Misé 2:12 - Kazambale lé Sebe Sauunu 1979

¹² Jakɔb‐oo, maa dan ilé munu faa zén lɛ ékeva. Maa dan Izraɛl munu pɔné faa zén lɛ ékeva. Maa dan wo zén lɛ ékeva bélé gɔrɔ do gi ’blanu zo, bélé trubɛ palu do zo wolé lu blena. Munu vun é dan we lɛ blɛn.

Misé 2:12 ပူးပေါင်းရင်းမြစ်များ

Wepélisiananu 36:33

Béla ga; yé Bozrazan Zérak be Jobab pla munu nwiin a pa gi;

Minwiinzannu lé Wezuofe Sɛbɛ 1:44

Béla ga yé Bozrazan Zérak be Jobab pla munu nwiin a pa gi.

Ézai 11:11

’Bɛ bléyi duo nya, Mizan é dan é bɛ soi lɛ a gɔnɔ fiézan nya, alé mi pɔnénu lé wo vo, wo tabole we gi, ’té wo ke é sɔɔlale Asiri tɛrɛ valé Éjipiti tɛrɛ koo, Patrɔs valé Étiopi tɛrɛ koo, Élam valé Sinéaa valé Amat koo, wɛyi worona tɛrɛnu koo, wona.

Ézai 27:12

’Bɛ bléyi va Gakelebale é dan yilinu nyɔɔn lɛ yé wo poro é dan dia lɛ; é sia yuu yorole ma fɔɔ Éjipiti lé yuu blɛn va, ’kaa Izraɛlnu, é dan ka sia lɛ do do.

Ézai 34:6

Wo nyɛ Gakelebale lé gwɔun ma ble, yé wo nyɔnɔ vuru a ma; mi nyɛ a ’blanénu valé boligɔnénu nyɛ nya, yé mi nyɔnɔ a ’blagɔné kolimayere wɔlɛ nyɔnɔ nya; naa, Gakelebale a saraka bona Bozra; é a mi gyɛna é baba Édom tɛrɛ la.

Ézai 5:17

’Blanu é dan lu ble lɛ ana bélé wolé lublena zo, yé wolé fuafɛnu lé wo sɛrɛ bɛ, wo dan kɛlɛ lɛ bɛnnu zé nya.

Jérémi 23:3

Yé anlé ’blanu lé woo voo, ’té maa wo bin turu, tɛrɛ faa lé wo go a ta, maa dan wo si lɛ ’bɛna yé an da wo nya ékeva; ma dan da lɛ wo nya ’wo blena é ziin; wo dan né yaa lɛ yé wo fan.

Jérémi 3:18

’Bɛ yinu la, Juda munu valé Izraɛl munu wo dan tawo lɛ ékeva, Yé wo dan si lɛ ékeva yirinwana bɛbolazia tɛrɛ la, Yé wo da tɛrɛ lé maa ana nɔ wo tinu lɛ, ana.

Ézékiɛl 34:11

Naa, Mizan Gakelebale léma: Bé ye, maabozen é dan anlé ’blanu mawe kɛlɛ lɛ, maa dan wo nagini lɛ.

Ézékiɛl 34:13

Maa dan wo si lɛ bɛnnu méléna, maa dan wo si lɛ tɛrɛ do do ta yé maa dan go lɛ wo nya wobo lé tɛrɛ la; maa dan wo pa lɛ Izraɛl tɛrɛla gɔnu nwiin, ’bɛ valé ’yiyoronu sɔnɔ, fɛ faa lé munu ke é nyanale ana, wona.

Ézékiɛl 34:22

Amalé maa dan anlé ’blanu takuun lɛ, té wo kɛlɛ ’wiiétafɛnu nya é dɛrɛ lo we gi. Yé maa dan ’blanu worona we ble lɛ.

Ézékiɛl 34:31

’Kaa anlé ’blanu, anlé trubɛ blena ’blanu, ka a blaminu nya; yé maa ɛ ke kalé Bale nya. A zo lé Mizan Gakelebale a fe.

Ézékiɛl 36:37

Mizan Gakelebale léma: Bé ye, we ’ko ta é ziin, maa zi nɔ Izraɛl munu lɛ léé, wo we ’konu laa an lee. Wean maa dan kɛlɛ lɛ wo lɛ, yee lé ke ’ko: Maa dan wo fan lɛ bélé trubɛ zo.

Ézékiɛl 37:21

Bé fe wo lɛ léma: Mizan Gakelebale léma: Ka ye, Izraɛl munu lé wo ke bɛnnu méléna, maa dan wo si lɛ bɛ faa na, yé maa go wo nya wobo lé tɛrɛ la.

Amɔs 1:12

amalé maa dan kyɛ bi lɛ Téman tɛrɛ la yé é dan Bozra lé fuakɔnnu kyɛ ble lɛ.

Misé 2:13

Gɔrɔfɔnzan éé giéan wo ’lɛ; wo dan gɔrɔ fɔn lɛ yé wo bɔ gɔrɔ ’léé, yé wo dan bɔra lɛ ana. Wo nwiinzan blɛn é dan tawo lɛ wo ’lɛ zia, yé Gakelebale é dan kɛlɛ lɛ wo zilɛzan nya.

Misé 4:8

Yé bii trubɛ palu lé dɔtafɛ, Siɔn munu lé gɔpané, plale mi nwiin kyɛn é dan da lɛ i va yé i pla mi nwiin; Jérusalɛm munu plale mi nwiin lé.

Misé 5:7

Jakɔb kulu pɔnénu é dan kɛlɛ lɛ bɛngɔnɔnu va bɛn kiɛrenu méléna bélé golizra zo pɔrɔ gi winu va, bélé golizra boroné zo ’bla palunu méléna. Dé é a giéna, éé fɛ zɔn‐o é gane nya, ’té éé a wi kinié ékema, yé mi do kpen ’ka a sié a lee lo.

Misé 5:8

I bɛ ’é mini i mazannu lɛ ma; i nyanézannu faa kulu ’é ga ma.

Misé 7:14

Ilé munu, ilé trubɛ lé ke ilé tɔnɔyémafɛ nya, ’té wo ke é nyanale Kaamɛl gɔnu méléna pɔrɔ gi wo saa, ’i wo pa ilé ’blatabinyili nya; ’wo fɛ ble Bazan valé Galaad tɛrɛ la bélé é vinin zo.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Sofoni 3:20

’Bɛ bléyi va, maa dan da lɛ ka nya ka pa gi; ’Bɛ bléyi va, maa dan ka zén lɛ ékeva; Naa, kalé munu lé wo ke luu gi, dé an da wo nya wo pa gi ka yuɛ va, Maa dan ka kɛlɛ lɛ tɔbɔfɛ valé ginanamafɛ nya, Tɛrɛla migɔnɔnu faa méléna. A zo lé Mizan Gakelebale a fe.