Misé 5:7 - Kazambale lé Sebe Sauunu 1979

⁷ Jakɔb kulu pɔnénu é dan kɛlɛ lɛ bɛngɔnɔnu va bɛn kiɛrenu méléna bélé golizra zo pɔrɔ gi winu va, bélé golizra boroné zo ’bla palunu méléna. Dé é a giéna, éé fɛ zɔn‐o é gane nya, ’té éé a wi kinié ékema, yé mi do kpen ’ka a sié a lee lo.

Misé 5:7 ပူးပေါင်းရင်းမြစ်များ

2 Samuɛl 17:12

Ko dan a dɔ lɛ a ma, dé ko ye fɛana, ana, yé ko dan zana lɛ a ta lolu zanale zo tɛrɛ la; yé mi do kpen ’ka dan so lɛ ko lee lo, dé é a yeebozen nyaoo, dé é a a vamunu nyaoo.

Lɛrɛvɔ Sɛbɛ 110:3

Dé i ilé gulidanzannu zén ékeva, ilé munu fuu a wo ta, Ilé pɛniɛnnu woo dan i va bélé bladi lolu zo, ’Té gulidanvafɛ ’lɛzannu a wo ta.

Lɛrɛvɔ Sɛbɛ 133:3

É a béle Eɛmɔn lé lolu zo, Yee ɛ zén‐é Siɔn gɔ nwiin; Naa, ana lé Gakelebale éé mi drɔɔ voo, Vole é yuɛma lé a glɛ ’ka lo, yee lé.

Lɛrɛvɔ Sɛbɛ 72:6

É dan kɛlɛ lɛ bélé lɛɛ lé éé dan lu lé wa wo, a ta, a zo, Bélé lɛɛ blɛnnu lé woo tɛrɛ voo drɔɔdrɔɔ, wo dale zo.

Wegɔnévɔlenu 19:12

Minwiinzan blɛn lé bliflile a bélé golizra gi gunule zo, yé alé zin a bélé fli vɔle zo lunu ta.

Ézai 32:15

Fɔɔ yé léli é si la gi yé é zén ko ta, yé bwi la tɛrɛ é nɔla tɛrɛ lé éé fɛ dɔa di, a nya, yé ’bɛ tɛrɛ é kɛlɛ bélé pɔrɔ zo.

Ézai 44:3

Naa, an dan ’yi zén lɛ tɛrɛ wiéwié ta, Maa dan ’yi yoro lɛ tɛrɛ gale ta; Maa dan an léli zén lɛ i bɛn ta, Maa dan i kulu drɔɔ vo lɛ.

Ézai 55:10

Lɛɛ valé glasépun éé sié la gi fɛan zo, Yé éé tɛrɛ kɛla drɔɔdrɔɔ yé éé fɛ dɔa yé é lunu gɔn bɔa, Yé éé fɛ no fɛwɔlɛ vɔzan lɛ, Yé éé blefɛ no fɛblezan lɛ faa Yé éé nɔlaan an va,

Ézai 66:19

Maa dan tɔmase do pa lɛ wo ma. Wonu lé wo so we lee, maa dan wo pa lɛ zia bɛnnu va; Taasis koo, Pul valé Lud munu lé woo sa vulian, wo koo, Tubal valé Javan munu koo, wɛyiworona tɛrɛ baanu koo, maa dan wo pa lɛ zia bɛnnu va. Bɛnnu ’ko, wo ’ka an tawe ’ma lɛ monomono lo, yé wo ’ka an tɔbɔle ye lɛ lo; maa dan anlé munu pa lɛ zia wo va, yé wo dan an tɔ ma gyɛ lɛ yee bɛnnu méléna.

Jérémi 14:22

Bɛnnu faa lé miyilinu vazan do éé lɛɛ daan? taa, La ɛ lɛɛ daan? Lɛɛdazan ’ka bii Gakelebale kolé Bale nya loo? Ko bli a bii ɛ lɛ, Naa, bii ɛ ke fɛnu ’ko faa kɛlɛzan nya.

Ézékiɛl 14:22

duowo, mi kenu é dan so lɛ we lee, yé wo benu valé wo lunu é dan si lɛ Jérusalɛm. Wo dan da lɛ ka va; ka dan wolé tawobɛ valé wolé we kɛlɛbɛ ye lɛ, yé ka dan ka ke tɔrɔ paa lɛ, we tɔntɔn valé wenu faa lé maa wo bɔ Jérusalɛm ma, wolé we ma.

Ézékiɛl 47:1

É da an nya é ziin kɔn ’léé zia, ’té ’yi éé bɔraan kɔn ’léé pa wuo yirinwanazia. Naa, kɔn yara a yirinwanazia. Yee ’yi éé yoroan, ’té éé goo kɔn valé balebanna bɛyilazia.

Ézékiɛl 5:5

Mizan Gakelebale léma: Jérusalɛm lé maa a pa bɛnnu méléna tɛrɛnu guru la, yee lo.

Daniɛl 11:32

É dan gipawe sɛrɛzannu saan lɛ blaané dére nya. Naa, munuan wo wolé Bale dɔɔ, wo dan dɔ lɛ gligli wekɛlɛle gi.

OZÉ (Osée) 14:5

Maa dan kɛlɛ lɛ bélé fli zo Izraɛl ma, É dan tin lɛ bélé bolu lé goo zo, Yé a suni é dan wɔra lɛ bélé Liban yili zo,

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Joɛl 2:32

Yé ’bɛ bléyi va, dé miomian Gakelebale tɔ laa, é dan si lɛ we gi. Yé sile we gi é dan kɛlɛ lɛ Siɔn gɔ nwiin valé Jérusalɛm, Gakelebale a fe fɛan zo, a zo. Yé munu lé Gakelebale wo si a va, wo dan kɛlɛ lɛ siéwegimunu va.

