Misé 6:6 - Kazambale lé Sebe Sauunu 1979

⁶ An dan go lɛ Gakelebale va mɛ zantévɔfɛ nya an lee, yé an ’wuo wɔra Loruzan Bale gane wuoo? An dan go lɛ balebanwi lé wa kyɛ blé, a nya, taa, lɛɛ do dirigɔné léé?

Misé 6:6 ပူးပေါင်းရင်းမြစ်များ

2 Samuɛl 21:3

David lé Gabaɔn munu lɛ léé: Maa dan kɛlɛ lɛ kaa, yé an wenyané ’ko nyaa yé ka Gakelebale lé tɔnɔfɛ drɔɔ voo?

Lɛrɛvɔ Sɛbɛ 116:12

Wezin faa lé Gakelebale a kɛlɛ an lɛ, An mɛ no a lɛ gii?

Lɛrɛvɔ Sɛbɛ 22:29

Naa, plale mi nwiin a Gakelebale zé nya; Éé plaan bɛnnu nwiin.

Lɛrɛvɔ Sɛbɛ 95:2

Kaa go a ’lɛ a tɔ zin fele nya, Kaa lɛrɛnu vɔ, ’té kaa dére zuogi éé goo wele nya a tɔbɔle nya.

Lɛrɛvɔ Sɛbɛ 95:6

’Ka da, kaa dia a ’lɛ, yé kaabo kɛlɛ kiéné, Kaa zun kaa powuo ta kaa Kɛlɛzan Gakelebale ’lɛ.

Fwile 12:5

’Blagɔnéné lé a lɛɛ ke do, ’té we do kpen ’ka a ma lo, yee lé. Dé ’blané léé, dé boliné léé, ka dan a si lɛ.

Fwile 23:15

Buru lé lévɛn ’ka a va lo, ’ka ’bɛlé fɛti kɛlɛ; bléyi lé wa dɔ, ’sa sola moné nya, buru lé lévɛn ’ka a va lo, i dan a ble lɛ yi sɔrafié nya, maa i bélidɔ fɛan zo, a zo, moné ’ko gi lé ka fwi Éjipiti tɛrɛ la, azama; té wo da wo lee koro nya an yara lo.

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Wegɔnévɔlenu 21:3

We tegele valé we drɔle kɛlɛle a é sɔe Gakelebale yuɛ gi é mini saraka bole ta.

Ézai 40:16

Liban yilinu ’ka a bankyɛ bɔa lo, Yé ana winu ’ka a banfɛ bɔa lo.

Jérémi 6:20

Séba tɛrɛ la lasikɔrɔpo lé wa kyɛ blé koo, gyan ginzan lé éé sié tɛrɛ baa la koo, an mawe a wo gii? Winu lé ka wo kyɛ blé an lɛ, wo ’ka an gi nanaan lo, yé kalé sarakanu ’ka sɔ lɛ an lɛ pelo.

Ézékiɛl 46:9

Naa, zén‐ékeva plɛplɛnu bléyi va, dé tɛrɛ ’ko la munu a dana Gakelebale ’lɛ, diale ’wo bli la we gi, mian é dan wɔra lɛ yirinwana bɛbolazia zi léé, é dan bɔra lɛ yirinwana bɛyilazia, yé mian é dan wɔra lɛ yirinwana bɛyilazia zi ’léé. É ’ka lé mi é bɔra gɔrɔ ’léé lé é wɔra ana, ana lo, naa, é a lé mi é bɔra gɔrɔ ’léé lé é ke a ’lɛzia, ana.

Daniɛl 3:26

’Bɛ zuo, Nébukanɛsaa bié ’furu lé kyɛ a tana, a sɔnɔ, yé é léé: Sadrak koo, Mésak koo, Abɛd‐Négo koo, balenu faa Nwiinzan wuomunu, ’ka bɔra a gi, ’ka da. Yé Sadrak koo, Mésak koo, Abɛd‐Négo koo, wo bɔra kyɛ méléna.

