Misé 2:4 - Kazambale lé Sebe Sauunu 1979

⁴ ’Bɛ yi la, wo dan kalé we fe lɛ gi la; wo dan ka tɔ vɔ lɛ wu lɛrɛ nya, yé wo dan a fe lɛ léé, ko sɛrɛ tata. Wo kolé munu zé nɔ mi bɛnu lɛ. Yiba, wa si an lee. É kolé féinu guli ko nyanézannu ma.

Misé 2:4 ပူးပေါင်းရင်းမြစ်များ

2 Samuɛl 1:17

Gyɛ wuvɔ lɛrɛ lé David a vɔ Saul valé é be Jonatan gyɛ la,

2 Minwiinmunu lé Wezuofe Sɛbɛ 35:25

Jérémi Jozias tɔ sia lɛrɛ nya. Lɛrɛvɔgɔnénu valé lɛrɛvɔlomu faa wo Jozias kɛlɛwe vɔ wuvɔlɛrɛnu nya fɔɔ kyɔ yi nya, yé we ’ko kɛlɛ Izraɛl lé gɔnɔlawe nya. Lɛrɛ ’konu a é gyɛle wuvɔlɛrɛ lé sɛbɛ gi.

JOB (Job) 27:1

Job vo wefena wegɔné vɔle nya yé é léé:

Ézai 14:4

ka dan Babilɔn nwiinzan tɔ vɔ lɛ lɛrɛ nya ’ko zo léé: Éé! é kɛlɛ i lɛ é yi; yaako?-?tazan ’ka é dɛrɛ lo! Yaale ko ta nyaa!

Ézai 24:3

Wo dan ’wii lɛ tɛrɛ ta, wo dan fɛ si lɛ gla nya. Gakelebale léé, ’é kɛlɛ a zo, amalé é dan kɛlɛ lɛ.

Ézai 6:11

Yé maa léé: Mizan, ’bɛ glɛ é dɔa bléyi kyɛn vaa? Yé é a zi pa léé: É dan kɛlɛ lɛ fɔɔ yé flanu ta é vo é pla, ’té mi ’ka wo ta lo; fɔɔ yé mi do kpen ’ka vo kɔn gi lo yé ana tɛrɛ la é vo tété é pla;

Jérémi 14:18

Dé an go féioo, gwɔun gyɛzannu a ’bɛna; Dé an da flaoo, lɔrɔgyɛzannu a ’bɛna. Balelayezan boen valé Balebanzan woo nɔɔan tɛrɛ ’ko la, Yé wo ’ka wo gona dɔɔa lo.

Jérémi 4:13

Ka ye, fɛsɛrɛzan a biéna bélé lafunu zo; alé gulidangoronu a bélé barikoko zo; alé wisoonu éé vlan sié é mini gola sile ta; we tɔntɔn bɔ ko ma, naa, wo ko sɛrɛ tata.

Jérémi 6:12

Gakelebale léé: Dé an bɛ nwa tɛrɛ ’ko lamunu ma bléyian va, wolé kɔnnu é dan kɛlɛ lɛ mi bɛnu zé nya, wolé féinu valé wo nanu koo é ziin.

Jérémi 8:10

Amalé maa dan wo nanu nɔ lɛ mi bɛnu lɛ yé maa dan wolé féinu nɔ lɛ munu lé ’bɛnu féinu si wo lee, ’bɛnu lɛ. Naa, é sia mi kiéné ma fɔɔ yé é bɔ mi kwa ma, fɛyelɔrɔ blɛn a wo ma. É sia balelayezan ma fɔɔ yé é bɔ Balebanzan ma, wo faa éé dabli kɛla.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Jérémi 9:16

Maa dan wo nwɛɛn lɛ bɛnnu lé wo valé wo tinu ’ka wo dɔɔ lɛ lo, wo méléna, yé maa dan wo zuo bin lɛ gwɔun nya fɔɔ yé maa wo kulu ga.

Ézékiɛl 16:44

Bé ye, wegɔnévɔzannu faa é dan wegɔné vɔ lɛ i ma. Wo dan a fe lɛ léé: Le bu a fɛan zo, a zo lé a lu ke.

Ézékiɛl 2:10

É a fuo an yuɛ va. ’Té sɛbɛ a é gyɛle a gi valé a lala; wuvɔwenu koo, nyanaizéla dérenu koo, dunnulenu koo, wa é gyɛle a ta.

