Misé 2:1 - Kazambale lé Sebe Sauunu 1979

¹ Munu lé woo weple bɔrɔan ’wo bɔn‐in, ’té woo wenaané paan do ’wo yiɛna, wenaané ’é kɛlɛ wo lɛ ma. Dé tu kini tɔɔn, ’té wa kɛlɛna; wo bɛ a plɛplɛ, azama.

Misé 2:1 ပူးပေါင်းရင်းမြစ်များ

Wepélisiananu 31:29

An bɛ a plɛplɛ, an bɔaléé an wenaané kɛlɛ i lɛ, naa, i ti zé Bale lé an lɛ yese léé, an yuɛ pa anbo va, dé wezin léoo, dé wenyané léoo, té maa wo do fe Jakɔb lɛ lo.

1 Minwiinzannu 21:7

Yé a na Jézabɛl lé a lɛ léé: Bian i ke é plale Izraɛl nwiin loo? ’I nwa, ’i fɛ ble, i gi ’é nana; maa dan Jizréɛl mi Nabɔt lé dɔrɔféi nɔ lɛ i lɛ.

Esitɛɛ 3:8

Yé Aman lé minwiinzan blɛn Asuérus lɛ léé: Munu lɛ do a é sɔɔlale ilé tɛrɛnu faa ta, wa é yɛrama. Wozé bélidɔwenu a é sile munu faa zé ma, yé wo ’ka minwiinzan blɛn lé bélidɔwe ta tawo lo. Dé minwiinzan blɛn wo vo woboma, ’bɛ tɔnɔ ’ka minwiinzan blɛn ma lo.

Esitɛɛ 5:14

A na Zérɛs valé a béénu faa lé a lɛ léé: É a lé wo yili do kɛlɛ, a torole é bɔ mɛtrɛ yɔ do wɔlɛ soru, yé tɛlɛ bladi bé laa minwiinzan blɛn lee léé, ’wo Maadosé dun a ma. ’Bɛ zuo yé ’i go fɛti ’ko kɛlɛna minwiinzan blɛn va, i ginanale nya. We ’ko sɔ Aman lɛ é baba, yé é léé, ’wo yili ’ko kɛlɛ.

Esitɛɛ 9:25

Naa, dé Esitɛɛ go minwiinzan blɛn va, minwiinzan blɛn a fe yé wa gyɛ sɛbɛ gi léé: Wenyané lé Aman é gi bɔrɔ kɔɔn a nya léé, ’é a kɛla Juifinu lɛ bɛ, é nɔla yeebozen ta, yé wo yee valé é benu dun yili ma.

JOB (Job) 15:35

Éé wenaané bɔn sié, yé éé né yaan we sɛrɛle nya. Dé a bɔn bɔ, a gifɛ a dablifɛ nya.

JOB (Job) 24:14

Migyɛzan éé nwaan é bladi tutu, Nyanégyɛzan valé mi lé a se do kpen ’ka a lɛ lo, éé wo gya, ’Té éé kyeen woo é béli.

Lɛrɛvɔ Sɛbɛ 36:4

A ’léé dérenu a saandérenu valé dablidérenu nya; Éé sɔn vɔa wedɔɔle valé wezin kɛlɛle ma.

Lɛrɛvɔ Sɛbɛ 36:5

Éé bɔn‐in bɔrɔan weple nya é yialafɛ ta, Éé dɔa zi lé é ’ka zima lo, a ta, É ’ka sɔn vɔa wenaané ma lo.

Lɛrɛvɔ Sɛbɛ 58:3

Gba, ka weple kɛla kabo yuɛ va. Kalé tɛrɛ la, woo mi gya we nya é gi.

Wegɔnévɔlenu 12:2

Mi zin éé Gakelebale lé zin yé, naa, mi lé éé miblifliwe saa kɛla, Gakelebale a gya we nya.

Wegɔnévɔlenu 14:22

Munu lé woo gi bɔrɔan wenyané nya, wo ’ka dan saan lɛ loo? Naa, munu lé woo gi bɔrɔan wezin nya woo we kɛla bli zin valé yarapalale nya.

Wegɔnévɔlenu 3:27

Mi lé a yara lé i we zin kɛlɛ a lɛ, té bé nyané kɛlɛ a lɛ lo, ’té dé fɛ a i lee.

Wegɔnévɔlenu 4:16

Naa, dé wo ’ka tan wenyané kɛlɛ lɛ lo, wo ’ka yi gya lo, dé wo ’ka tan mi saan lɛ lo, yi ’ka wo gya lo;

Ézai 29:20

Naa, glazan ’ka dan kɛlɛ lɛ ana é dɛrɛ lo, wenanazannu é dan nyaa lɛ; munu lé woo voo é yuɛma weple kɛlɛle we ma, wozé glɛ é dan dɔ lɛ.

Ézai 3:14

Gakelebale a weblena élé munu va mi segelenu valé wo nwiinzannu va; é léé: Ka dɔrɔféi ble. Fɛnu lé ka si nyanégyɛzannu lee gla nya, wa kalé kɔnnu gi nuu.

