Misé 3:7 - Kazambale lé Sebe Sauunu 1979

⁷ Yara é dan kalé fɛnayezannu gyɛ lɛ, yé ’monédɔzannu yuɛ é dan tana lɛ. Kazambale ’ka dan we lɛ wo zi lo, amalé wo dan ’wo yara yɔɔ lɛ.

Misé 3:7 ပူးပေါင်းရင်းမြစ်များ

Lɛrɛvɔ Sɛbɛ 74:9

Wo ’ka kolé tɔmasenu yé é dɛrɛ lo; Balelayezan ’ka ana é dɛrɛ lo, Yé dé a lɛɛ vo nɔɔ? ko va mi do ’ka ’bɛ gi dɔɔa lo.

Fwile 9:11

Manɔnnu lé we ma yokɛlɛzannu ’ka bɔa bɔrale lɛ Moizi va lo; naa, manɔn a yokɛlɛzannu ma bélé Éjipiti munu faa zé zo.

Ézai 44:25

Maa viébalelayemunu lé tɔmasenu sɛrɛ, Yé maa lé ’monédɔmunu ma léé, wa tavozannu nya; Maa wedɔɔmunu biéan ’wo zuo, Yé maa wolé ’wuoatawe nɔla tavowe nya.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Ézékiɛl 24:17

’I bawuruma flin wo drɔɔ; té i mi galenu gyɛ bo lo; ’ilé nɔɔn vuru i ’wuo ma, ’ilé sawala wo i gane ma; té i puomagun yɔɔ lo, yé té i mi bɛnu lé fɛ ble lo.

Ézékiɛl 24:22

Yé we lé maa a kɛlɛ, ka dan a kɛlɛ lɛ a zo. Ka ’ka dan ka puomagun yɔɔ lɛ lo; ka ’ka dan mi bɛnu lé fɛ ble lɛ lo,

Lévinu 13:45

Yé pantɛngyɛzan é dan sɔ fiale zén lɛ ’é ta, yé a ’wuo vo é porole; é dan fɛ bua lɛ é lɔlu ta, yé é dan siaa lɛ léé, ’é tiri dɔ, ’é tiri dɔ!

Amɔs 8:11

Mizan Gakelebale léma: Ka ye, a yinu é dan bɔ lɛ yé maa dan da lɛ lɔrɔ nya tɛrɛ ’ko ta; buru valé ’yian wo dan vuru lɛ wo ma lo, naa, Gakelebale dére ’male ɛ dan vuru lɛ wo ma.

Misé 3:4

’Bɛ zuo wo dan siaa lɛ Gakelebale lɛ, naa, é ’ka dan we lɛ wo zi lo; ’bɛ bléyi va é dan é yara yɔɔ lɛ wo lee; wo wenaanénu kɛlɛ, azama.

Misé 7:16

Bɛn gɔnɔnu é dan a ye lɛ yé wo gi é dan blin lɛ wo ma. Dé wolé plɛplɛ a blɛn‐oo, wo dan ’wo bɛ bua lɛ ’wo lɔlu la, yé wo tɔné é dan ’wii lɛ wo ’wuo ma.

Zakari 13:4

’Bɛ yi la, dé balelayemunu a balelawe fena, yara é dan wo gyɛ lɛ ’wolé yuɛziwe fele ma, yé wo ’ka dan wikyɛɛsɔ zén lɛ ’wo ta é dɛrɛ vié wole we ma lo.

1 Samuɛl 14:37

Yé Saul a laa Bale lee léé: Maa go Filisitinu zuoo? I dan wo pa lɛ Izraɛlnu lee? Naa, é ’ka a zi pa lɛ a lɛ bléyi ’ko nya lo.

1 Samuɛl 28:15

Samuɛl lé Saul lɛ léé: Mɛmalé i an ma kyɛ dɔ an laale nyaa? Saul a zi pa léé: Maa a we tɔntɔn blɛn gi; Filisitinu a guli danna an va yé Gakelebale si an va; dé é a balelayemunu nyaoo, dé é a nyɛ fla nyaoo, Gakelebale ’ka we zi paan an lɛ ’bɛ do nya lo. We lé é a lé maa kɛlɛ, maa i laa léé, bé fe an lɛ.

1 Samuɛl 28:6

Saul we laa Gakelebale lee; yé dé é a nyɛ fla nyaoo, dé é a urim nyaoo, dé é a balelayezannu nyaoo, Gakelebale ’ka a zi pa lɛ ’bɛ do nya lo.

1 Samuɛl 9:9

É vinin, Izraɛlnu va, dé mi go we laa lɛ Bale lee, é léé, ’i da, ’ko go fɛnayezan va. Naa, mi lé wa laama kyɔ balelayezan, é vinin wa laama fɛnayezan.