Misé 4:7 - Kazambale lé Sebe Sauunu 1979

⁷ Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Misé 4:7 ပူးပေါင်းရင်းမြစ်များ

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Ézai 16:5

Dé é sɔ mi lɛ léé, élé webleblin dɔ gligli, ’é kɛlɛ mi zin nya ma. Wo dan a ye lɛ léé, David kululazan do, yarapawelazan do, é dan nyana lɛ ana; é a weblezan lé wedrɔle sɔ a lɛ bélé mi béé zo, a nya, ’té a fuu a a ta we tegele kɛlɛna.

Ézai 24:23

Yara é dan moné gyɛ lɛ, yaragyɛwe é dan bɔ lɛ yiri ma; naa, lai sunyanu lé Gakelebale é dan pla lɛ munu nwiin Siɔn gɔ la, Jérusalɛm, ’té alé fuasan éé bié planplan alé mi segelenu yuɛ va.

Ézai 6:13

Dé munu vuzan vo‐oo, ’bɛnu kulu é dan ga lɛ é ziin. Naa, dé wo térébɛnt yili valé sɛnéyili vɔ yé wo pun ’é vo fɛan zo, a zo duo lé, munu ’ko, wo punla do é dan nɛɛ lɛ mi sauunnu nya.

Ézai 60:22

Mi do é dan kɛlɛ lɛ mi wuru soru nya, Yé bɛn tɔɔtɔɔ é dan kɛlɛ lɛ bɛn plɛplɛ nya. Maa, Gakelebale, maa dan we ’ko kɛlɛ lɛ é kele wozé bléyi va.

Ézai 66:8

Wo ’bɛ zo we maan turuu? Wo ’bɛ zo we yé turuu? Wo tɛrɛ do la munu yaan yi doo? Woo bɛn do yaan bléyi do kpen nyaa? A bli plɛnle sia tɔɔn, Siɔn négɔnénu yaa.

Ézékiɛl 43:7

Yé é lé an lɛ léma: Blami be, fɛkona lé anlé fuablin ke, yé fɛkona lé maa an gane dɔraan. Ana duo lé maa dan nyana lɛ Izraɛl munu méléna lɛɛfaama, ’bɛ glɛ ’ka lo. Izraɛl munu valé ’wo nwiinzannu ’ka dan an tɔ bɔle sɛrɛ lɛ wolé miyilinu bɔle valé ’wo nwiinzan blɛnnu galenu zanale nya wolé gɔ nwiin yobannanu na lo.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Daniɛl 7:14

Kɛlɛle minwiinzan nya koo, fuablele koo, plale mi nwiin koo, wa se kɛlɛ a lɛ, yé migɔnɔ faa koo, bɛnnu koo, dére faa do do vɔmunu koo, wa bɔ. Alé plale mi nwiin a plale mi nwiin lé a glɛ ’ka lo, ’té é ’ka giéan lo, a nya, yé a plale mi nwiin ’ka nyaan monomono lo.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Joɛl 2:32

Yé ’bɛ bléyi va, dé miomian Gakelebale tɔ laa, é dan si lɛ we gi. Yé sile we gi é dan kɛlɛ lɛ Siɔn gɔ nwiin valé Jérusalɛm, Gakelebale a fe fɛan zo, a zo. Yé munu lé Gakelebale wo si a va, wo dan kɛlɛ lɛ siéwegimunu va.

Joɛl 3:17

Yé ka dan a gi dɔɔ lɛ léé, maa a Gakelebale, kalé Bale nya, ’Té an nyanaan anlé gɔ ’lɛzan Siɔn nwiin. Jérusalɛm é dan kɛlɛ lɛ é tinle Yé bɛnnu ’ka dan gié lɛ ana é dɛrɛ lo.

Abudias 1:21

Mi siéwegizannu é dan vɔ lɛ Siɔn gɔ nwiin, Ézau lé gɔ la munu lé weblele we ma; Yé Gakelebale é dan pla lɛ munu nwiin.

Misé 2:12

Jakɔb‐oo, maa dan ilé munu faa zén lɛ ékeva. Maa dan Izraɛl munu pɔné faa zén lɛ ékeva. Maa dan wo zén lɛ ékeva bélé gɔrɔ do gi ’blanu zo, bélé trubɛ palu do zo wolé lu blena. Munu vun é dan we lɛ blɛn.

Misé 2:13

Gɔrɔfɔnzan éé giéan wo ’lɛ; wo dan gɔrɔ fɔn lɛ yé wo bɔ gɔrɔ ’léé, yé wo dan bɔra lɛ ana. Wo nwiinzan blɛn é dan tawo lɛ wo ’lɛ zia, yé Gakelebale é dan kɛlɛ lɛ wo zilɛzan nya.

Misé 5:3

É dan bɔra lɛ yé é dan pla lɛ munu nwiin Gakelebale lé plɛplɛ nya, Gakelebale alé Bale lé fuatɔ nya. Wo dan a tɔ bɔ lɛ fɔɔ tɛrɛ glɛ sina, amalé alé munu é dan nyana lɛ kli.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Sofoni 3:13

Izraɛl munu pɔnénu ’ka dan weple kɛlɛ lɛ é dɛrɛ lo, yé wo ’ka dan vié wo lɛ é dɛrɛ lo, yé mi saan dére do kpen ’ka dan kɛlɛ lɛ wo ’léé lo. Naa, wo dan fɛ ble lɛ, yé wo dan flin lɛ, yé mi do kpen ’ka dan wo zuru va nyɛ kini lɛ é dɛrɛ lo.

Sofoni 3:20

’Bɛ bléyi va, maa dan da lɛ ka nya ka pa gi; ’Bɛ bléyi va, maa dan ka zén lɛ ékeva; Naa, kalé munu lé wo ke luu gi, dé an da wo nya wo pa gi ka yuɛ va, Maa dan ka kɛlɛ lɛ tɔbɔfɛ valé ginanamafɛ nya, Tɛrɛla migɔnɔnu faa méléna. A zo lé Mizan Gakelebale a fe.

WENÉNÉ LÉ LUK A GYE (Évangile selon Luc) 1:33

É dan pla lɛ Jakɔb gɔnɔlamunu faa nwiin lɛɛfaama, yé a plale munu nwiin glɛ ’ka dan dɔ lɛ lo.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.