Misé 4:13 - Kazambale lé Sebe Sauunu 1979

¹³ Siɔn munu, ’ka nwa yé ’ka wo sunwo. Maa dan foliɛwɔlɛ béli nɔ lɛ ka lɛ yé maa dan zéné sɔnéwɔlɛnu nɔ lɛ ka lɛ, yé ka dan bɛn kiɛre ’wii lɛ yé ka dan wolé fɛ zinnu pa lɛ é yɛrama Gakelebale zé nya, yé ka dan wolé fuafɛnu pa lɛ é yɛrama Tɛrɛfaazan zé nya.

Misé 4:13 ပူးပေါင်းရင်းမြစ်များ

Lɛrɛvɔ Sɛbɛ 24:1

Lɛrɛ do lé David a vɔ. Tɛrɛ valé é tafɛnu faa a Gakelebale zé nya, Tɛrɛ valé munu lé woo nyanaan a ta, wa Gakelebale zé nya.

Lɛrɛvɔ Sɛbɛ 68:29

Ilé Bale léé: ’I plɛplɛ ye ma; Baleoo, Bale, we lé bé kɛlɛ ko lɛ, ’bé ta plaa ma.

Lɛrɛvɔ Sɛbɛ 72:10

Taasis munu nwiinzan blɛnnu valé ’yiworonatɛrɛ nwiinzannu, wo dan vagɔɔli banwo lɛ a lɛ, Séba valé Saba munu nwiinzan blɛnnu wo dan blɛ kɛlɛ lɛ a lɛ.

Ézai 18:7

’Bɛ bléyi va, munu plɛplɛ lé wo fuu ke wo ta, ’té munu éé kanaan wo lee wo nwabléyi va, bɛn plɛplɛ lé éé munu faa wiian, ’té yuunu alé tɛrɛ gi bɔi bɛ, wo dan da lɛ lai sunyanu lé Gakelebale lé blɛ nya. Wo dan da lɛ wo nya, fɛana lé lai sunyanu lé Gakelebale tɔ ke, Siɔn gɔ nwiin, ana.

Ézai 21:10

Anlé munuoo, anlé munu, wo ka sunwo bélé ’sa sunwole zo. We lé lai sunyanu lé Gakelebale, Izraɛl lé Bale a fe an lɛ, maa a fe ka lɛ.

Ézai 23:18

Naa, a gooli valé a banwofɛ lé é a ye élé wenyané ma, é dan kɛlɛ lɛ Gakelebale zé nya, é ’ka dan a téé lɛ lo, yé é ’ka dan a tadɔ lɛ lo. Munu lé woo nyanaan Gakelebale ’lɛ, a gooli é dan kɛlɛ lɛ wolé fɛblele kiɛre valé wo tasɔ nɔnɔmi mafɛ nya.

Ézai 5:28

Wolé sawɔlɛnu lɛ ma a é bole yé wo faa a sa ganana; wolé wisoonu sɔnéwɔlɛnu a bélé gɔlɛ zo yé wolé goro ganenu a bélé barikoko zo.

Jérémi 51:20

Bii ɛ kɛlɛ an lɛ bélé maato zo, bélé gulidanfɛ zo; I nya lé an bɛnnu ’wii, I nya lé an fuatɛrɛnu sɛrɛ.

Jérémi 51:33

Naa, lai sunyanu lé Gakelebale, Izraɛl lé Bale léma: Babilɔn munu a bélé fɛ lé wo ’sa sunwo ana wo gane nya, a zo. É vo sɛ yé a sunwo bléyi é bɔ.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

OZÉ (Osée) 10:11

Éfraim a bélé diridané lé wo pla a nwiin, a zo, ’té ’sa sunwole sɔ a lɛ, a zo. Sin, maa dan bɔrɔmayili vɔ lɛ a bɔrɔ nɔnɔmi ma. Maa dan nyanamapafɛ vɔ lɛ Éfraim bɔrɔ ma, Juda é dan nyanama pa lɛ, Jakɔb é dan tɛrɛ ta bɔ lɛ ékema.

Misé 5:7

Jakɔb kulu pɔnénu é dan kɛlɛ lɛ bɛngɔnɔnu va bɛn kiɛrenu méléna bélé golizra zo pɔrɔ gi winu va, bélé golizra boroné zo ’bla palunu méléna. Dé é a giéna, éé fɛ zɔn‐o é gane nya, ’té éé a wi kinié ékema, yé mi do kpen ’ka a sié a lee lo.

Abaku 3:12

I giéan tɛrɛ faa la i wɛwɛ dɔle zi, I bɛngɔnɔnu wiian ilé bliflile gi.

Zakari 12:3

’Bɛ yi la maa dan Jérusalɛm kɛlɛ lɛ migɔnɔnu faa lɛ bélé gɔlɛ bɛnzan zo; munu faa lé wo dan a wuo vɔ lɛ, é dan wo gyɛ lɛ, yé tɛrɛ la bɛnnu faa é dan zén lɛ ékeva yé wo péli vɔ a ma.

Zakari 12:6

’Bɛ yi la maa dan Juda mi blɛnnu kɛlɛ lɛ bélé kyɛ lé wa sɔn yili gale méléna, a zo, bélé sonakyɛ zo ’sanwunnu méléna. Wo dan ’wo zi munu faa ble lɛ, ’wo bɛyila valé ’wo bɛbola, yé Jérusalɛm é dan vo lɛ é pa gi.

Zakari 4:14

Yé é léé: Mi fié lé woo dɔa Tɛrɛfaazan ’lɛ, ’té wo nyɔnɔ zén wo nwiin bɛ, wo lé.

Zakari 6:5

Lanje a zi pa an lɛ léma: Lagi fu ziɛnnu lé woo bɔraan fɛana lé wo ke é dɔle Tɛrɛfaazan ’lɛ ana bɛ, wo lé.

1 Korent munu 16:2

Dimansi nya ka faa do do kalé gɔɔli ke pa é yɛrama kalé kɔn gi kalé fɛyebɛ yɛrama. Té wo an dale lɛbɛn a nɔle we ma lo.

Bélidɔwesɛbɛ Fiézan 33:25

Ilé laklénu ’é kɛlɛ foliɛwɔlɛ valé zéné nya ma, Yé ’i vo plɛplɛ ilé tɛrɛla faa gi ma.

Jozué 6:19

Gɔɔlifu faa koo, kyan faa koo, zénéfɛnu faa koo, foliɛwɔlɛfɛnu faa koo, wo dan wo pa lɛ é yɛrama Gakelebale zé nya, yé wo dan wo pa lɛ Gakelebale lé fɛwezan pana.