Misé 6:5 - Kazambale lé Sebe Sauunu 1979

⁵ Anlé munu, we lé é dɔ Moab nwiinzan Balak gi, ’ka bɔn‐in bɔrɔ ’bɛ ma do, yé we lé Béɔɔ be Balaam a zi pa a lɛ, ’ka gibɔrɔ ’bɛ ma do, yé we lé é bɔ Sitim valé Gilgal méléna, ’ka gibɔrɔ ’bɛ ma do, yé wezin lé Gakelebale a kɛlɛ, ka dan a gi dɔɔ lɛ.

Misé 6:5 ပူးပေါင်းရင်းမြစ်များ

Lɛrɛvɔ Sɛbɛ 111:4

A kɛlɛwe blɛnblɛn sele a munu gi, Gakelebale nyanai éé zén‐é yé é mi mawe dɔɔ.

Lɛrɛvɔ Sɛbɛ 143:11

Gakelebale, i tɔ lé we ma ’i an béli ma, I a tegele, ’i an boen si kleblele gi.

Lɛrɛvɔ Sɛbɛ 36:10

Naa, vole é yuɛma ’wuo a i va; I san lé we ma lé ko san yé.

Lɛrɛvɔ Sɛbɛ 71:19

I kɛlɛwe tegele éé goo fɔɔ yé é zun la ma; I we blɛnblɛnnu kɛlɛ; oo Bale, de ɛ ke i bɔmazan nyaa?

Ézai 1:27

Siɔn é dan si lɛ we gi élé we drɔle ma. Siɔn munu lé wo zi nɔla, wo dan si lɛ we gi ’wo kɛlɛwe tegele ma.

Mi Nɔnɔle 22:41

’Bɛ é tu kini, Balak Balaam si, yé é go a nya Bamɔt‐Baal. Dé é a ’bɛna, Izraɛl mi lɛgɔnɔ do lé é ke a lɛ é pu, Balaam wo ye.

Mi Nɔnɔle 23:27

Balak lé Balaam lɛ léé: ’I da do. An dan go lɛ i nya fɛ bɛna; dé é dan sɔ lɛ Bale lɛ léé, i bale pa migɔnɔ ’ko ma ’bɛnaa?

Mi Nɔnɔle 25:1

Izraɛlnu nyana Sitim, yé Izraɛlnu kun wenyané kɛlɛle ma Moab blɛnnu va.

Mi Nɔnɔle 25:2

Wo Izraɛlnu laa léé, ’wo pa ’wo va ’wolé bale banna, yé munu ana fɛ ble yé wo dia wolé balenu ’lɛ.

Mi Nɔnɔle 31:16

Woan Izraɛlnu sia ana yé wo yuɛgi blan Gakelebale lé we kɛlɛle ma Baal‐Péɔɔ lé we nya Balaam dére ta loo? yé ’bɛ lé we maan migyɛgyɛ ’wii Gakelebale lé munu ta loo?

Mi Nɔnɔle 31:8

Wo Madiannu valé wo nwiinzannu gyɛ ékeva, Évi koo, Rékɛm koo, Suu koo, Uru koo, Réba koo, woo lé; wo nwiinzan blɛn soru tɔ lé ke bɛ, yé é ziin wo Béɔɔ be Balaam gyɛ gwɔun nya.

Mi Nɔnɔle 33:49

Wo yii Juudɛn yuu sɔnɔ, é sia Bɛt‐Jésimɔt fɔɔ yé é bɔ Abɛl‐Sitim ma, Moab lé fɛna pɛblɛɛna.

Éfez munu 2:11

Amalé we ’ko sele é dɔ ka gi ma: é vinin ka a bɛn bɛnu nya ka kɔlɛ gi, yé munu lé woo wo laama ganedɔmunu ’té mi wo kɛlɛ a nya wo kɔlɛ ma bɛ, ’té woo ka laan ganedɔlomunu.

Bélidɔwesɛbɛ Fiézan 16:3

Buru lé lévɛn ke a va, té ka a ble fɛti yinu la lo; buru lé lévɛn ’ka a va lo, kalé nyanébleburu, ’ka ’bɛ ble yi sɔrafié wuo, naa, ka si Éjipiti tɛrɛ la fiaa, ’bɛzama; ’ka kɛlɛ a zo, yi lé ka si Éjipiti tɛrɛ la a nya, a sele dɔle ka gi we ma kalé tɛrɛla faa gi.

