Misé 1:5 - Kazambale lé Sebe Sauunu 1979

⁵ We ’konu faa bɔ Jakɔb lé wenyané blɛnnu lé we ma; Izraɛlnu lé wenyanénu ma lé é bɔ. Jakɔb lé wenyané blɛn a mɛ fɛ nyaa? Samari kaan loo? Juda munu lé gɔ nwiin yobannanu a kyɛɛn? Jérusalɛm kaan loo?

Misé 1:5 ပူးပေါင်းရင်းမြစ်များ

1 Minwiinzannu 11:7

Moab lé bozobale Kémos valé Amɔnnu lé bozobale Mɔlɔk, Salomɔn wo banna kɛlɛ loru, gɔ lé ke Jérusalɛm yara, a nwiin.

1 Minwiinzannu 13:32

Naa, dére lé é siaa a nya Gakelebale dére nya, Bétɛl lé balebanna valé gɔ nwiin yobankɔnnu lé wo ke Samari lé flanu ta, wo ta, a lɛ é dan sɔɔ lɛ.

1 Minwiinzannu 16:24

é Samari gɔ lɔ Sémɛɛ lee, gɔɔlifu talan fié nya; é fla pa gɔ nwiin yé é yee fla tɔ pa Samari, gɔzan Sémɛɛ tɔ nya.

2 Minwiinmunu lé Wezuofe Sɛbɛ 34:3

Jozias plale mi nwiin lɛɛ sɔraazan nya, bléyian va lé é a tan mi boroné nya, é kun é tra David lé Bale naginile ma; yé a plale mi nwiin lɛɛ vu ta fiézan nya é kun gɔ nwiin yobannanu koo, miyilinu koo, yofotonu koo, fɛfoto serelenu koo, wo sile ma Juda tɛrɛ la valé Jérusalɛm, ana kɛlɛle tegele we ma.

2 Minwiinmunu lé Wezuofe Sɛbɛ 34:4

Wo Baal bannanu zana a gi a yuɛ va, yé yofotonu lé ke yiri zé nya, ’té wa dɔ yee Baal banna ta loru, é wo zana a gi; miyilinu koo, fɛfotonu koo, fɛfoto serelenu koo, é wo wii yé é wo pun bo. Yé é a pun nwɛɛn munu lé woo wo baan, wo vunnu ta.

Ézai 7:9

Naa, Éfraim tɛrɛ la kuru ’léé a Samari nya, yé Rémalia be a Samari flanwiinzan nya. Dé ka ’ka dɔ lɛ a ta lo, ka ’ka dan vo lɛ ana lo.

Jérémi 2:17

Bléyian va lé Gakelebale kalé Bale a gona ka nya zi zima ta, Ka sɔn vɔ a ma, amalé we ’ko bɔ ka ma. Azoan é ke loo?

Jérémi 2:19

Kalé we lɛrɛlɛrɛnu kɛlɛle valé kalé yuɛgiblanlenu é dan we lɛdɔ lɛ ka gi, Yé ka dan a ye lɛ yé ka dan a gi dɔɔ lɛ léé, Gakelebale kalé Bale vole, ’té a kana do kpen ’ka zén‐é ka gi lo, ’Bɛ a wenaané valé we lɛrɛlɛrɛ nya. Maa, Mizan, lagi sunyanu lé Gakelebale ɛ ke a fena.

Jérémi 23:13

Maa Samari lé balelayezannu ye gweawuogizannu nya; Woo balelawe fé Baal tɔ nya; Wo anlé munu Izraɛl saan.

Jérémi 23:14

Naa, maa an tadanmawe ye Jérusalɛm lé balelayezannu va; Wa leginizannu nya; woo tawoo viéwole nya, Woo dɔa mi plenu zuo, Léé, té wo va mi do kpen é daan élé we lɛrɛlɛrɛ kɛlɛle ma lo. Wo faa a an yuɛ gi bélé Sɔdɔm munu zo; Yé munu lé woo nyanaan Jérusalɛm, wa bélé Gɔmɔɔ munu zo an yuɛ gi.

Jérémi 4:18

Kalé wekɛlɛbɛ valé kalé tawobɛ tɔnɔ lé ke bɛ; ka kɛlɛwe naané tɔnɔ lé ke bɛ. Iin, we ’ko é dan kɛlɛ lɛ ka ’léé nyanale fɔɔ yé é wɔra ka bli gi.

Jérémi 5:25

Kalé weplenu lé we ma lé ka mawe zinnu ’ka kɛlɛ lɛ ’é kɛlɛbléyi va lo; kalé wenyanénu lé we ma lé wezinnu ’ko vuru ka ma.

Jérémi 6:19

Tɛrɛ, ’i tɔné dɔ. Maa dan we tɔntɔn bɔ lɛ munu ’ko ma, wo ’wuogibɔrɔlenu tɔnɔ lé. Naa, wo ’ka ’wo tɔné dɔ lɛ an dérenu lɛ lo, wo nyé yéli anlé bélidɔwe ma.

Jérémi Lé Wuvɔ Sɛbɛ 5:16

Kolé tɔkoro si ko ’wuo ma yé é dia, Wenaané kɛlɛ ko lɛ. Ko wenyané kɛlɛ, azama.

Ézékiɛl 16:46

I buru segele lé ke i bɛbola, yee lé ke Samari valé é lunu nya; yé i zuan lezan lé ke i bɛyila, Sɔdɔm valé é lunu lé.

OZÉ (Osée) 7:1

Dé é sɔ an lɛ léé, an Izraɛl béli, ’té Éfraim lé weple valé Samari lé wenyané ta éé bɔraan. Naa, wo we kɛlɛ dabli nya; kyeenzan wɔra kɔn gi, yé glawe kɛlɛzannu ’wii béera fɛnu ta.

Amɔs 6:1

Munu lé wo ke é nyanale drɔɔ Siɔn, ’té wa é nyanale wobo ma duaa Samari gɔ nwiin, we tɔntɔn ’é kɛlɛ wo lɛ ma. Bɛntɛrɛnu va bɛntɛrɛ vininzan lé mi blɛnnu lé Izraɛl éé goo wo va bɛ, woo lé.

Amɔs 7:9

Maa dan Izak lé yobannanu faa sɛrɛ lɛ; maa dan Izraɛl lé yokɔnnu zana lɛ, yé maa dan nwa lɛ Jéroboam lé munu ma, gwɔun nya an lee.

Amɔs 8:14

Samarinu lé wenyané lé ke ’wolé yonu nya, woo ’bɛnu ’nyɔɔn‐an yé wo léé: Dan, ilé bale tɔ gi, Bɛɛ‐Sééba zi, i tɔ gi; naa, munu faa lé wa kɛla a zo, wo dan dia lɛ yé wo ’ka dan nwa lɛ é dɛrɛ lo.

Misé 1:13

Lakiszan, ’i wisoonu dɔ ilé gulidangoro ’lɛ. Bii lé we ma lé wenyané vɔ Siɔn munu lee. Wenyané blɛn faa lé Izraɛlnu a kɛlɛ, wa bii ɛ va.