Misé 6:4 - Kazambale lé Sebe Sauunu 1979

⁴ Naa, maa ka si Éjipiti tɛrɛ la, maa ka si luubale gi, yé Moizi koo, Arɔn koo, Mari koo, an wo kɛlɛ ka ’lɛzannu nya.

Misé 6:4 ပူးပေါင်းရင်းမြစ်များ

2 Samuɛl 7:23

Izraɛl lé, Bale da wo tabo lɛ, wo kɛlɛle élé munu nya we gi, wo zo bɛn do a tɛrɛ laa? I tɔ kɛlɛle blɛn lé we ma lé i gyɛzorowenu valé we blɛnblɛnnu kɛlɛ ilé tɛrɛ valé kolé we ma; munu lé i wo si Éjipiti tɛrɛ la wo kɛlɛle ilé munu nya we ma, i bɛnnu valé wolé balenu bin wo ’lɛ.

Lɛrɛvɔ Sɛbɛ 77:20

I ilé zi pla wɛyi ta, I ilé zi pla ’yi blɛnnu ta, Yé wo ’ka i ganepanu ye lɛ lo.

Fwile 12:51

Yé yi ’ko duo nya lé Gakelebale Izraɛl lé nénu si Éjipiti tɛrɛ la, wolé sunya palunu yɛrama.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 3:10

Sin, ’i go, maa dan i nwunvɔ lɛ Faraɔn va, yé i dan anlé munu Izraɛl lé nénu si lɛ Éjipiti tɛrɛ la.

Fwile 4:10

Moizi lé Gakelebale lɛ léé: ’A, Mizan, dé é a yese valé kyɛni nyaoo, dé é a ilé wefele i wuozan zuo nyaoo, maa ’ka wefezan nya lo; an dére valé an nɛnɛ a é gale bɛkɔɔ.

Fwile 4:16

É dan we fe lɛ munu lɛ i lɛ; é dan kɛlɛ lɛ i ’léé nya i lɛ, yé i dan kɛlɛ lɛ Bale nya a lɛ.

Fwile 6:27

Wo ɛ we fe Éjipiti mununwiinzan Faraɔn lɛ, Izraɛl lé nénu sile Éjipiti tɛrɛ la we gi. Moizi ’ko valé Arɔn ’ko lé.

Jérémi 32:21

Ilé munu Izraɛl si Éjipiti tɛrɛ la, gyɛzorowenu valé we blɛnblɛnnu kɛlɛle nya, i bɛ plɛplɛ soile nya, é valé kana blɛn zénle nya wo gi.

Amɔs 2:10

Yé é ziin, maa ka si Éjipiti tɛrɛ la, yé an go ka nya bwi gi lɛɛ yɔ fié, Amorénu lé tɛrɛ nɔle ka lɛ we ma.

Mi Nɔnɔle 12:1

Moizi Étiopi le do si é na nya. Mari valé Arɔn vo Moizi ma we blena Étiopi le lé é a si bɛ, alé we ma.

Mi Nɔnɔle 33:1

Izraɛlnu lé wo si Éjipiti tɛrɛ la wolé sunyanu ’léé yɛrama, ’té Moizi valé Arɔn a wo ’lɛzannu nya, wo nyanananu lé ke ’ko.

Kelewenu 7:36

Yee ɛ wo si Éjipiti tɛrɛ la we blɛnblɛnnu valé gyɛzorowenu kɛlɛle nya, Éjipiti tɛrɛ la koo, Wɛyi Sɔɔn va koo, bwi gi koo, wona, lɛɛ yɔ fié gi.

Bélidɔwesɛbɛ Fiézan 15:15

A sele ’é dɔ ka gi léé, ka a luu nya é vinin Éjipiti tɛrɛ la yé Gakalebale, kalé Bale ka tabo; bɛwemalé maa bélidɔwe ’ko nɔ ka lɛ kyɔ.

Bélidɔwesɛbɛ Fiézan 24:18

A sele ’é dɔ ka gi léé, ka kɛlɛ luu nya Éjipiti tɛrɛ la yé Gakelebale, kalé Bale ka tabo; bɛwemalé maa bélidɔwe ’konu nɔ ka lɛ, kalé wo ta tawole we gi.

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 5:6

’Yee ɛ ke Gakelebale, kalé Bale lé é ka si luu gi Éjipiti tɛrɛ la, a nya.

Bélidɔwesɛbɛ Fiézan 7:8

Naa, ka sɔ Gakelebale lɛ é wo, yé é sɔ a lɛ léé, ébo ’nyɔɔn ka tranu lɛ fɛan zo, ’é ’bɛ lɛ sɔɔ, bɛwemalé Gakelebale ka si luu gi, é ka si Éjipitimunu nwiinzan Faraɔn lee yé é ka si ana é bɛ plɛplɛ nya.

Bélidɔwesɛbɛ Fiézan 9:26

An bazoro Gakelebale lɛ yé maa léé: Mizan Gakelebale, ilé munu, ilé tɔnɔfɛ lé i wo tabo ilé plɛplɛ blɛn nya, ’té i wo si Éjipiti tɛrɛ la i bɛ plɛplɛ nya bɛ, té ’i wo gyɛ lo.

1 Samuɛl 12:6

Yé Samuɛl lé munu lɛ léé: Gakelebale ɛ Moizi valé Arɔn dɔ gligli yé é ko tinu si Éjipiti tɛrɛ la.