Misé 3:11 - Kazambale lé Sebe Sauunu 1979

¹¹ A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Misé 3:11 ပူးပေါင်းရင်းမြစ်များ

Wegɔnévɔlenu 17:23

Minaané éé blɛfɛ sié kyeen gi, zi tegelenu sɛrɛle we gi.

Ézai 1:23

Ka nwiinzannu a nwamimazannu nya yé wa kyeenwozannu béénu nya. Blɛfɛ sɔ wo faa lɛ, ’té woo vlan buruwo tɔnɔfɛnu zuo. Wo ’ka we tegele kɛla ti valé bu galazannu lɛ lo, yé wo ’ka zanagalalomu lé we blé lo.

Ézai 48:2

Naa, wo fla plɛplɛ tɔ pa ’wo ma, Yé wo pale a Izraɛl lé Bale lé, Wa tɔ laama lai sunyanu lé Gakelebale bɛ, a ta.

Ézai 5:23

Munu lé woo wegyɛzan lé we kɛla néné, blɛ lé we ma, ’té woo weanwiinlozannu lé se sié wo lee, wenaané ’é kɛlɛ wo lɛ ma.

Ézai 56:11

Wa bélé blénnu lé woo fɛ blé, ’té wo ’ka kaan lo, wo zo. Wa munutabinzannu lé wo ’ka we do kpen maan lo, wo nya. Wo faa wobo lé zi sian, wo faa do do lé tɔnɔ yele we ma.

Jérémi 23:17

Munu lé woo nyé yélié an ma, wo lé ’bɛnu lɛ léma: Gakelebale léma: Ka dan vo lɛ drɔɔ. Yé munu faa lé woo tawoo wolé blibɔmawe zuo, wo lé ’bɛnu lɛ léé: Wenaané do kpen ’ka dan bɔ lɛ ka ma lo.

Jérémi 26:7

Dére ’konu lé Jérémi a fe Gakelebale lé kɔn gi, Balebanzannu koo, balelayezannu koo, munu faa koo, wo wo ’ma.

Jérémi 5:12

Wo sɔn vɔ Gakelebale ma yé wo léé: Bale ’ka lo. Yé we tɔntɔn ’ka dan bɔ lɛ ko ma lo. Gwɔun valé lɔrɔ ’ka dan ko gyɛ lɛ lo.

Jérémi 6:13

Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn éé wo gya. É sia balelayezan ma fɔɔ yé é bɔ Balebanzan ma, wo faa kɛlɛ dablikɛlɛzannu nya.

Jérémi 7:4

Dablidére lé wa fé léé: Fɛkona a Gakelebale lé kɔn nya, é a Gakelebale lé kɔn nyaoo kɔn nya, té ka bli é vo ’bɛ lɛ lo.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Ézékiɛl 22:12

Bii fla ’ko la, woo blɛfɛ sié mi nyɛ zanale we ma; woo gɔɔli zuo tɔnɔ valé a pamale sié, woo ’wo bɔluzan leefɛ sié gla nya, yé maa, wo gi éé saan maa ma. Yee lé Mizan Gakelebale a fe.

Ézékiɛl 22:27

Alé mi segelenu a wo méléna bélé glaunu lé woo fɛ wi kinié ékema, wo zo. Woo mi nyɛ zanaan, woo mi boennu saan wolé fɛyelɔrɔ sile ’wo ma we ma.

Ézékiɛl 34:2

Blami be, ’i balelawe fe Izraɛl pazannu ma léma: Mizan Gakelebale léma: Izraɛl pazannu lé wo ke wobozen pana bɛ, we tɔntɔn ’é bɔ wo ma ma. É ’ka kɔɔn léé, mipazannu é ’blanu pa loo?

OZÉ (Osée) 4:18

Wo nyaa nwɛ minile nya tɔɔn, wobo nɔ bɔrɔdɛ lomu lɛ. Wo nwiinzannu bli bɔ yaragyɛwe ma.

OZÉ (Osée) 4:8

Balebanzannu ’wolé fɛblele yé anlé munu lé wenyané kɛlɛle ma; é sɔ wo lɛ léé, wo weple kɛlɛ di.

Amɔs 5:14

’Ka wezin kɛlɛle kwa kuli, té ka wenaané kɛlɛ lo, ka vole é yuɛma we gi, yé ’bɛ zo lé Gakelebale lai sunyanu lé Bale é dan kɛlɛ lɛ ka va, fɛan zo lé ka a fena, a zo.

