé nyanézannu gooli paan, a dére lé.

Ézai 9:13

Gakelebale é dan Izraɛl woli valé a ’wuo bɔi lɛ yé é dan yɔ valé gyan soowɔla lɛ yi do kpen nya.

Jérémi 26:18

Juda nwiinzan Ézékia bléyi va, Morésɛt zan Misé balelawe fe Juda munu faa lɛ léé: Lai sunyanu lé Gakelebale léma: Wo dan Siɔn fun‐an lɛ bélé bwi zo, Jérusalɛm é dan kɛlɛ lɛ é ’bin nya, Yé gɔ blɛn lé wo Bale lé kɔn dɔ a nwiin bɛ, pɔrɔ é dan kɛlɛ lɛ ana.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 47:7

I dan nyana lɛ drɔɔ kaa? Gakelebale a béli dɔ É a pa zia Azkalɔn valé wɛyi ma munu ma.

Ézékiɛl 7:9

An yuɛyi ’ka dan dɔ lɛ a ta ilé we ma lo, yé an nyanai ’ka dan zén lɛ i ta monomono lo. Maa dan i kɛlɛwenu kɔné dɔ lɛ i nwiin, yé ilé bozowenu é dan ’na lɛ i ta, yé ka dan a gi dɔɔ lɛ léé, maa lé ke Gakelebale lé éé mi blaan, a nya.

OZÉ (Osée) 13:16

Samari nwa ’élé Bale ma, amalé maa dan we lɛdɔ lɛ a gi. Wo dan ga lɛ gwɔun lee; wo dan wolé nénu wii lɛ, yé wo dan bɔnlomu bɔn fia lɛ.

OZÉ (Osée) 14:9

Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.

Amɔs 2:5

Maa dan kyɛ bi lɛ Juda tɛrɛ la, yé é dan fuakɔnnu kyɛ ble lɛ Jérusalɛm.

Amɔs 6:1

Munu lé wo ke é nyanale drɔɔ Siɔn, ’té wa é nyanale wobo ma duaa Samari gɔ nwiin, we tɔntɔn ’é kɛlɛ wo lɛ ma. Bɛntɛrɛnu va bɛntɛrɛ vininzan lé mi blɛnnu lé Izraɛl éé goo wo va bɛ, woo lé.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Misé 6:10

Fɛwezan lé wa ye weple ma, é ana tan mi nyané lé kɔn gii? Fɛdangifɛ lé wa wɔra ékeva, ’té é ke balepamafɛ nya bɛ, é ana mii?

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Sofoni 3:2

É ’ka é tɔné dɔa dére do kpen lɛ lo; é ’ka a nyi sié léé, wo ’é drɔ lo; é ’ka paan Gakelebale ta lo; é ’ka biéan élé Bale sɔnɔ lo.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.