Misé 3:2 - Kazambale lé Sebe Sauunu 1979

² Ka wezin za paan, ’té wenaané éé sɔa ka lɛ; ka anlé munu kɔlɛ boo, ’té ka wo nɛ sié wo wɔlɛ ma.

Misé 3:2 ပူးပေါင်းရင်းမြစ်များ

1 Minwiinzannu 21:20

Akab lé Éli lɛ léé: An nyanézan, i an yee? Yé é a zi pa léé: We lé ke é naané Gakelebale yuɛ gi, ibo nɔ a kɛlɛle lɛ, amalé maa i ye.

2 Minwiinmunu lé Wezuofe Sɛbɛ 19:2

Balelayezan Anani be Jéu go a si lɛ zia yé é lé minwiinzan blɛn Jozafat lɛ léé: É a lé wo bɔ mi nyané vaa? Yé Gakelebale zapazannu sɔ i lɛɛ? Amalé Gakelebale bli fli i ma.

Lɛrɛvɔ Sɛbɛ 15:4

Mian é ’ka mi nya lo, éé lɔlu kplililii boo a ma, Naa, munu lé woo kanaan Gakelebale lee, éé ’bɛnu lɛdɔama. Dé é bale kun, é dan é nian si lɛ élé fɛ gi yé é a nɔ yé élé balekundére lɛ sɔɔ a nya.

Lɛrɛvɔ Sɛbɛ 53:4

Wo faa zi saan, yé wo faa a é boa; Wezin kɛlɛzan ’ka wo va lo, A do kpen ’ka lo.

Wegɔnévɔlenu 28:4

Mi lé éé sɔn vɔa bélidɔwe ma, éé mi naanénu tɔ zin fé, naa, mi lé éé bélidɔwe ta tawoo a bli éé flian wo ma.

Ézai 3:15

De ɛ se kɛlɛ ka lɛ, ka anlé munu zɔn ka gane nya, ’té ka nyanégyɛmunu yuɛi kyɛ dɔaa? Mizan, lai sunyanu lé Gakelebale ɛ fe.

Ézai 5:20

Munu lé woo wenaané laan wezin, yé woo wezin laan wenaané, ’té woo gunutinu nɔlaan san nya, yé woo san nɔlaan gunuti nya, ’té woo fɛ nyanale nɔlaan fɛ néné nya yé woo fɛ néné nɔlaan fɛ nyanale nya, wenaané ’é kɛlɛ wo lɛ ma.

Ézai 57:12

Maa dan kalé we tegele zana dɔɔ lɛ, yé ka ’ka dan tɔnɔ ye lɛ ka kɛlɛwenu gi lo.

Ézékiɛl 11:7

Amalé, Mizan Gakelebale léma: Kalé migalenu lé ka wo zana fla ’ko, wa bélé wi zo, yé yee fla a bélé fɛdɔnebɔ zo. Naa, ’kaa, wo dan ka si lɛ ana.

Ézékiɛl 22:27

Alé mi segelenu a wo méléna bélé glaunu lé woo fɛ wi kinié ékema, wo zo. Woo mi nyɛ zanaan, woo mi boennu saan wolé fɛyelɔrɔ sile ’wo ma we ma.

Ézékiɛl 24:4

’I wi nɛ zimanu faa zén a gi, a boro valé a bɛapa boworo nya; ’i wiwɔlɛ zinzinnu fan a nya.

Ézékiɛl 34:3

Ka ’bla nyɔnɔzannu ble, ka ’blakyɛɛsɔ zén ka ta, ’bla lé a nyɔnɔ ke, ka a gyɛ, naa, ka ’ka ’blanu pa lɛ lilo.

Amɔs 4:1

’Kaa Bazan diridanu lé ka ke Samari gɔ nwiin, ’kaa lé ka yaan nyanaizénlazannu ta, ’té ka tɔnanénu wiian, ’té ka fé ka zananu lɛ léé, ’ka da a nya, kaa mini, ’ka tɔné dɔ dére ’ko lɛ:

Amɔs 5:15

’Ka wenyané za pa, yé wezin ’é sɔ ka lɛ ma, ’ka we ble é blena bléyi faa va ma. Dé Gakelebale, lai sunyanu lé Bale nyanai é dan zén lɛ Jozɛfu kulu pɔnénu taa?

Misé 2:8

A péli sia namɔn, ’té woo we kɛla anlé munu lɛ bélé ’wo nyanézannu zo; munu lé woo giéan woboma duaa, ka wolé sɔ blɛnnu sié wo ta bélé gulizarafɛ sile zo.

Misé 7:2

Mi zin ta saan tɛrɛ ’ko la, yé mi tegele do kpen ’ka blaminu va é dɛrɛ lo; wo faa a zi bɛnna mi nyɛ zanale we ma; wo faa do do éé san vɔa ’wo bwenu lee.

Misé 7:3

Wo bɛla a kelekele wenaané kɛlɛle we ma; mi blɛnblɛnnu éé blɛfɛ laan gla nya, yé weblemunu éé we blé gɔɔli ma, yé mi blɛn élé bli blɛn nagɔɔn‐an. A zo lé wo ’wobo ma kwa kulian.

Sofoni 3:3

Alé minwiinzannu a a va bélé golizranu lé woo gi gunuan, wo zo; alé weblezannu a bélé glaunu lé wo ’ka wi do kpen tadɔa bladi zé nya lo, wo zo.

WENÉNÉ LÉ LUK A GYE (Évangile selon Luc) 19:14

A za a élé tɛrɛlamunu gi, amalé dé é go faa wo munu nwunvɔ a zuo a fele we gi léé: Mi ’ko plale ko nwiin ’ka sɔ lɛ ko lɛ lo.

WENÉNÉ LE JAN A GYE (Évangile selon Jean) 18:40

Yé wo faa siaa é ziin léé: Gbaoo, gba! ’Bɛ kaan lo. Barabas lé. Naa, Barabas a kyeenwozan nya.

WENÉNÉ LE JAN A GYE (Évangile selon Jean) 7:7

Tɛrɛlamunu ’ka bɔa ka za pale lɛ lo. Maa wo ma we fe léé, wo kɛlɛwenu a é naané, amalé an za a wo gi.

Rom munu 1:32

Kazambale léé, munu lé woo we ’ko zoɛnu kɛla, a yara lé ’wo ga, wo ’bɛ gi dɔɔoo, ’té wa kɛla duowo, yé dé wo mi bɛnu ye a kɛlɛna, wo léé, ’bɛ a é zima.

Rom munu 12:9

Té ka mi lɔrɔ pa dabli nya lo ma. Wenyané za ’é vo ka gi ma. ’Ka kun wezin kɛlɛle ma plɛplɛ ma.

2 Timoté 3:3

Wo dan kɛlɛ lɛ mi mawe dɔɔalozannu koo, bliflimi?-?mazannu koo, mi tɔ sɛrɛzannu koo, glawe kɛlɛzannu koo, gi pɔnpɔnzannu koo, mi zinnu nyanézannu koo, wo nya;