Misé 3:5 - Kazambale lé Sebe Sauunu 1979

⁵ Balelayezannu lé woo anlé munu saan, maa Gakelebale wo ma we fe léé: Wo lé, dé fɛ a wo lee yé wo vole drɔɔ we fe, yé dé munu ’ka fɛ no wo lɛ lo, yé wo guli lɛ kini bɛ, woo lé.

Misé 3:5 ပူးပေါင်းရင်းမြစ်များ

Wegɔnévɔlenu 28:21

Mi vabole ’ka é zima lo, yé fɛblele yele lé we ma lé mi é ébo no wenyané kɛlɛle lɛ.

Ézai 3:12

Nénu éé yaan anlé munu ta yé lomu a é plale wo nwiin. Anlé munu, kalé zigɔɔnzannu a ka saanna, yé zi lé ka ke tawona a ta, wa sɛrɛna.

Jérémi 23:27

É dɔ wo gi léé, ’wo an tɔ saan anlé munu gi, nyɛnu lé wa gi fé wo bɔlunu lɛ bɛ, wo nya, bélé fɛan zo lé wo tranu gi san an tɔ ma Baal lé we ma, a zo.

Jérémi 23:32

Gakelebale léma: Ka ye, munu lé woo vié nyɛ gi fé balelawe fele nya, ’té woo wo gi fé, ’té woo anlé munu saan wolé viéwole valé wo yara plɛplɛ nya, maa a wo ma. Maa ’ka wo pa lɛ zia lo, maa ’ka we fe lɛ wo lɛ lo, wo ’ka we zin do kpen nyian wo anlé munu ma lo. Maa Gakelebale ɛ ke a fena.

Jérémi 6:14

Woo anlé munu manɔn paan gi nyané nya, ’té wa fé léé: ’I vo drɔɔ, ’i vo drɔɔ, yé vole drɔɔ do kpen ’ka ana lo.

Jérémi 6:4

’Ka ka ma’lɛrɛ, ’ka kee wo nya, ’ka nwa, kaa go é yiéyi. Yiri a vɔna, nyanadi furɔ toro; ’bɛ a ko ma we tɔntɔn nya.

Jérémi Lé Wuvɔ Sɛbɛ 2:14

Kalé balelayezannu lé balelayele a boawe valé vié nya, Wo ’ka ilé weple bɔra lɛ Léé, té ka go luu gi lo lo. Wenu lé wa gɔɔn ka lɛ wa viéwenu valé dabliwe nya.

Ézékiɛl 13:9

Balelayemunu lé wolé yuɛziwenu ke é pla, ’té wolé wefele a vié nya, maa dan an bɛ kɛlɛ lɛ wo ma; wo ’ka dan kɛlɛ lɛ anlé zén‐ékevamunu vazannu nya pelo. Wo ’ka dan wo tɔ gyɛ lɛ é dɛrɛ Izraɛlnu tɔgyɛlasɛbɛ gi lo, yé wo ’ka dan go lɛ Izraɛl tɛrɛ la é dɛrɛ lo, yé ka dan a gi dɔɔ lɛ léé, maa ɛ ke Mizan Gakelebale nya.

OZÉ (Osée) 4:5

I dan dia lɛ é yiéyi; i va balelayezan é dan dia lɛ é béli, yé maa dan i bu gyɛ lɛ za ma.

Joɛl 3:9

’Ka we ’konu zana dɔɔ bɛnnu va. ’Ka ma’lɛrɛ gulidanle we ma. ’Ka nyanazannu vuo. Gulidanmunu faa ’wo bié ma; ’wo gɔ gié ma.

Misé 2:11

Dé mi do vlan buru é pla, ’té éé a fé vié nya léé: Maa dan balelawe fe lɛ ka lɛ nwɛ valé dɔrɔ ’lɛ plɛplɛ lé we nya, ’bɛzan ɛ kɛla munu ’ko lé balelawefezan nya.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Malasi 2:8

Naa, ’kaa, kabozen zi saan; ka bélidɔwe kɛlɛ mi kiɛre saanfɛ nya, yé gipawe lé maa kɛlɛ Lévi va, yé ka sɛrɛ. A zo lé lai sunyanu lé Gakelebale a fe.

Matio 15:14

’Ka wo vo. Wo ɛ ke yuɛwiizannu lé, wo ke yuɛwiizannu lé zigɔɔnzannu nya, wo nya. Dé yuɛwiizan zi gɔɔn yuɛwiizan lɛ, wo fiénu é dan vɔ lɛ guru gi.

Matio 7:15

’Ka yuɛ pa kabo va viébalelayemunu lé we ma. Woo dan ka va bélé ’blanu zo, naa, wo bli a wo gi bélé lɔrɔgyɛ glau zo.

Rom munu 16:18

Naa, mi ’ko zoɛnu ’ka Kaazan Krist wuozannu nya monomono lo, naa, wa ’wobo bun‐an wuozannu nya, ’té woo mi tɔɔtɔɔnu bli sɛra dére nénénu valé dabli dérenu nya.