Misé 5:2 - Kazambale lé Sebe Sauunu 1979

² Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Misé 5:2 ပူးပေါင်းရင်းမြစ်များ

Wepélisiananu 35:16

Wo si Bétɛl; é vo sɛ yé wo bɔ Éfrat aan wo, Rasɛl né yaa. Alé né yaale kɛlɛ tɔntɔn.

Wepélisiananu 35:19

Rasɛl ga yé wa pa Éfrat zi sɔnɔ, yee lé ke Bɛtléɛm nya.

Wepélisiananu 48:7

An sile Padan zuo, Rasɛl ga zia an sɔnɔ, Kanaan tɛrɛ la, Éfrat punma. Ana lé maa a pa, Éfrat lé wa laama kyɔ Bɛtléɛm, alé zi ma.

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

Minwiinzannu lé Wezuofe Sɛbɛ 2:54

Salma benu: Bɛtléɛm valé Nétofa munu; Atarɔt‐Bɛt‐Joab, Asi‐Amanati, Soréin munu;

Minwiinzannu lé Wezuofe Sɛbɛ 4:4

Gédɔɔ ti lé ke Pénuɛl nya, yé Ézɛɛ a Usa ti nya. Bɛtléɛm ti Éfrata lé né vininzan Uru benu lé ke bɛ.

Minwiinzannu lé Wezuofe Sɛbɛ 5:2

Weboen lé, Juda a plɛplɛ é bwenu méléna, yé a kululazan do kɛlɛ mi blɛn nya, naa, né vininzan dɔna a Jozɛfu zé nya.

Lɛrɛvɔ Sɛbɛ 132:6

Bé ye, ko Bale lé kɛsu tawe ’ma Éfrata, Yé ko a ye Jaa lé féi.

Lɛrɛvɔ Sɛbɛ 90:2

Gɔblɛnnu bɔrale ’lɛ, ’Té i ’ka tan tɛrɛ valé é tafɛnu kɛlɛ lɛ lo, Lɛɛfaama a glɛ ’ka lo, ’té bii a Bale nya.

Fwile 18:21

’I munu vabo, yé munu lé woo we kɛla ’wo zua, ’té woo kanaan Kazambale lee, ’té wa mi wéiinnu nya, ’té wo bli bɔle fɛ ma za paan, ’i wo si munu va; ’i wo dɔ munu wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya.

Fwile 18:25

Yé munu lé a yara a wo yara léé, wo wo dɔ minwiinzanu nya, Moizi wo si Izraɛl faa va, yé é wo dɔ mi wuru soru soru nwiinzannu koo, mi yɔ soru soru nwiinzannu koo, mi yɔ fié wɔlɛ vu vu nwiinzannu koo, mi vu vu nwiinzannu koo, wo nya.

Ézai 11:1

Izai bɛ do é dan dɔ lɛ é ma bélé yilibɛ zo, yé a suni do é dan fɔn lɛ a ta.

Ézai 53:2

É tin Gakelebale yuɛ va bélé lutolu zo, Bélé yili lé ke fɔnna tɛrɛ gale ta, a zo; É ’ka nɔnɔmi lo, yé a yara ’ka bié yé é mi sia ana lo, A yara dɔbɛ ’ka ko gi nanama lo.

Ézai 55:4

Maa a dɔ wenayezan nya munu lɛ, Maa a dɔ munu nwiinzan valé wo bélidɔzan nya.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Jérémi 30:21

Wo vazan do é dan kɛlɛ lɛ wo nwiinzan nya, Wo vazan do é dan pla lɛ wo nwiin; Maa dan wo bié lɛ an sɔnɔ yé wo da an va; Naa, mi kyɛn éé bli ta dɔa plɛplɛ yé é bié an va éboaan? Maa Gakelebale ɛ ke a fena.

OZÉ (Osée) 6:3

’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Misé 4:10

Siɔn munu, ’ka kle ble yé ’ka dunnu bélé le lé é ke né yaana, a zo. Naa, sin ka dan si lɛ fla blɛn ta yé ka dan nyana lɛ bwi gi, yé ka dan go lɛ fɔɔ Babilɔn; ’bɛna lé Gakelebale é dan ka si lɛ munu lee; ana lé é dan ka tabo lɛ ka nyanézannu lee.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Matio 2:1

Wo Jézu yaa aan wo Bɛtléɛm, Judé tɛrɛ la, minwiinzan Érɔd bléyi va, yirinwanazia wedɔɔmunu da Jérusalɛm,

Matio 2:6

Yé bii Bɛtléɛm, Juda tɛrɛ la, I tɔ ’ka kiéné Juda fla blɛnnu méléna lo. Naa, bii ta lé wo dan minwiinzan yaa lɛ, Yee ɛ dan fɛblele nɔ lɛ anlé munu Izraɛl lɛ.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

WENÉNÉ LÉ LUK A GYE (Évangile selon Luc) 23:2

Wo kun we dɔle ma a nwiin yé wo léé: Ko bɔ mi ’ko ma kolé munu gi pana léé, ’wo nwa minwiinzan blɛn ma, a fele nya léé, té wo gɔɔli banwo Sézaa lɛ lo, yé é léé, yeebozen ɛ ke Krist nya, minwiinzan nya.