Amɔs 9:10

Anlé munu va wenyanékɛlɛzannu faa lé wa fé léé, we tɔntɔn ’ka dan bɔ lɛ ’wo lɛ lo, wo dan wo faa gyɛ lɛ gwɔun nya.

Misé 3:5

Balelayezannu lé woo anlé munu saan, maa Gakelebale wo ma we fe léé: Wo lé, dé fɛ a wo lee yé wo vole drɔɔ we fe, yé dé munu ’ka fɛ no wo lɛ lo, yé wo guli lɛ kini bɛ, woo lé.

Misé 7:3

Wo bɛla a kelekele wenaané kɛlɛle we ma; mi blɛnblɛnnu éé blɛfɛ laan gla nya, yé weblemunu éé we blé gɔɔli ma, yé mi blɛn élé bli blɛn nagɔɔn‐an. A zo lé wo ’wobo ma kwa kulian.

Sofoni 3:3

Alé minwiinzannu a a va bélé golizranu lé woo gi gunuan, wo zo; alé weblezannu a bélé glaunu lé wo ’ka wi do kpen tadɔa bladi zé nya lo, wo zo.

Sofoni 3:4

Webozen ’ka alé balelayemunu gi lo, yé woo dabli kɛla. Alé Balebanmunu éé fɛ sauunnu sɔnnénu sɛra yé woo bélidɔwe sɛra.

Malasi 1:10

Ka va mi kyɛn ɛ dan anlé kɔn lɛ tan lɛ léé, té ka kyɛ bi an banna ta é pla loo? Lai sunyanu lé Gakelebale léé: Kalé we ’ka an gi do boen nanaan lo; fɛ lé ka an ban a nya, maa ’ka dan an ban‐ɛn ble lɛ lo.

Malasi 2:9

Ka ’ka tawo lɛ anlé zi ta lo; dé ka a bélidɔwe gi fena, ka mi vaboo, amalé maa dan ka kɛlɛ lɛ fɛ naané valé serelebomafɛ nya munu faa yuɛ gi.

Mi Nɔnɔle 16:15

Moizi bli fli é baba, yé é lé Gakelebale lɛ léé: Dé wo i ban fɛan nya, té bé si lo. Maa ’ka fɛ do boen si lɛ wo lee lo, dé é a sokofale do nyaoo, maa ’ka a do kpen si lɛ wo lee lo, yé an ’ka wenaané kɛlɛ lɛ wo va mi do lɛ lo, azama.

Mi Nɔnɔle 22:7

Moab lé mi segelenu valé Madian lé mi segelenu go, ’té blɛnu lé wo dan a kɛlɛ lɛ ’monédɔzan lɛ, ’té ’bɛ a wo lee. Wo bɔ Balaam va, yé wo Balak dére fe a lɛ.

Matio 3:9

yé té ka fe ka bli gi léé, Abraam a ’wo tra nya, lo. Naa, maa lé ka lɛ léé, Kazambale é bɔalɛ léé, é gɔlɛ ’konu kinin Abraam gɔnɔlazannu nya.

1 Timoté 3:3

Té é kɛlɛ nwɛminizan nya lo, té é kɛlɛ ’wiiéwelazan nya lo; ’é kɛlɛ bli zimazan nya; ’é kɛlɛ bli drɔɔzan nya; té é kɛlɛ gɔɔli sɔlɛzan nya lo.

Tite 1:11

É a lé i mi ’konu lɔlu ga. We lé é ’ka tegele lo, wa paana munu gi gɔɔli yele we ma, yé wa mi gɔnɔ kiɛre ’wuo sɛrɛna.

1 Piɛri 5:2

Kazambale lé trubɛnu lé é wo bɛ pa ka lee, ’ka wo pa é zima ma; té ka a kɛlɛ gla nya lo, ’ka kɛlɛ bli drɔɔ nya; té ka kɛlɛ fɛ yele wo nwiin we ma lo, naa, ’ka kɛlɛ wo sɔle ka lɛ we ma;

SEBE LÉ JUD A GYE (Épitre de Jude) 1:11

We tɔntɔn ’é bɔ wo ma ma. Wo tawo Kain lé zi ta; wo zén Balaam lé misaanwe zuo tɔnɔ yele we ma yé wo nwa mi ma bélé Koré zo, amalé wo guru zana a gi.

1 Samuɛl 8:3

Samuɛl benu ’ka tawo lɛ wo ti gane pa gi lo; wo bli a blɛn, yé woo blɛfɛ sié yé wo ’ka we blé é boen ma lo.