Bélidɔwesɛbɛ Fiézan 23:6

Té ka wo kɛlɛle mi nya valé wolé we zin yele gi bɔrɔ pa kalé tɛrɛla faa gi lo, lɛɛfaama a glɛ ’ka lo.

Bélidɔwesɛbɛ Fiézan 8:18

Gakelebale, kalé Bale sele é dɔ ka gi ma; naa, yee ɛ pa ka ta yé ka kɛlɛ fuablezannu nya. É a kɛlɛ, gipawe lé é a kɛlɛ ébo ’nyɔɔnle nya ka tranu lɛ, a dɔle gligli we ma, fɛan zo lé é a kɛlɛ kyɔ ’ko, a zo.

Bélidɔwesɛbɛ Fiézan 8:2

Zi faa lé Gakelebale, kalé Bale go ka nya a ta bwi gi, ka lɛɛ yɔ fié lo, a sele ’é dɔ ka gi ma; é a kɛlɛ ka tuale valé ka gidanle we gi, ka bli dɔɔle we ma, dé ka dan ’é sɔnnénu pa lɛɛ? dé ka ’ka dan wo pa lɛ loo? yé é a gi dɔɔ.

Bélidɔwesɛbɛ Fiézan 9:7

Ka Gakelebale, kalé Bale bli fli bwi gi fɛan zo, a sele ’é dɔ ka gi; té ka gi é san ’bɛ ma lo. É sia yian nya lé ka si Éjipiti tɛrɛ la fɔɔ yé ka bɔ fɛkona ’ko, ka a tɔnégiplɛplɛzannu nya.

Jozué 2:1

Wa Sitim, yé Nɛn be Jozué mimavɔɔzannu fié nwunvɔ kyeen gi yé é lé wo lɛ léé: ’Ka go, ’ka tɛrɛ nagini, naa, ’ka go Jériko bozen na. Wo go, yé wo bɔ bɔrɔdɛ le do lé wa laama Raab, alé kɔn ’léé, yé wo yi gyɛ ’bɛna.

Jozué 3:1

Jozué nwa bladi tutu yé yee valé Izraɛl lé nénu faa si Sitim. Wo bɔ Juudɛn yuu ma, yé wo nyana ana fɔɔ yé wa kini.

Jozué 4:19

Moné vinin yi vuzan nya, munu si Juudɛn yuu va yé wo nyana ’wolé sɔkɔnnu gi Gilgal lé ke Jériko yirinwanazia glɛ la, ana.

2 Piɛri 2:15

Wo si zi tegele ta yé wo ’wobo san. Béɔɔ be Balaam lé, weple ban sɔ a lɛ, wo go ’bɛ lé zi ta;

1 Jan 1:9

Dé kaa kaalé wenyanénu fe, Bale a yarapawelazan nya yé é a tegele yé é kaa ma we voo yé éé weple faa sié kaa lee, yé é kaa kɛla tata.

SEBE LÉ JUD A GYE (Épitre de Jude) 1:11

We tɔntɔn ’é bɔ wo ma ma. Wo tawo Kain lé zi ta; wo zén Balaam lé misaanwe zuo tɔnɔ yele we ma yé wo nwa mi ma bélé Koré zo, amalé wo guru zana a gi.

Wegɔɔnle 2:14

Naa, i ma we kenu a an gi, yee lé ke léé, i va mi kenu a Balaam lé wepaale va. Balaam we paa Balak gi léé, ’é saanwe gɔɔn Izraɛlnu lɛ léé, ’wo miyili banwinu ble, yé ’wo ’wobo nɔ pɛnpɛnnégyɛle lɛ.

Weblezannu 11:25

Bii mini Moab nwiinzan Sipɔɔ be Balak lɛɛ? É za kɛlɛ Izraɛl vaa? taa, é guli dan a vaa?

Weblezannu 5:11

Sadunzannu lé ke é dɔle winu lé ’yiminina sɔnɔ, Wo ɛ Gakelebale kɛlɛwe zin fé, Wo ɛ Izraɛl zilɛzan kɛlɛwe zin fé. Yé Gakelebale lé munu go flagɔrɔ ’léénu na.

1 Samuɛl 12:7

Sin, ’ka dɔ bɛ, yé we zin faa lé Gakelebale a kɛlɛ ka valé ka tinu lɛ, maa dan a zuo fe lɛ ka lɛ Gakelebale ’lɛ.