WENÉNÉ LÉ LUK A GYE (Évangile selon Luc) 23:38

Wo sɛbɛ gyɛ a ’wuo ta loru léé: Juifinu nwiinzan blɛn lé ke ’ko.

WENÉNÉ LE JAN A GYE (Évangile selon Jean) 7:42

Kazambale lé sɛbɛ ’ka a fe lɛ léé, David kulu gi lé é dan si lɛ loo? Krist ’ka dan si lɛ Bɛtléɛm, fɛana lé David ke é vinin, ana loo?

Bélidɔwesɛbɛ Fiézan 1:15

Yé maa mi blɛnnu si ka bɛn lɛgɔnɔ faa gi, ’té wa wedɔɔmunu nya, ’té munu wo dɔɔ, yé maa wo dɔ ka nwiin; maa wo kɛlɛ mi wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya, yé maa a se kɛlɛ wo lɛ ka bɛn lɛgɔnɔnu gi.

Kolɔs munu 1:17

É a fɛ faa ’lɛ, yé alé we ma lé fɛ faa a é kunle ékema.

Ébrunu 13:8

Jézu Krist a é dɔbɛ duo gi yese, kyɔ, lɛɛfaama, a glɛ ’ka lo.

Ébrunu 7:14

naa, kaa ye wéiin léé, Kaazan si Juda gɔnɔ gi; bɛn lé, Moizi ’ka a fe lɛ léé, balebannyanama a wozé nya lo, wo gɔnɔ gi lé é si.

1 Jan 1:1

Yee lé é ke ana a pélisia bléyi va fɔɔ kyɔ, yé ko a ’ma, yé ko a ye ko yuɛ nya, yé ko a nagini, yé ko bɛ mane a ma, yee ɛ lé we lé ko ke a fena. Mibélidére lé;

Wegɔɔnle 19:16

Wo tɔ do gyɛ alé sɔ valé a boro ta léé: Minwiinzannu Nwiinzan, Mizannuzan.

Wegɔɔnle 2:8

’I sɛbɛ pa Simii léglizi lé lanje lɛ zia. ’Bé fe a lɛ léé: Mi lé é ke mi vininzan nya, ’té é ke a voélazan nya, ’té é ga yé é béli é ziin, a dére lé é ke ’ko:

Wegɔɔnle 21:6

É lé an lɛ léé: A kɛlɛle nyaa. Maa ɛ ke Alfa valé Oméga nya, we pélisiana valé we ’wuoplana nya. Mian ’yiminilɔrɔ ke a gyɛna, maa dan mivoéyuɛma ’yi’wuo?-?la’yi nɔ lɛ a lɛ é pla.

Weblezannu 17:7

Juda kululazan pɛniɛ do ana Bɛtléɛm, Juda tɛrɛ la; é a Lévi mi nya yé éé nyanaan ana.

RUT (Ruth) 1:1

Weblezannu bléyi va, lɔrɔ dɔ Izraɛl tɛrɛ la. Mi do si Bɛtléɛm, Juda tɛrɛ la, é na valé é be fiénu nya é va, nyanale sɛ we gi Moab tɛrɛ la.

RUT (Ruth) 4:11

Munu faa lé wo ke flagɔrɔ ’léé valé mi segelenu léé: Ko a anayemunu nya. Lezan lé é wɔra ilé kɔn gi, Gakelebale ’é a kɛlɛ Rasɛl valé Léa lé wo Izraɛl fan, wo zo. ’Ilé plɛplɛ nagɔɔn Éfrat ma, yé i tɔ ’é kɛlɛ blɛn Bɛtléɛm ma.

1 Samuɛl 10:19

Yé kyɔ, ka a sɔn vɔna kalé Bale lé é ka si kalé nyanéblele faa valé kalé kleblele faa lee, a ma, yé ka lé a lɛ léé, ’i ’wo nwiinzan dɔ. Sin, ’ka da Gakelebale ’lɛ ka bɛn ma bɛn ma, mi wuru soru soru.

1 Samuɛl 17:12

Éfraim mi lé é si Bɛtléɛm, Juda tɛrɛ la, wa laama Izai, ’té a be a sɔraa yé Saul bléyi va é a é kwa yé a lɛɛ a kiɛre, David a ’bɛ be nya.

1 Samuɛl 17:18

’i dirinyɔyiyɔɔ vu ’ko si é ziin wolé mi wuru soru palu nwiinzan zé nya. Dé i bwenu a drɔɔ, i dan a ye lɛ yé i dan wo tawe fe lɛ an lɛ tegele.

1 Samuɛl 23:23

’Ka nagini, yé fɛ faa lé éé yɔɔan ana, ’ka wona dɔɔ, ’bɛ zuo dé ka da an va é ziin, dé ka sɔbɛlawe fe an lɛ, maa dan go lɛ ka va. Dé é a tɛrɛ ’ko la, maa dan a gini lɛ Juda lé mi baanu méléna.

1 Samuɛl 8:12

é dan mi wuru soru palu valé mi yɔ fié wɔlɛ vu palu nwiinzannu kɛlɛ lɛ, yé é dan wo kɛlɛ lɛ élé féipazannu koo, élé ’sagyɛzannu koo, élé gulidanfɛnu kɛlɛzannu koo, élé goro gi fɛnu kɛlɛzannu koo, wo nya.