Misé 6:8 - Kazambale lé Sebe Sauunu 1979

⁸ Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Misé 6:8 ပူးပေါင်းရင်းမြစ်များ

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

Wepélisiananu 5:22

Métuséla yaale zuo Énɔk tawo Bale va lɛɛ wuru do yɔ soru, yé é négɔné valé nélomu yaa.

2 Minwiinmunu lé Wezuofe Sɛbɛ 30:11

Duowo, Azɛɛ valé Manasé valé Zabulɔn va mi kenu wobo kɛlɛ kiéné yé wo da Jérusalɛm.

2 Minwiinmunu lé Wezuofe Sɛbɛ 32:26

Yé Ézékia daan élé boblɛn ma, yé yee valé Jérusalɛm munu wobo kɛlɛ kiéné. Yé Gakelebale ’ka we kɛlɛ lɛ wo lɛ é bliflile nya Ézékia zé bléyi va lo.

2 Minwiinmunu lé Wezuofe Sɛbɛ 33:19

Alé bazorole koo, fɛan zo lé Bale alé bazoro dére ’ma koo, alé wenyanénu koo, alé yuɛ gi blanlenu koo, fɛnu lé é gɔ nwiin yobannanu kɛlɛ wona yé é miyilinu valé yofotonu dɔ ana alé bo kɛlɛle kiéné ’lɛ, wonu koo, ’bɛ a é gyɛle Ozai lé sɛbɛ gi.

2 Minwiinmunu lé Wezuofe Sɛbɛ 33:23

Yé é ’ka ébo kɛlɛ lɛ kiéné Gakelebale ’lɛ bélé a ti Manasé a kɛlɛ fɛan zo, a zo lo. Naa, yee Amon kɛlɛ weanwiinzan blɛn nya.

2 Minwiinmunu lé Wezuofe Sɛbɛ 34:27

Mi guru zana a gi dére valé bale pa mi ma dére lé maa a fe tɛrɛ ’ko valé a tamunu ma, bé ’ma aan wo, i bli kyɛ dɔ yé i ibo kɛlɛ kiéné Bale ’lɛ; i ilé sɔnu fia yé i wuvɔ an ’lɛ, bɛwemalé maa é ziin, maa ’ma. Yee lé Gakelebale a fe.

Néémi 9:13

I zun Sinai gɔ nwiin, i we fe wo lɛ lagi loru, yé i déretawe tegelenu koo, bélidɔwe boennu koo, weplalenu valé bélidɔwe sɔnné zimanu koo, i wo nɔ wo lɛ.

Lɛrɛvɔ Sɛbɛ 101:1

Lɛrɛ lé. David zé lé. Maa dan zin valé we tegele vɔ lɛ lɛrɛ nya; Bii Gakelebale lɛ lé maa dan lɛrɛ vɔ lɛ.

Lɛrɛvɔ Sɛbɛ 112:4

San éé nwɛɛn‐an gunutinu va, munu lé wolé we ke é drɔle, wozé nya, É valé nyanaizénzannu koo, mi mawe dɔɔzannu koo, mi tegelenu koo, wozé nya.

Lɛrɛvɔ Sɛbɛ 112:9

Éé fɛ kiɛre no; éé fɛ no nyanégyɛzannu lɛ; A kɛlɛwe tegele ana lɛɛfaama; A tɔ bɔle a ’wuo nwaan.

Lɛrɛvɔ Sɛbɛ 37:26

É a yifaama mi mawe dɔɔzan nya, yé éé drɔn paan; Yé a kulu drɔɔ a é vole.

Lɛrɛvɔ Sɛbɛ 73:28

Naa, dé é a anzé nya, an biéle Bale sɔnɔ é a an ma é zima; Mizan, Gakelebale, a an vɔzizan nya, I panyanamanu faa zuo fele we ma.

Wegɔnévɔlenu 21:3

We tegele valé we drɔle kɛlɛle a é sɔe Gakelebale yuɛ gi é mini saraka bole ta.

Bale Lé We Gifezan 12:13

Wedɔɔzannu dérenu a bélé foroné zo; dé wa é gyɛle ékeva fɛ dona, wa bélé pɔnténu lé wo wo blin, wo zo; dére ’konu faa si mi do ’léé.

