Misé 6:16 - Kazambale lé Sebe Sauunu 1979

¹⁶ Ka a Omri kɛlɛwe kɛlɛna, yé ka a we kɛlɛna Akab lé munu kɛlɛwe yɛrama, yé ka tawoo wolé wepladére yɛrama; amalé maa dan ka pa lɛ fɛsɛrɛzannu lee; maa dan bii fla tamunu kɛlɛ lɛ yérisiémazannu nya, yé yaragyɛwe lé anlé munu a kɛlɛ, é dan bɔ lɛ wo ma.

Misé 6:16 ပူးပေါင်းရင်းမြစ်များ

1 Minwiinzannu 18:4

bléyian va lé Jézabɛl Gakelebale lé balelayezannu kulu ga, Abudias balelayezannu si yɔ soru yé é wo yɔɔ mi yɔ fié wɔlɛ vu vu gɔmagurunu gi, yé é buru valé ’yi nɔ wo lɛ.)

1 Minwiinzannu 9:8

Kɔn ’ko a é dɔle gɔ nwiin fɛan zo bɛ, dé mian gié a sɔnɔ, a gi é dan vuru lɛ a ma yé é dan ’furu fɛn lɛ. Wo dan a fe lɛ léé: Mɛmalé Gakelebale we kɛlɛ tɛrɛ ’ko valé kɔn ’ko lɛ a zoo?

2 Minwiinzannu 16:3

É tawo Izraɛl nwiinzannu lé tawobɛ gi; yé dé é a a be vɔle nya kyɛ vaoo, é ’bɛ kɛlɛ; bɛnnu lé Gakelebale wo bin Izraɛl ’lɛ, é go wolé naanaawe zuo.

2 Minwiinzannu 21:3

Gɔ nwiin yobannanu lé a ti Ézékia a zana a gi, é wo dɔ ana é ziin; é Baalnu bannanu dɔ; é Asataté miyili kɛlɛ, bélé Izraɛl nwiinzan Akab a kɛlɛ fɛan zo, a zo, yé é dia é bli la lagifɛnu faa ’lɛ, yé é wo bɔ.

2 Minwiinmunu lé Wezuofe Sɛbɛ 22:4

We lé é ke é naané Gakelebale yuɛ gi, yee lé é a kɛlɛ, bélé Akab lé munu zo. A ti gale zuo, yee Akab lé munu éé we plaan a lɛ, yé wo goan a saanna.

2 Minwiinmunu lé Wezuofe Sɛbɛ 34:25

Wo an vo, yé wo bale bɛnu ban lasikɔrɔ nya an bli flile wo bɛnu panyanama nya we gi, amalé an bli fli fɛkona ma, yé é ’ka dan dɔrala lɛ lo.

Lɛrɛvɔ Sɛbɛ 1:1

Mian é ’ka tawoo mi plenu lé weplale yɛrama lo, ’Té é ’ka dɔa wenyanékɛlɛzannu lé zi ta lo, Yé ’té é ka nyanaan mi ma wenanazannu va lo,

Lɛrɛvɔ Sɛbɛ 44:13

I ilé munu daan é pla, I ’ka a yé léé, wo wea lo,

Lɛrɛvɔ Sɛbɛ 44:14

I ko kɛla serele bomazannu nya ko punmamunu yuɛ gi, I ko kɛla we nanamazannu valé yéri sié mazannu nya ko zi munu lɛ.

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Ézai 9:16

Bɛwemalé Mizan gi ’ka nanaan wolé pɛniɛnu ma lo, yé a nyanai ’ka zén‐é wolé ti valé bugalazannu valé wolé gyɛzaralomu ta lo. Naa, wo faa a Bale lé zi ma wenyanéfezannu valé mi naanénu nya, yé weple éé bɔraan wo faa ’léé. Dé ’bɛ faa bɔoo, ’bɛ ’ka alé bliflile ta zanaan lo, ’té a bɛ a wo gyɛn gi duowo.

