Misé 1:7 - Kazambale lé Sebe Sauunu 1979

⁷ Maa dan alé miyili nyaalenu faa yéli lɛ; maa dan wolé tɔnɔyémafɛ naanénu faa kyɛ ble lɛ, maa dan wolé miyilinu faa sɛrɛ lɛ; wo wo ye gɔné ginile nya, yé wo dan kɛlɛ lɛ gɔnéginifɛ nya.

Misé 1:7 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 31:1

’Bɛ faa lɛsɔɔle zuo, Izraɛlnu faa lé ke ana mi, wo si ana yé wo go Juda flanu ta. Yé wo yobɔnu ’wii yé wo miyilinu dia, yé gɔ nwiin yobanna valé miyili bannanu lé ke Juda valé Bɛnjamɛn tɛrɛnu ta koo, Éfraim valé Manasé tɛrɛnu faa ta koo, wona, wo wo guru zana a gi. ’Bɛ zuo, Izraɛlnu faa nɔla wo pa gi wolé flanu ta; wo faa do do go ’wo nyanana.

Ézai 2:18

Miyilinu faa ta é dan saan lɛ.

Ézai 23:17

Lɛɛ yɔ yaa wɔlɛ vu nyaala nya, Gakelebale é dan we kɛlɛ lɛ Tii lɛ; é dan élé nyanama naané ma ban ye lɛ é ziin; é dan élé bɔrɔdɛwe kɛlɛ lɛ tɛrɛ la bɛnnu faa va.

Ézai 27:9

’Bɛ zo lé Bale é dan Jakɔb lé wenyané ’yibo lɛ; a ma we vole alé wenyanénu ma tɔnɔ é dan kɛlɛ lɛ ’ko zo: é dan yobannanu lé gɔlɛnu kɛlɛ lɛ é vun nya; Asataté miyilinu valé yiribɔnu, wo ’ka dan nwa lɛ é dɛrɛ lo.

Ézékiɛl 6:6

Fɛ faa lé ka nyanaan ana, ana flanu é dan kɛlɛ lɛ é ’bin nya, yé kalé gɔ nwiin yobannanu guru é dan zana lɛ a gi, yé ka dan daan lɛ kalé yobannanu ma yé ka wo vo; wo dan kalé miyilinu yéli lɛ yé wo ta é dan saan lɛ. Yé kalé miyilinu lé ka a dɔ yiri zé nya bɛ, wo dan wo sɛrɛ lɛ, yé ka bɛ panyanamanu é dan sɛrɛ lɛ tata.

OZÉ (Osée) 2:12

Yé sin, maa dan yaragyɛwe bɔ lɛ a ma a bwɛnu yuɛ va, yé mi do kpen ’ka dan a si lɛ an lee lo.

OZÉ (Osée) 2:14

Alé dɔrɔféi valé bɔrɔyili féi lé éé a fé léé, ’é bwɛnu a nɔ ’é lɛ ’é ban nya, maa dan wo sɛrɛ lɛ. Maa dan wo kɛlɛ lɛ pɔrɔ nya, yé bwigiwinu é dan wo ble lɛ.

OZÉ (Osée) 2:5

Dé ’bɛ kaan lo, maa dan a poro lɛ, yé maa dan a vo lɛ bélé é yaayi la zo; maa dan a kɛlɛ lɛ bélé bwi zo, bélé tɛrɛ gi gale zo, yé é dan ga lɛ ’yiminilɔrɔ nya.

OZÉ (Osée) 8:5

Samarinu, Gakelebale sɔn vɔ kalé diriné foto ma. An bli a é flile wo ma. Wo dan wobo kɛlɛ lɛ é zima mɛ yi laa?

OZÉ (Osée) 8:6

Diriné ’ko, é si Izraɛl; blabozan do ɛ a kɛlɛ, yé é ’ka Bale nya lo; bɛwemalé wo dan Samarinu lé diriné foto sɛrɛ lɛ.

Joɛl 3:3

Wo ’munnu zun anlé munu ma; Yé wo pɛniɛnu nɔ bɔrɔdɛ le ma, Yé wo blɛnnu dan dɔrɔ va yé wa mini.

Lévinu 26:30

Maa dan kalé gɔnwiin yobannanu sɛrɛ lɛ, yé kalé miyilinu lé ka wo pa é yɛrama yiri zé nya, maa dan wo sɛrɛ lɛ. Maa dan ka galenu pla lɛ kalé miyili sɛrɛlenu ta, yé anboen é dan serele bo lɛ ka ma.

Bélidɔwesɛbɛ Fiézan 23:18

Dé i a bale kunle lɛ sɔɔna, dé bɔrɔdɛ ma gɔɔli léé, dé blen ma gɔɔli léé, ’bɛ gi lé bɔrɔdɛ gɔné, té i da ’bɛ nya Gakelebale, kalé Bale lé kɔn gi lo. Wo fiénu a bélé bo zo Gakelebale, kalé Bale yuɛ gi.

Bélidɔwesɛbɛ Fiézan 9:21

Diriné lé ka a kɛlɛ bɛ, kalé wenyané tɔnɔ nya, maa a si, maa a kyɛ ble, yé maa a punbo, yé maa a pun zén yuu lé éé gɔ zunwo bɛ, a va.

Wegɔɔnle 18:3

bɛnnu faa alé pɛnpɛnnégyɛle baba mini bélé nwɛ zo, yé tɛrɛ la minwiinzannu ’wobo nɔ pɛnpɛnnégyɛle lɛ a va, yé tɛrɛ la yaawomunu fua ble alé fuafɛ kiɛre kiɛre nya, azama.

Wegɔɔnle 18:9

Yé tɛrɛ la minwiinzannu faa lé, wo ’wobo nɔ pɛnpɛnnégyɛle valé fua kiɛre blele lɛ a va, dé wa kyɛblele goi ye, wo dan wuvɔ lɛ yé wo dan a gyɛ bo lɛ.

1 Samuɛl 5:4

’Bɛ é tu kini é ziin wo nwa bladi tutu yé wo Dagɔn ye é diale é yara tɛrɛ va Gakelebale lé kɛsu ’lɛ; Dagɔn ’wuo valé a bɛnu yéli kɔnpa ta, yé a bolu saa ɛ vo.