Ézai 56:1

Gakelebale léma: Kalé tawogane ’é drɔ tegele yé ’ka we tegele kɛlɛ; naa, é vo sɛ yé an dan ka si lɛ we gi, yé anlé wetegele na é dan gɔɔn lɛ é kele,

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Jérémi 22:16

É nyanégyɛzannu valé yalɛgyɛzannu lé we ble, Yé a gi nana. Yee lé ke an dɔɔle nya. Yee kaan loo? Maa Gakelebale ɛ ke a fena.

Jérémi 22:3

Gakelebale léma: ’Ka we tegele valé we drɔle kɛlɛ; ’ka mi si vami lee; té ka nyané pa bɛn koo, ti valé bu galazan koo, zanagala le koo, wo ta lo; té ka glawe kɛlɛ mi lɛ lo; té ka weanwiinlozan nyɛ zana fɛkona lo.

Jérémi 9:23

Gakelebale léma: Té wedɔɔzan ébo tɔ bɔ élé wedɔɔle gi lo; Té mi plɛplɛ ébo tɔ bɔ élé plɛplɛ gi lo; Té fuablezan ébo tɔ bɔ élé fuafɛnu gi lo;

Jérémi Lé Wuvɔ Sɛbɛ 3:26

Dé mi éé Gakelebale lɛbɛn‐é léé, é bɔ ’é va yé é vo é tadɔle, ’Bɛ a é zima.

Ézékiɛl 16:63

léé, we kyɛn sele ’é dɔ i gi yé ’é i gyɛ yara nya, yé té i we zi pa é dɛrɛ lo, yé yara i kua, bléyian va lé maa i ma we vo i kɛlɛwenu faa ma, ’bɛ bléyi va. A zo lé Mizan Gakelebale a fe.

Ézékiɛl 33:14

Dé maa fe mi nyané lɛ léé: I dan ga lɛ, dé é daan élé wenyané ma yé é tawo é drɔle yé é we tegele kɛlɛ,

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

OZÉ (Osée) 12:6

Gakelebale a lai sunyanu lé Bale nya. A tɔ lé Gakelebale.

OZÉ (Osée) 6:6

An lɔrɔ pale sɔ an lɛ, naa, an banle ’ka sɔa an lɛ lo; dé mi an dɔɔ, ’bɛ sɔ an lɛ é mini an banwi lé wa kyɛ blé, a ta.

Lévinu 26:41

wenyané ’konu ma lé maa dɔ wo ma plɛplɛ é ziin, yé maa go wo nya wo nyanézannu lé tɛrɛ la. Yé wo bli lé é ’ka si lɛ wo kɛlɛwe kyɛn lɛ bɛ lo, wo dan a zun lɛ yé wo dan wolé weplenu banwo lɛ.

Amɔs 5:24

Naa, wedrɔle ’é kɛlɛ bélé ’yiyoro zo, yé we tegele ’é kɛlɛ bélé ’yiyoro plɛplɛ lé é ’ka bélié lo, a zo.

Misé 6:9

Gakelebale dére a wena fla, yé mi lé é we dɔɔ, é dan kana lɛ a tɔ ma. ’Ka vlewɔlɛ valé ézan dére ’ma ma.

Sofoni 2:3

Ka faa lé ka ke bokiénézannu nya tɛrɛ ’ko la, ’ka Gakelebale nagini; ka lé, ka a déretawenu kɛla, ka lé! ’Ka we tegele nagini; ’ka kɛlɛ bokiénézannu nya! Dé ka dan so lɛ we lee Gakelebale lé blifliyi nyaa?

Zakari 7:9

Lai sunyanu lé Gakelebale a fé turu léma: ’Ka we tegele kɛlɛ weboen nya, ’ka wezin kɛlɛ ka ke lɛ yé ka nyanai ’é zén ka ke ta.

Matio 5:3

Munu lé wo ’ka ’wobo yé ’wo bli gi mi nya lo, wa bɛan ’bɛ gi bɛ, ’bɛ a é zima wozé nya, naa, Kazambale a é plale wo nwiin.

Matio 5:7

Nyanaizénmunu a bɛan ’bɛ gi bɛ, ’bɛ a é zima wozé nya, naa, Bale é dan nyanai zén lɛ wo ta.

WENÉNÉ LÉ LUK A GYE (Évangile selon Luc) 10:42

Naa, we do kpen ɛ ke mi mawe nya. A zin lé Mari a si ézé nya, yé wo ’ka dan a si lɛ a lee lo.