Jérémi 19:8

Maa dan fla ’ko kɛlɛ lɛ é ’bin nya, yé é dan kɛlɛ lɛ wenanamafla nya. Munu faa lé woo giéan a sɔnɔ, wo gi é dan vuru lɛ, yé wo dan ’furu fɛn lɛ wenaanénu faa lé é bɔ a ma bɛ, a we ma.

Jérémi 25:18

Jérusalɛm koo, Juda flanu koo, a nwiinzan blɛnnu koo, alé mi segelenu koo, maa a nɔ wo lɛ léé, ’wo kɛlɛ é ’bin nya; ana ’é vo é pla yé ’wo we nana a ma yé ’wo bale pa a ma, fɛan zo lé ka a yé kyɔ, a zo.

Jérémi 25:9

amalé Gakelebale léma: Munu faa lé wo ke yirinwana bɛbolazia, an dan munu nwunvɔ lɛ wo laana, léé, ’wo da. Maa dan mi nwunvɔ lɛ an wuozan Babilɔn nwiinzan blɛn Nébukanɛsaa va, yé maa dan da lɛ a nya léé, ’é nwa tɛrɛ ’ko koo, a tamunu koo, wo zi bɛnnu faa koo, wo ma, wo kulu gale we ma, yé wo wolé fla kɛlɛ é ’bin nya, wenanamafɛ nya, yé é dan vo lɛ é pla lɛɛfaama.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 51:51

Ko sɔnɔle ’ma aan wo, ’bɛ kɛlɛ ko ma yaragyɛwe nya; dé bɛnnu wɔra Gakelebale lé kɔn sauun gi, yara wɔra ko ’wuo ma.

Jérémi 7:24

Yé wo ’ka ’wo tɔné dɔ lɛ lo; wo ’ka an ban lɛ ’wo tɔné nya lo; wo ’wo bli nyané lé weplenu valé ’wolé blibɔmawenu ta tawo. Yé wo go wo zuozia, wo ’ka da lɛ wo ’lɛzia lo.

Jérémi Lé Wuvɔ Sɛbɛ 5:1

Gakelebale, wean bɔ ko ma, a sele ’é dɔ i gi ma. Bé ye, ko a serelebomamunu nya fɛan zo, bé nagini.

Ézékiɛl 39:26

Yé serele lé munu a bo wo ma, é valé sɔn lé wa vɔ an ma, ’té wa é nyanale wobo lé tɛrɛ la duaa, ’té mi do kpen ’ka kana zén‐é wo gi lo bɛ, a sele é dan saan lɛ wo gi.

Daniɛl 9:16

Mizan, ilé bliflile valé i wɛwɛ dɔle ’é si ilé fla Jérusalɛm valé ilé gɔ plɛplɛ ma ma, i nyanai zénle blɛn yɛrama. Naa, kolé wenyanénu valé ko tranu lé weplenu kɛlɛle ma lé Jérusalɛm valé ilé munu kɛlɛ serelebomazannu nya munu faa lé ke wo zi, wo yuɛ gi.

OZÉ (Osée) 12:14

Gakelebale Izraɛl si Éjipiti tɛrɛ la balelayezan do nya, yé Izraɛl tabinzan kɛlɛ balelayezan nya.

OZÉ (Osée) 5:11

Wa yaana Éfraim munu ta, weblele a wo ma plɛplɛ; wepladére lé é sɔ a lɛ, é a tawona ’bɛ ta.

Misé 2:6

Wo léé: Té i balelawe fe lo; té wo ’bɛ zo we fe balelawe fele nya lo ma. Dére naanénu ’ka nyaan lo.

Misé 6:13

Bɛwemalé maa dan ka bla lɛ kleblele nya, maa dan ’wii lɛ ka ta kalé wenyanénu lé we ma.

Wegɔɔnle 2:20

Naa, i ma we do a an gi; yee lé ke léé, lezan Jézabɛl lé é a fe léé, ’é a balelaye le nya, i zi nɔ a lɛ léé, é we paa an wuozannu gi, ’té éé wo saan léé, ’wo ’wobo nɔ pɛnpɛnnégyɛle lɛ, ’té woo miyili banwi blé.