Misé 2:13 - Kazambale lé Sebe Sauunu 1979

¹³ Gɔrɔfɔnzan éé giéan wo ’lɛ; wo dan gɔrɔ fɔn lɛ yé wo bɔ gɔrɔ ’léé, yé wo dan bɔra lɛ ana. Wo nwiinzan blɛn é dan tawo lɛ wo ’lɛ zia, yé Gakelebale é dan kɛlɛ lɛ wo zilɛzan nya.

Misé 2:13 ပူးပေါင်းရင်းမြစ်များ

Fwile 14:19

Kazambale lé lanje lé éé tawoo Izraɛl lé sɔkɔndɔna ’lɛ, é si ana yé é go wo zuo; yé lati pɔrɔlɔ lé éé goo wo ’lɛ, é si ana yé é dɔ wo zuo.

Ézai 42:7

Yuɛwiimunu yuɛ fuole koo, Luugimunu sile bokɔn gi koo, Munu lé woo nyanaan gunuti va bwati gi, wo bɔrale a gi koo, ’bɛ faa we ma.

Ézai 51:12

Maa, maa ɛ ke ka tɔrɔpaazan nya. Mi kaa lé i nya, blami lé ke bélé lu zo, ’Té é dan ga lɛ bɛ, yé i kana a lee?

Ézai 52:12

Té ka nwa wiao lo, Té ka go bélé vɔfliizannu zo lo, Naa, Gakelebale é dan go lɛ ka ’lɛ, Yé Izraɛl lé Bale é dan da lɛ ka zuo.

Ézai 55:4

Maa a dɔ wenayezan nya munu lɛ, Maa a dɔ munu nwiinzan valé wo bélidɔzan nya.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

OZÉ (Osée) 13:14

Maa dan wo si lɛ gamunu nyanana lé plɛplɛ lee; maa dan wo si lɛ ga boen lee. Gaoo ga, ilé bawurumagyɛ a kyɛɛn? Gamunu nyanana, ilé mi guru zanale a gi a kyɛɛn? Naa, maa ’ka wo bli nɔlale yé lo.

OZÉ (Osée) 2:2

Juda munu valé Izraɛl munu é dan zén lɛ ékeva, yé wo dan ’wo nwiinzan dɔ lɛ, yé wo dan si lɛ luu gi. Jizréɛl lé yi é dan kɛlɛ lɛ yi blɛn nya.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Misé 2:12

Jakɔb‐oo, maa dan ilé munu faa zén lɛ ékeva. Maa dan Izraɛl munu pɔné faa zén lɛ ékeva. Maa dan wo zén lɛ ékeva bélé gɔrɔ do gi ’blanu zo, bélé trubɛ palu do zo wolé lu blena. Munu vun é dan we lɛ blɛn.

Misé 3:1

Maa léma: ’Kaa Jakɔb lé mununwiinzannu valé Izraɛl lé mi blɛnnu, ’ka tɔné dɔ. Ka‐an é a kɔɔn lé ka we tegele dɔɔ loo?

Misé 4:7

Mi sɛ lé wo vo gane tɔntɔn munu nya, maa dan wo kɛlɛ lɛ mi kulu nya; munu lé wo wo bin, maa dan wo kɛlɛ lɛ bɛn plɛplɛ nya, yé Gakelebale é dan pla lɛ wo nwiin, Siɔn gɔ nwiin, é sia ’bɛ bléyi ma fɔɔ yifaama a glɛ ’ka lo.

Zakari 10:12

Maa dan wo dɔ lɛ gligli Gakelebale lé plɛplɛ nya, Yé wo dan tawo lɛ a tɔ gi. A zo lé Gakelebale a fe.

Ébrunu 6:20

Ana lé Jézu wɔra kaa ’lɛvlɛ nya, kaa ’lɛgana nya, yé é kɛlɛ Balebanmunu ’lɛzan nya, Mɛlkizédɛk dɔbɛ nya, yé wo ’ka a tavɔɔan é dɛrɛ lo.

Jozué 3:6

Yé Jozué lé Balebanzannu lɛ léé: ’Ka gipawe pagikɛsu sia yé ’ka gié munu ’lɛ. Wo gipawe pagikɛsu sia yé wo go munu ’lɛ.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.