Joɛl 1:13

Balebanzannu, ’ka doa dɔ yé ’ka wuvɔ; ’Kaa balebanna nyanamapazannu, ’ka wuvɔ. Anlé Bale wuozannu, ’Ka tu kini bɔlɔ nya é zénle ka ta. Naa, blɛnu valé baleban’yinu ’ka é dɛrɛ kalé Bale lé kɔn gi lo.

Joɛl 1:8

’I wuvɔ, blɛnzan lé éé bɔlɔ zén‐é ’é ta, ’Té é é boronéla bwɛ wuvɔa, a zo.

Amɔs 5:1

Izraɛlnu, ’ka tɔné dɔ dére ’ko lɛ; ka mawe lé maa a gona a fena, ’ka tɔné dɔ a lɛ.

Amɔs 5:17

Dé maa gié ka méléna, wo dan wuvɔ lɛ dɔrɔféi faa la. A zo lé Gakelebale a fe.

Misé 1:15

Marésa munu, maa dan mi dɛrɛ kɛlɛ lɛ kazan nya; Izraɛl lé mi blɛnnu wo dan vɔ lɛ fli gi yé wo go fɔɔ Adulam.

Misé 1:8

Bɛwemalé an dan wuvɔ lɛ, yé an dan gyɛ la lɛrɛ vɔ lɛ. Maa dan tawo lɛ an porole, ’té sawala ’ka an gane ma lo. Maa dan siaa lɛ bélé blén zo, maa dan we lɛ bélé miané lé duo zo.

Misé 2:10

’Ka nwa, ’ka tawo, flinna ’ka fɛkona nya lo; ka tiri dɔle lé we ma léé, ka dan kle blɛn ble lɛ.

Abaku 2:6

Munu faa ’ka dan alé we fe lɛ gi la loo? É ’ka dan kɛlɛ lɛ yérisiéamazan valé wegɔnévɔmazan nya loo? Wo dan a fe lɛ léé: Mi lé éé mi bɛ lé fɛ zun dɔa é va bɛ, we tɔntɔn ’é bɔ ’bɛzan ma ma. ’Bɛ é dan nyaa lɛ bléyi kyɛn vaa? Mi lé éé vɛɛn taa sié yé a gi vɛɛn bo é bɔ bɛ, we tɔntɔn ’é bɔ ’bɛzan ma ma.

Sofoni 1:2

Gakelebale léma: Maa dan fɛ faa sɛrɛ lɛ tɛrɛ la.

Mi Nɔnɔle 23:18

Balaam élé balelawe fe, yé é léé: Balak, ’i nwa, ’i tɔné dɔ. Sipɔɔ be, ’i an ban i tɔné nya.

Mi Nɔnɔle 23:7

Balaam ’élé balelawe fe yé é léé: Balak a kɛlɛ léé, an si Aram tɛrɛ la, Moab nwiinzan blɛn a kɛlɛ léé, an si yirinwanazia gɔnu nwiin; É léé: ’I da, ’i bale pa an lɛ Jakɔb ma. ’I da, ’i bli fli Izraɛlnu ma.

Mi Nɔnɔle 24:15

Balaam élé balelawe fe, yé é léé: Béɔɔ be Balaam dére lé ke ’ko: Mian a yuɛ ke é fuole, a dére lo.

Mi Nɔnɔle 24:3

Balaam élé balelawe fe, yé é léé: Béɔɔ be Balaam dére lé ke ’ko: Mian a yuɛ ke é fuole, a dére lo.

Maak 12:12

Munu lé Jézu we ’ko fe wo lɛ, wa ’ma léé, ’wo ma gɔné lé Jézu a vɔ, amalé wa kwa kulina léé, ’wa kun; naa, wo kana mi gu lee, amalé wo si a va, yé wo go.

Bélidɔwesɛbɛ Fiézan 28:29

fɛna fu bléyi va ka dan ka bɛ dan lɛ fɛ ma bélé yuɛwiizan a kɛla gunuti va fɛan zo, a zo; we lé ka pélisia, a va ’ka dan gyɛ lɛ ka lɛ lo, yifaama wo dan yaa lɛ ka ta, ’té woo kalé fɛnu kyeen woo, yé ka bɔavazan ’ka dan kɛlɛ lɛ ana lo.