Misé 4:3 - Kazambale lé Sebe Sauunu 1979

³ É dan kɛlɛ lɛ munu kiɛre lé weblezan nya, Yé é dan bɛn plɛplɛ baabaanu pa lɛ ékema. Wo dan ’wolé gwɔunnu foli lɛ gwanénu nya, Yé wo dan ’wolé dinnu foli lɛ kɔblanénu nya. Bɛn ’ka dan élé gwɔun soi lɛ é bɔlu bɛn ma é dɛrɛ lo, Yé wo ’ka dan gulidanle draan lɛ é dɛrɛ lo.

Misé 4:3 ပူးပေါင်းရင်းမြစ်များ

Lɛrɛvɔ Sɛbɛ 46:10

Yee ɛ gulidanle nyaa fɔɔ tɛrɛ glɛ sina; É sa yéli yé é dinnu yéli, É gulidan goronu kyɛ ble.

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Lɛrɛvɔ Sɛbɛ 72:3

Gɔnu lé ilé munu ke é nyanale wo nwiin, ilé vole drɔɔ é dan kɛlɛ lɛ ana, Gɔpanénu é ziin, wo tamunu é dan ilé we tegele dɔɔ lɛ.

Lɛrɛvɔ Sɛbɛ 72:7

’Bɛzan zé yinu ta, mi tegelenu vwi é dan bi lɛ, Yé vole drɔɔ é dan kɛlɛ lɛ blɛn fɔɔ ’té moné ’ka ana é dɛrɛ lo.

Lɛrɛvɔ Sɛbɛ 82:8

Baleoo, Bale, ’i nwa, ’i tɛrɛlamunu lé we ble. Naa, bɛnnu faa a izé nya.

Lɛrɛvɔ Sɛbɛ 96:13

Gakelebale ’lɛ ma. Naa, é a dana, É a dana tɛrɛlamunu lé we ble lɛ; É dan tɛrɛlamunu lé we ble lɛ tegele, É dan migɔnɔnu lé we ble lɛ é yara pale we ta yɛrama.

Lɛrɛvɔ Sɛbɛ 98:9

Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.

Ézai 2:4

É dan bɛnnu lé we ble lɛ, Yé é dan kɛlɛ lɛ milɛgɔnɔ kiɛre lé we yuɛgibozan nya. Wo dan wolé gwɔunnu foli lɛ gwanénu nya, Yé wo dan wolé dinnu foli lɛ sénblanu nya; Bɛn do ’ka dan gwɔun sia lɛ wo bɔlu bɛn bɛ ma é dɛrɛ lo, Wo ’ka dan gulidanle draan lɛ é dɛrɛ lo.

Ézai 25:3

Bɛwemalé mi plɛplɛnu i tɔ kɛlɛ blɛn, Yé bɛn plɛplɛnu lé flamunu kana i lee.

Ézai 51:5

Anlé wetegele kɛlɛle bɔ é pu, anlé mi sile we gi é dan bɔra lɛ, An dan munu lé we ble lɛ an bɛ nya; Wɛyiworona tɛrɛ lamunu bli é dan kɛlɛ lɛ an lɛ, Dé wa an bɛ gi, wo gi é dan san lɛ wo ma.

Ézai 60:12

Dé bɛn‐o bɛn‐an é a fe léé, ’é ’ka plaan i wuo lo, é dan zamaga wo lɛ, ’Bɛ bɛn ’konu kulu é dan ga lɛ.

Ézai 65:25

Glau valé ’blané é dan lu ble lɛ ékeva. Golizra é dan lu ble lɛ bélé diri zo, yé méné é dan vun ble lɛ. Wo ’ka dan fɛ tuo lɛ lo, yé wo ’ka dan fɛ sɛrɛ lɛ lo anlé gɔ sauun faa nwiin. Gakelebale ɛ fe.

Ézai 9:7

Mizan we do pa Jakɔb lɛ zia yé a bɛ dia Izraɛl ta.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

OZÉ (Osée) 2:18

Gakelebale léma: ’Bɛ yi ’ko la, i dan an laa lɛ, i zana; i ’ka dan an laa lɛ é dɛrɛ izan, lo.

OZÉ (Osée) 2:20

’Bɛ yi ’ko la, an dan gipawe do kɛlɛ lɛ ka valé bwigiwinu koo, lagi mianénu valé tawoplɛlawinu koo, ka méléna; sa koo, gwɔun valé gulidanle koo, maa dan wo yi ga lɛ kalé tɛrɛ la, yé maa dan ka nyana lɛ kaboma.

Joɛl 3:2

An dan bɛnnu faa zén lɛ ékeva, Yé maa dan wo zun lɛ Jozafat lé gɔ worona; Anlé munu Izraɛl, anlé tɔnɔ lé we ma lé, Maa dan wolé we ble lɛ ’bɛna. Wo anlé munu sɔɔla bɛnnu gi, Yé wo anlé tɛrɛ guli, azama.

Zakari 14:3

Gakelebale é dan da lɛ yé é dan guli dan lɛ bɛn ’konu va, fɛan zo lé é guli dan guli blɛn danyi nya, a zo.

Zakari 8:20

Lai sunyanu lé Gakelebale léma: Migɔnɔnu valé fla kiɛre tamunu wo dan da lɛ é ziin.

Zakari 9:10

Maa dan Éfraim lé gulidangoronu sɛrɛ lɛ, Yé maa dan Jérusalɛm lé wisoonu gyɛ lɛ; Maa dan gulidansanu yi ga lɛ. É dan vole drɔɔ zana dɔɔ lɛ bɛnnu lɛ, É sia wɛyi do ma yé é bɔ wɛyi koɛ ma, É sia yuu ma fɔɔ yé é bɔ tɛrɛ glɛ sina, é dan pla lɛ wo nwiin.

Wegɔɔnle 19:11

A zuo maa la lɛ ye é sole yé bé ye, wisoo fu bɔra. Wo atazan laama yarapawelazan valé webozen, yé éé we blé tegele ’té éé guli daan tegele.

1 Samuɛl 2:10

Gakelebale nyanézannu ma é dan nyɔɔn lɛ; Lagiloru baabaana lé é dan élé zagele zun lɛ wo ta. Gakelebale é dan tɛrɛlamunu faa lé we ble lɛ. É dan plɛplɛ nɔ lɛ élé minwiinzan lɛ, Yé é dan élé Nyɔnɔzénnwiinzan lé plɛplɛ lɛ si lɛ.