Daniɛl 4:9

Bɛlsatasaa, gyɛzorowekɛlɛzannu nwiinzan, maa a gi dɔɔ léé, i gi lé bale sauunnu léli ke; biian we yɔɔle do kpen gi fele ’ka i lee tɔntɔn lo, yuɛziwenu lé maa a ye nyɛ fla, ’bé gi fe an lɛ ma.

Daniɛl 5:18

Minwiinzan blɛn, balenu faa nwiin Bale, plale mi nwiin koo, kɛlɛle blɛn koo, tɔbɔle koo, fua zevɔle koo, é wo nɔ i ti Nébukanɛsaa lɛ. Kɛlɛle blɛn lé é a nɔ a lɛ bɛ,

Daniɛl 5:21

Wa bin blaminu méléna. A bli kɛlɛ bélé winu bli zo, yé é nyana bwi gi sokofalenu va. Wo lu nɔ a lɛ bélé diri zo yé é a ble, yé lagi lolu a kɛlɛ drɔɔdrɔɔ, fɔɔ yé é a gi dɔɔ léé, plale mi nwiin faa a é plale balenu faa nwiinzan Bale wuo, yé dé miomian sɔ a lɛ, éé ’bɛzan plaan munu nwiin.

OZÉ (Osée) 5:6

Wo dan go lɛ Gakelebale gini lɛ, wolé ’blanu valé wolé dirinu nya wo lee, naa, wo ’ka dan a ye lɛ lo; é a é sile wo va.

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

Mi Nɔnɔle 7:51

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Matio 19:16

Yé mi do bié yé é lé Jézu lɛ léé: Anzan, maa mɛ we zima ɛ kɛla yé an vo é yuɛma lɛɛfaama yé a glɛ ’ka dɔa loo?

Maak 12:33

yé a lɔrɔ pale i bli faa koo, ilé gibɔrɔle faa koo, i boen faa koo, ilé plɛplɛ faa koo, wo nya, é valé i bɔluzan lɔrɔ pale bélé biibozen zo, a fila vɔ é mini balebanwi lé wa kyɛ blé, ’bɛ valé saraka bole faa ta.

Maak 5:7

yé é siaa dére plɛplɛ nya léé: Loruzan Bale Be Jézu, mɛmalé i we kolé we maa? Maa lé i lɛ Bale tɔ nya léé, té i nyané pa an ta lo.

WENÉNÉ LÉ LUK A GYE (Évangile selon Luc) 10:25

Bélidɔwedɔɔzan do nwa yé é Jézu gi dan a fele nya léé: Anzan, maa kɛla kaa yé an vo é yuɛma lɛɛfaama yé a glɛ ’ka dɔa loo?

WENÉNÉ LE JAN A GYE (Évangile selon Jean) 6:26

Jézu lé wo lɛ léé: Maa fe ka lɛ kyɔ webozen nya, gyɛzorowenu yele saa lé we ma‐an ka ke an naginina lo. Naa, ka buru ble yé ka kan, bɛwemalé ka ke an naginina.

Kelewenu 16:17

É gole sia ko valé Pɔl zuo, ’té éé siaan léé: Munu ’ko a Loruzan Bale wuomunu nya, yé wa misiéwegi zi gɔɔna ka lɛ.

Kelewenu 16:30

É wo bɔra yé é léé: Anzannu, maa kɛla kaa yé an si we gii?

Kelewenu 2:37

Wo we ’ko ’ma aan wo, é zun wo bli ma yé wo lé Piɛri valé nwunvɔmunu bɛnu lɛ léé: Ko bwenu, ko kɛla kaa?

Éfez munu 3:14

Aléwemalé maa powuo zunwo Ti lé,

Ébrunu 10:11

Balebanmunu koɛnu éé dɔa yi faa do do ma balebanna, ’té saraka duonu lé wo ’ka bɔa wenyané sile lɛ mi lee monomono lo, ’té wa boo yifaama.

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.