Misé 4:10 - Kazambale lé Sebe Sauunu 1979

¹⁰ Siɔn munu, ’ka kle ble yé ’ka dunnu bélé le lé é ke né yaana, a zo. Naa, sin ka dan si lɛ fla blɛn ta yé ka dan nyana lɛ bwi gi, yé ka dan go lɛ fɔɔ Babilɔn; ’bɛna lé Gakelebale é dan ka si lɛ munu lee; ana lé é dan ka tabo lɛ ka nyanézannu lee.

Misé 4:10 ပူးပေါင်းရင်းမြစ်များ

2 Minwiinzannu 20:18

I benu lé i dan wo yaa lɛ bɛ, wo dan wo ke si lɛ yé wo dan wo kɛlɛ lɛ miblalenu nya Babilɔn nwiinzan lé kɔn gi.

2 Minwiinzannu 25:4

Yé wo zan dɔ flagɔrɔ ma; yé gulidanmunu faa vlan buru é béli, flagɔrɔ ’léé zi lé ke minwiinzan blɛn lé zian féi gɔrɔ fié méléna, a ta, bléyian va lé Kaldémunu fla zi lɛ sɔɔ, a bléyi va. Vlanburuzannu go fɛna pɛblɛɛna zi ta.

2 Minwiinmunu lé Wezuofe Sɛbɛ 33:11

Yé Gakelebale Asiri nwiinzan blɛn lé sunyanu nwiinzannu nwa yé é da wo nya Izraɛlnu ma. Wo Manasé kun yé wo foliɛwɔlɛbale vɔ a ma. Wa yere zéné gɔgɔbalenu nya, yé wo go a nya Babilɔn.

2 Minwiinmunu lé Wezuofe Sɛbɛ 36:20

Munu lé wo so gwɔun lee, Nébukanɛsaa go wo nya luu gi Babilɔn, yé wo pla yee valé é benu wuo, fɔɔ yé Pɛɛs nwiinzan blɛn pla wo nwiin léé,

2 Minwiinmunu lé Wezuofe Sɛbɛ 36:23

Pɛɛs munu nwiinzan blɛn Sirus léma: Gakelebale, lanu lé Bale bɛn tɛrɛnu faa nɔ an lɛ, yé é an béli dɔ léé, ’an kɔn dɔ ’é lɛ Jérusalɛm, Juda tɛrɛ la. Ka va mi kyɛn ɛ ke alé mi nyaa? Alé Bale ’é kɛlɛ a va ma, yé ’é go ana ma.

Lɛrɛvɔ Sɛbɛ 106:10

É wo si wo zapazannu lee, Yé é wo so wo nyanézannu lee.

Ézai 43:14

Gakelebale, ka tabozan, Izraɛl lé Mi Sauun, é léma: Kalé we ma lé maa Babilɔn munu nyanézannu pa wo lɛ zia, Yé maa kɛlɛ léé, ’wo fwi yé ’wo dia, Kaldé munu lé wo wobo tɔ bɔa ’wolé ’yitagoronu gi, woo lé.

Ézai 45:13

Maa ɛ Sirus nwa ka sole we lee we ma, Yé maa dan alé zinu faa ta bɔ lɛ ékema; É dan anlé fla pa lɛ é ziin, yé anlé munu lé wo ke luu gi, é dan wo vo lɛ woboma, ’Té maa ’ka wo tabofɛ valé wo ma blɛ kɛlɛ lɛ lo. Lai sunyanu lé Gakelebale ɛ fe.

Ézai 48:20

’Ka si Babilɔn, ’ka fwi Kaldé munu méléna; ’Ka fe léé: Gakelebale é wuozan Jakɔb tabo. ’Ka fe ginanale nya, ’ka a zana dɔɔ, ’Ka munu bɔn‐in kini a nya fɔɔ tɛrɛ glɛ sina.

Jérémi 13:4

Kyɛsidi lé bé lɔ, ’té é ke é dɔle i gyɛn bɛ, bé si, ’i nwa, ’i go Yufrat yuu ba gi yé bé yɔɔ ’bɛna gɔlɛfee gyɛna.

Jérémi 29:20

Naa, ’kaa luugimunu faa lé maa ka nwa Jérusalɛm yé an ka pa zia Babilɔn tɛrɛ la, ’ka tɔné dɔ Gakelebale dére lɛ.

Jérémi 4:31

Naa, siaalenu lé maa wo ’ma, wa bélé néyaalomu lé siaalenu zo, Maa nyanéble siaalenu ’ma bélé blɛnzan lé né yaale lé nyanéblele zo. Siɔn munu lé ke bakinima flinna, ’té woo bɛnu soian, wo dére lé. Wo léé: Maa a we tɔntɔn bɔmazan nya. Maa a gana migyɛzannu lee.

Jérémi 48:41

Wo Kérijɔt si, wa yɔɔna plɛplɛnu si, yé ’bɛ yi nya Moab nyanazannu bli é dan kɛlɛ lɛ bélé né yaa le bli zo.

Jérémi 52:27

Babilɔn nwiinzan wo gyɛ yé wo ga Ribla, Amat tɛrɛ la. ’Bɛ zo lé wo go Juda munu nya luu gi, wolé tɛrɛ ma baa.

OZÉ (Osée) 13:13

Nyanéblele é dan bɔ lɛ a ma, bélé né yaa le lé nyanéblele zo. É a né lé é ’ka we dɔɔa lo, a nya; a yaabléyi bɔ, yé é ’ka a nyi sié léé, ’é bu ’é yaa lo.

OZÉ (Osée) 2:14

Alé dɔrɔféi valé bɔrɔyili féi lé éé a fé léé, ’é bwɛnu a nɔ ’é lɛ ’é ban nya, maa dan wo sɛrɛ lɛ. Maa dan wo kɛlɛ lɛ pɔrɔ nya, yé bwigiwinu é dan wo ble lɛ.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Misé 5:3

É dan bɔra lɛ yé é dan pla lɛ munu nwiin Gakelebale lé plɛplɛ nya, Gakelebale alé Bale lé fuatɔ nya. Wo dan a tɔ bɔ lɛ fɔɔ tɛrɛ glɛ sina, amalé alé munu é dan nyana lɛ kli.

Wegɔɔnle 12:14

Wo gola blɛn bɛa fié nɔ lezan lɛ, a sile we gi yé é go ’élé fɛna bwi gi méné lee baa, ana lé wo fɛblele nɔ a lɛ lɛɛ yaa é buu.