Amɔs 5:15

’Ka wenyané za pa, yé wezin ’é sɔ ka lɛ ma, ’ka we ble é blena bléyi faa va ma. Dé Gakelebale, lai sunyanu lé Bale nyanai é dan zén lɛ Jozɛfu kulu pɔnénu taa?

Misé 2:12

Jakɔb‐oo, maa dan ilé munu faa zén lɛ ékeva. Maa dan Izraɛl munu pɔné faa zén lɛ ékeva. Maa dan wo zén lɛ ékeva bélé gɔrɔ do gi ’blanu zo, bélé trubɛ palu do zo wolé lu blena. Munu vun é dan we lɛ blɛn.

Misé 4:13

Siɔn munu, ’ka nwa yé ’ka wo sunwo. Maa dan foliɛwɔlɛ béli nɔ lɛ ka lɛ yé maa dan zéné sɔnéwɔlɛnu nɔ lɛ ka lɛ, yé ka dan bɛn kiɛre ’wii lɛ yé ka dan wolé fɛ zinnu pa lɛ é yɛrama Gakelebale zé nya, yé ka dan wolé fuafɛnu pa lɛ é yɛrama Tɛrɛfaazan zé nya.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Misé 5:3

É dan bɔra lɛ yé é dan pla lɛ munu nwiin Gakelebale lé plɛplɛ nya, Gakelebale alé Bale lé fuatɔ nya. Wo dan a tɔ bɔ lɛ fɔɔ tɛrɛ glɛ sina, amalé alé munu é dan nyana lɛ kli.

Misé 5:8

I bɛ ’é mini i mazannu lɛ ma; i nyanézannu faa kulu ’é ga ma.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Sofoni 3:13

Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Zakari 14:8

’Bɛ yi la, ’yi zin é dan si lɛ Jérusalɛm, yé a lɛ do é dan yoro lɛ yirinwana wɛyi vazia, yé a lɛ do é dan yoro lɛ yirivɔna wɛyi vazia. É dan kɛlɛ lɛ a zo lɛɛdabléyi valé yiribibléyi va.

Zakari 9:13

Juda lé ke anlé sa nya, maa gana, ’Té Éfraim ɛ ke anlé sawɔlɛ nya; Bii Siɔn, maa dan ilé munu nwa lɛ Bii Javan lé munu ma. Yé maa dan i kɛlɛ lɛ bélé nyanazan lé gwɔun zo.

Matio 28:19

’Ka go, ’ka bɛnnu faa kɛlɛ an zuomunu nya, yé ’ka wo batizéwo Ti koo, Be koo, Léli Sauun koo, wo tɔ gi,

Kelewenu 11:15

Dé maa kun wefele ma, Léli Sauun vɔ wo ta, bélé é vɔ ko ta é vinin fɛan zo a zo.

Kelewenu 13:46

Pɔl valé Banabas we fe wo lɛ bli ta plɛplɛ nya yé wo léma: É a lé wo Kazambale lé we fe ka lɛ é vinin. Naa, sin, ka sɔn vɔ a ma yé kabo lé we ka gyɛ léé, a yara ’ka léé, ka wɔra vole é yuɛma lé a glɛ ’ka lo, a gi lo. Amalé ko dan go lɛ bɛn bɛnu va.

Kelewenu 16:9

É béli Pɔl we do ye yuɛzi gi; Masédɔane mi do a é dɔle yé ’bɛ zanté vɔ Pɔl lɛ léé: ’I da ’i bɔ ko va Masédɔane.

Kelewenu 9:15

Mizan lé a lɛ léé: ’I go. Mi ’ko, maa a si anlé wekɛlɛfɛ nya an tɔ bɔrale we gi, bɛnnu koo, minwiinmunu koo, Izraɛlnu koo, wo va.

Rom munu 10:20

Naa, Ézai é bli ta dɔ plɛplɛ fɔɔ yé é léé: Munu lé wo ’ka an nagini lɛ lo, wo ɛ an ye, Yé munu lé wo ’ka an ma laa lɛ lo, maa anbo nagɔɔn wo ɛ lɛ.

Rom munu 11:12

Naa, dé wo saanle lé we ma lé tɛrɛlamunu fua ble, dé wo kɛlɛle kiéné lé we ma lé bɛn bɛnu fua ble, dé wo faa ’wo bli nɔla Kazambale va ’naan, ’bɛzé ’ka dan mini lɛ koɛnu ta loo?

Rom munu 9:30

Bɛwemalé, mɛ we lé ko féé? Bɛn bɛnu lé, wo ’ka kɛlɛle tegele naginina é vinin lo, wo kɛlɛ tegele; kɛlɛle tegele lé éé sié blipale va, yee lé wa ye;

1 Korent munu 3:6

Maa fɛ vɔ, Apolɔs ’yi zén a ta, naa, Kazambale a tin.

Bélidɔwesɛbɛ Fiézan 32:2

Anlé weplale ’é sɔɔla tɛrɛ la bélé lɛɛ zo, An dére ’é zana bélé fli zo ma, Bélé lɛɛ lé kalugoro dale zo luyɛ ta, Bélé bakinima lɛɛ dale zo lu ta.

Weblezannu 6:36

Jédéɔn lé Bale lɛ léé: Dé é sɔ i lɛ léé, i Izraɛl si we gi an bɛ nya, fɛan zo lé bé fe, a zo,