Ézai 32:7

Dablikɛlɛzan lé dabli kɛlɛle a naané; éé bɔn‐in naané saa ɛ daan, nyanaizénlazannu saanle we gi ’élé viédére nya, dé nyanégyɛzan lé we a tegeleoo, éé a kɛla ’bɛ lɛ.

Ézai 5:8

Munu lé woo voo kɔn dɔna saawo, ’té woo féinu lɔa fɔɔ yé mi nyanana ’ka kɛla é dɛrɛ lo, yé woo nyanaan wo saa tɛrɛ méléna, we tɔntɔn ’é bɔ wo ma ma.

Ézai 59:3

Mi nyɛ ka bɛ tiri dɔ, yé wenyané ka bɛnwɔlɛnu tiri dɔ; ka lɔlu éé vié woo, woo weple maan ka nɛnɛ ta.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Ézékiɛl 11:2

Yé Gakelebale lé an lɛ léé: Blami be, munu lé woo gi bɔrɔan weple ma, ’té woo we lɛrɛlɛrɛnu plaan fla ’ko la munu lɛ, wo lé ke bɛ.

Ézékiɛl 33:26

Ka paan kalé gwɔun ta, ka bozowenu kɛla, ka faa do do éé wenyané kɛla é bɔluzannu na va, yé ka léé, tɛrɛ ’ko é dan kɛlɛ lɛ ’wozé nyaa?

Ézékiɛl 38:10

Mizan Gakelebale léma: ’Bɛ yi la, ’wuogibɔrɔlenu é dan dɔ lɛ i ’wuo gi, yé i dan i bɔn gi nyané bɔrɔ lɛ.

Ézékiɛl 46:18

Té minwiinzan é munu lé zarafɛ do kpen si lo. Té é wolé fɛnu si wo lee lo. Fɛ lé é dan a nɔ lɛ é benu lɛ zarafɛ nya, é a lé ’é a si ébo lé zarafɛnu va, léé, té anlé munu vazan do kpen é vuru élé fɛnu gi lo.

Misé 6:12

Fla ’ko ta fuanu a é fanle glawe kɛlɛle nya, a tamunu éé vié woo, yé wo nɛnɛ a dabli nɛnɛnu nya wo ’léé.

Naum 1:11

Mi lé éé gibɔrɔan wenaané nya Gakelebale ma, ’Té a ’wuogibɔrɔmawenu ke é naané, Bii Ninive ta lé ’bɛzan si.

Zakari 7:10

Té ka yaa gyɛzarale valé ti valé bugalazan koo, bɛn valé nyanégyɛzan koo, wo ta lo. Té ka bɔn‐in bɔrɔ wenaané nya ka ke ma lo.

Maak 15:1

Bladi tutu, Balebanmunu segelenu koo, mi segelenu koo, sɛbɛgifemunu koo, mi bɛnu lé ke webolikinimunu nya, wo koo é ziin, wo kun wo va weblele ma. Dé wo bale vɔ Jézu ma faa wo goan yé wa nɔ Pilat lɛ.

WENÉNÉ LÉ LUK A GYE (Évangile selon Luc) 20:19

Balebanmunu segelenu valé sɛbɛgifemunu a kwa kulina léé, wa kun a bléyi duo nya, naa, wa kanana munu lee. Wa ’ma léé, ’wo ma gɔné lé Jézu ke a vɔna, azama.

WENÉNÉ LE JAN A GYE (Évangile selon Jean) 19:11

Jézu lé a lɛ léé: Dé wo ’ka a se kɛlɛ lɛ i lɛ lagi loru lo, i ’ka bɔa we do kpen kɛlɛle lɛ an lɛ lo. Bɛwemalé, mi lé é an nɔ i lɛ, alé wenyané blɛn mini izé ta.

Kelewenu 23:12

Dé tu kini, Juifinu wo gi pa do balekunle nya léé, wo ’ka dan fɛ ble lɛ lo yé wo ’ka dan ’yi mini lɛ lo, fɔɔ ’té wo Pɔl gyɛ é wo.

Kelewenu 23:15

Sin, ka valé webolikinimunu, ’ka go sunyanuzan segele va, ’ka fe a lɛ léé, ’é da Pɔl nya ka va, ka a a va léé, ka alé we nagini tegele. Naa, ko ma a é ’lɛrɛle léé, ko a gya a bɔle ka va ’lɛ.

Rom munu 1:30

wa we fé kyeen gizannu valé liwozannu nya, wa Balesɔnɔzannu valé misɔnɔzannu nya, wa boblɛnzannu valé bobɔzannu nya, wa wenyané dɛrɛ kɛlɛzannu nya; wa ’wo ti valé ’wo bu ma tɔnégiplɛplɛzannu nya;

Bélidɔwesɛbɛ Fiézan 28:32

Bɛn bɛ gi munu é dan i benu valé i lunu si lɛ; ka dan a ye lɛ ka yuɛ nya yé ka yuɛ é dan vo lɛ wo zuo yifaama, yé plɛplɛ ’ka dan ye lɛ i lee lo.