Misé 5:3 - Kazambale lé Sebe Sauunu 1979

³ É dan bɔra lɛ yé é dan pla lɛ munu nwiin Gakelebale lé plɛplɛ nya, Gakelebale alé Bale lé fuatɔ nya. Wo dan a tɔ bɔ lɛ fɔɔ tɛrɛ glɛ sina, amalé alé munu é dan nyana lɛ kli.

Misé 5:3 ပူးပေါင်းရင်းမြစ်များ

1 Minwiinzannu 14:16

Wenyanénu lé Jéroboam a kɛlɛ, é valé wenyané lé é a vɔ Izraɛlnu lee, alé we ma lé Bale é dan daan lɛ Izraɛl ma.

2 Minwiinmunu lé Wezuofe Sɛbɛ 30:7

Té ka kɛlɛ bélé ka tranu valé ka bwenu zo lo. Wo wenyané kɛlɛ Gakelebale wo tranu lé Bale ma, yé Bale wo sɛrɛ tata, ka a ye fɛan zo, a zo.

Lɛrɛvɔ Sɛbɛ 67:3

Léé, munu i kɛlɛwe dɔɔ tɛrɛ la Yé i mi sié we gi fɛan zo, yé bɛnnu faa a dɔɔ.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 49:6

Yee Gakelebale léma: Dé i kɛlɛ an wuozan nya, Yé i Jakɔb bɛnnu vɔ a ma, Yé i da Izraɛl mi pɔnénu nya wo pa gi, ’bɛ a kiéné; Maa dan i kɛlɛ lɛ bɛnnu vakinisan nya, Yé i go anlé mi silewegi nya fɔɔ tɛrɛ glɛ sina.

Jérémi 23:5

Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.

Jérémi 31:1

Gakelebale léma: ’Bɛ yi ’ko la, maa dan, kɛlɛ lɛ Izraɛl lele faa lé Bale nya, yé wo dan kɛlɛ lɛ anlé munu nya.

Ézékiɛl 34:16

Yee lé é ke é sanle, maa dan a gini lɛ; yee lé é saan, maa dan da lɛ a nya é pa gi; yee lé é tuo, maa dan a tuonanu paa lɛ; yee lé gyɛ ke a ma, maa dan plɛplɛ nɔ lɛ a lɛ. Naa, wo lé wo ke é buale, ’té wa plɛplɛ, maa dan wo gyɛ lɛ. É sɔ an lɛ léé, maa wo pa we tegele yɛrama.

OZÉ (Osée) 11:8

Éfraim, maa dan kɛlɛ lɛ ilé we ma kaa? Izraɛl, é a lé maa i pa mi bɛ lee? É a lé maa a kɛlɛ i lɛ bélé Adima zoo? É a lé maa we kɛlɛ i lɛ bélé Séboim zoo? An bli a diana an gi, An nyanai faa a zénna.

OZÉ (Osée) 2:14

Alé dɔrɔféi valé bɔrɔyili féi lé éé a fé léé, ’é bwɛnu a nɔ ’é lɛ ’é ban nya, maa dan wo sɛrɛ lɛ. Maa dan wo kɛlɛ lɛ pɔrɔ nya, yé bwigiwinu é dan wo ble lɛ.

OZÉ (Osée) 2:9

É dan go lɛ é bwɛnu zuo, yé é ’ka dan a dɔ lɛ wo ma lo; é dan wo gini lɛ yé é ’ka dan wo ye lɛ lo. ’Bɛ zuo é dan a fe lɛ léé: Maa dan nɔla lɛ an zana kyɛn va an pai, ’bɛna fila vɔ an lɛ é mini bléyi ’ko lɛ.

Amɔs 5:15

’Ka wenyané za pa, yé wezin ’é sɔ ka lɛ ma, ’ka we ble é blena bléyi faa va ma. Dé Gakelebale, lai sunyanu lé Bale nyanai é dan zén lɛ Jozɛfu kulu pɔnénu taa?

Misé 4:4

Wo faa do do é dan nyana lɛ ’wolé dɔrɔyilinu valé ’wolé bɔrɔyilinu wuo, Yé mi do kpen ’ka dan wo gi kyɛ dɔ lɛ lo; Lai sunyanu lé Gakelebale ɛ fe, azama.

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Misé 5:7

Jakɔb kulu pɔnénu é dan kɛlɛ lɛ bɛngɔnɔnu va bɛn kiɛrenu méléna bélé golizra zo pɔrɔ gi winu va, bélé golizra boroné zo ’bla palunu méléna. Dé é a giéna, éé fɛ zɔn‐o é gane nya, ’té éé a wi kinié ékema, yé mi do kpen ’ka a sié a lee lo.

Misé 5:8

I bɛ ’é mini i mazannu lɛ ma; i nyanézannu faa kulu ’é ga ma.

Misé 6:14

Ka dan fɛ ble lɛ yé ka ’ka kaan lo, ’té lɔrɔ a ka ma duowo. Ka dan fɛ tadɔ lɛ yé é ’ka dan vo lɛ ana lo, yé fɛ lé é vo ana, maa dan ’bɛ nɔ lɛ gwɔun lɛ.

Misé 7:13

Tɛrɛ é dan sɛrɛ lɛ a tamunu koo, wo kɛlɛwenu koo, wolé we ma.

Zakari 10:6

Maa dan Judanu dɔ lɛ gligli, Maa dan Jozɛfunu si lɛ we gi; An nyanai zén wo ta, amalé an dan da lɛ wo nya wo pa gi, Yé wo dan kɛlɛ lɛ bélé an ’ka tan sɔn vinin vɔ lɛ wo ma lo. Naa, maa a Gakelebale wolé Bale nya, yé an dan wolé bazoro dére nyi si lɛ.

Matio 1:21

Mari é dan négɔné do yaa lɛ, yé bé tɔ pa Jézu; yee ɛ dan élé munu lé wenyanénu si lɛ wo lee.

Matio 12:50

Naa, an Ti lé é ke la gi, dé miomian éé alé blibɔmawe kɛla, ’té yee ɛ ke an zuané koo, an buru koo, an bu koo, wo nya.

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

Rom munu 8:29

Munu lé é wo dɔɔ ézé nya é vinin, é wo dɔ é kyɛn é Be bɔmazannu nya é ziin, a Be kɛlɛle né vininzan nya bwe kiɛre worona we gi.