Misé 1:8 - Kazambale lé Sebe Sauunu 1979

⁸ Bɛwemalé an dan wuvɔ lɛ, yé an dan gyɛ la lɛrɛ vɔ lɛ. Maa dan tawo lɛ an porole, ’té sawala ’ka an gane ma lo. Maa dan siaa lɛ bélé blén zo, maa dan we lɛ bélé miané lé duo zo.

Misé 1:8 ပူးပေါင်းရင်းမြစ်များ

2 Minwiinzannu 18:13

Minwiinzan blɛn Ézékia plale mi nwiin lɛɛ vu ta ziɛnzan nya, Asiri nwiinzan blɛn Sansérib nwa Juda lé fla plɛplɛnu ma, yé é wo faa si

Esitɛɛ 4:1

We lé é bɔ, Maadosé a ’ma aan wo, élé sɔ fia, yé é bɔlɔ zén é ta, yé é kyɛyee ’wii é ta. ’Bɛ zuo, é go fla vuun la blikyɛdɔ siaale plɛplɛ nya.

JOB (Job) 30:29

An kɛlɛ gwenu bɔluzan nya, An kɛlɛ mianéléduonu béé nya.

Lɛrɛvɔ Sɛbɛ 102:6

An dunnule plɛplɛ lé we ma lé An kwéé.

Ézai 13:21

Bwigiwinu é dan ana si lɛ ’wo yiina nya yé kurubélinu é dan ana kɔnnu fan lɛ. Miané lé duonu é dan a kɛlɛ lɛ ’wo nyanana nya yé bolinu é dan zana gyɛ lɛ ana.

Ézai 13:22

Gwenu é dan we lɛ wolé fuakɔnnu gi; bwigiblénnu é dan we lɛ wolé zanagyɛagikɔnnu gi. Alé bléyi bɔ é pu. Alé yinu ’ka vo lɛ grɔgrɔ lo.

Ézai 16:9

An wuvɔ é ziin Sibima lé dɔrɔféi ta, bélé an wuvɔ Jaézɛɛ ta fɛan zo, a zo. Esibɔn‐oo, Esibɔn, Éléaléoo, Éléalé, an yuɛyi zén‐é ka ta; naa, gulidandére we kalé féinu ta.

Ézai 21:3

Bɛwemalé maa a kle blena an sowolɛ lee. Nyanéblele an kun bélé né yaa le lé nyanéblele zo. An plinle lé we ma lé an ’ka we maan lo; an ma nyɔɔnle lé we ma lé an ’ka fɛ yé lo.

Ézai 22:4

Bɛwemalé maa léé: Té ka an nagini lo; ’ka an vo, an wuvɔ kaii; té ka kwa kuli léé, ka an tɔrɔ paa anlé munu guru zanale a gi we ma lo.

Ézai 32:11

Tanyila lomu, ’ka kana ma. Kun‐anwo lomu, ka ma ’é nyɔɔn ma; ’ka sɔ si ka ta, ’ka poro, ’ka sɔ dɔ ka gyɛn.

Jérémi 4:19

An bli loo! An bli loo! Maa a nyané blena an bli gi. An bli a an gyɛna. An ’ka bɔa tadɔle lɛ lo; Naa, an boen, ’i béli dére ’ma. ’I gulidanle vun ’ma.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Jérémi 9:10

É sɔ an lɛ léé, an wuvɔ yé an dunnu gɔ nwiin; Maa dan gyɛ wuvɔ lɛ nyéné saa lé fɛna pɛblɛɛna; Naa, wo ana kyɛ ble, mi do kpen ’ka giéna ana lo, Wo ’ka trubɛnu dére maan ana é dɛrɛ lo; Lagi mianénu valé winu fwila yé wo san.

Jérémi 9:19

Gyɛbodérenu a wena Siɔn. Ka ye do, ko kulu ga. Yara wɔra ko ’wuo ma bélé sɔ zo, É a lé ko si tɛrɛ ’ko la, Wo ko nyanana guru zana a gi.

Ézékiɛl 32:18

Blami be, ’i gyɛ wuvɔ Éjipiti mi gu blɛn ta yé ’i wo nwunzi vuli; wo koo, bɛn plɛplɛnu koo, ’i wo nwunzi vuli tɛrɛwɔlɛ ma, munu lé wo ’bɛnu vuli guru gi, wo va.

Misé 2:4

’Bɛ yi la, wo dan kalé we fe lɛ gi la; wo dan ka tɔ vɔ lɛ wu lɛrɛ nya, yé wo dan a fe lɛ léé, ko sɛrɛ tata. Wo kolé munu zé nɔ mi bɛnu lɛ. Yiba, wa si an lee. É kolé féinu guli ko nyanézannu ma.

1 Samuɛl 19:24

Élé sɔnu si é ta yé é balelawe fe é ziin Samuɛl yuɛ va; yé ébo vuli tɛrɛ va é porole yé é yiri vɔ ana yé é tu kini ana. Bɛwemalé wo léé: Saul a balelayezannu va mi do nya é ziin?