WENÉNÉ LÉ LUK A GYE (Évangile selon Luc) 11:42

Farizimunu, ka gale nyɔ. Zian va blaanu lé wo ke mant valé ru nya, é valé ziannu koo, ka wo vuzan no, yé ka Kazambale lé we tegele valé é lɔrɔpale vo ka bɛ zuo; é a lé ’ka bɛnu é kɛlɛ, yé té ka a vininzannu kɛlɛle vo lo.

WENÉNÉ LÉ LUK A GYE (Évangile selon Luc) 12:14

Jézu lé a lɛ léé: Gɔnézan, de ɛ an dɔ kalé weblezan valé kalé fɛgulizan nyaa?

WENÉNÉ LÉ LUK A GYE (Évangile selon Luc) 6:36

Amalé ’ka kɛlɛ nyanaizénzannu nya, fɛan zo lé ka Ti ke nyanaizénzan nya, a zo.

Rom munu 7:16

Naa, we lé é ’ka sɔ lɛ an lɛ léé, maa a kɛlɛ lo, dé maa ’bɛ kɛla, ’bɛ gi léé, maa a nyi sié léé, bélidɔwe a é zima.

Rom munu 9:20

Gba, bii blami, de ɛ ke bii nya za vɔna Kazambale vaa? Bɔ a fé é dɔzan lɛ léé: Mɛwemalé i an dɔ ’ko zoo?

1 Korent munu 7:16

Gɔnézan na, ’i bɔn‐in bɔrɔ do. Dé i dan i zana si lɛ we gii? Lezan zana, ’i bɔn‐in bɔrɔ do. Dé i dan i na si lɛ we gii?

Éfez munu 4:32

’Ka kɛlɛ ka ke ma mi zinnu nya, é valé mi ma wedɔɔzannu nya, yé ’ka ka ke ma we vo, bélé fɛan zo lé Kazambale ka ma we vo Krist gi, a zo.

Bélidɔwesɛbɛ Fiézan 27:10

’Ka Gakelebale, kalé Bale dére lɛdɔma yé alé bélidɔwenu valé a sɔnnénu lé maa wo fe ka lɛ kyɔ, ’ka tawo wo yɛrama.

Bélidɔwesɛbɛ Fiézan 30:15

Vole é yuɛma valé wezin koo, gale valé wenaané koo, maa wo pla ka ’lɛ kyɔ, ’kazé si a va.

Kolɔs munu 3:12

Bɛwemalé, ’kaa lé Kazambale ka si a va ézé nya, mi sauun valé Bale sɔlɛzannu nya, nyanaizénbli koo, wezin koo, bo kiéné koo, bli drɔɔ koo, bli tiéé koo, ’ka wo zén ka ta bélé sɔ zo ma.

2 Tɛsalɔnik munu 2:16

Kaazan Jézu Krist bozen valé kaa Ti Bale lé kaa sɔ a lɛ bɛ, ’té é zin kɛlɛ kaa lɛ kaa tɔrɔpaale nya yifaama, a glɛ ’ka lo, é valé bli kɛlɛle wezin lɛ nya bɛ,

SEBE LÉ JAK A GYE (Épitre de Jacques) 2:20

Bii tavozan, blipale lé a kɛlɛwenu ’ka lo, a tɔnɔ ’ka lo, i ’ka ’bɛ gi dɔɔa loo?

Jozué 24:14

Sin, ’ka kana Gakelebale lee ma, yé ’ka a bɔ bli tegele valé yarapalale nya ma. Balenu lé ka tinu wo bɔ yuu zi valé Éjipiti tɛrɛ la, ’wo si ka melena ma, yé ’ka Gakelebale bɔ ma.

1 Piɛri 3:8

A lɛ sɔɔ dére lé é ke léé, ka faa lé gibɔrɔle ’é kɛlɛ do; ka faa bli ’é kɛlɛ do; ka bwenu ’é sɔ ka lɛ; ka nyanai ’é zén; ’kabo kɛlɛ kiéné.

1 Samuɛl 12:23

Yé dé maa daan bazorole ma ka zuo ’té ma wenyané kɛlɛ. Té maa ’bɛ zo wenyané kɛlɛ lo ma. Maa dan zi drɔle valé zi zima gɔɔn lɛ ka lɛ.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.