Misé 1:1 - Kazambale lé Sebe Sauunu 1979

¹ Gakelebale we fe Morésɛtzan Misé lɛ, Juda munu nwiinzannu Jotam koo, Akaz koo, Ézékia koo, wozé bléyi va. É balelawe fe Samari valé Jérusalɛm ma.

Misé 1:1 ပူးပေါင်းရင်းမြစ်များ

2 Minwiinzannu 15:32

Izraɛl nwiinzan blɛn Rémalia be Pékas plale mi nwiin lɛɛ fiézan nya, Juda nwiinzan blɛn Ozias be Jotam pla munu nwiin.

2 Minwiinzannu 15:5

Gakelebale minwiinzan blɛn bla yé é kɛlɛ pantɛngyɛzan nya fɔɔ yé é ga, ’té éé nyanaan kɔn do gi é yɛrama. ’Té minwiinzan be Jotan ɛ ke a bɛgizan nya, ’té é ana tɛrɛ la munu lé we blé.

2 Minwiinzannu 16:1

Rémalia be Pékas lɛɛ vu ta sɔrafiézan nya, Juda nwiinzan blɛn Jotam be Akaz pla munu nwiin.

2 Minwiinzannu 18:1

Izraɛl nwiinzan blɛn Éla be Ozé plale mi nwiin lɛɛ yaazan nya Judanu nwiinzan blɛn Akaz be Ézékia pla munu nwiin.

2 Minwiinmunu lé Wezuofe Sɛbɛ 28:1

Akaz plale pélisia aan wo mi nwiin, ’té a lɛɛ a yɔ do. Yé é pla munu nwiin Jérusalɛm lɛɛ vu ta suiɛdo. É ’ka Gakelebale lé blibɔmawe do kpen kɛlɛ lɛ bélé a tra David a kɛlɛ fɛan zo, a zo lo.

2 Minwiinmunu lé Wezuofe Sɛbɛ 29:1

Ézékia kɛlɛ minwiinzan blɛn nya bléyian va, ’té a lɛɛ a yɔ do wɔlɛ soru, yé é pla munu nwiin lɛɛ yɔ do wɔlɛ sɔraziɛn Jérusalɛm. Wa bu laama Zakari lu Abija.

Ézai 1:1

We lé Amosi be Ézai a fe balelawefele nya Juda valé Jérusalɛm ma, yee lé ke ’ko. É a fe Ozias koo, Jotam koo, Akaz koo, Ézékia koo, wo plale Juda munu nwiin bléyi va.

Ézai 1:2

Lanu, ’ka tɔné dɔ; tɛrɛ, ’i an ban i tɔné nya, naa, Gakelebale a wefena. É léma: Maa nénu pa yé wo tin an yuɛ va, naa, wo nwa an ma.

Ézai 7:1

Bléyian va lé Ozias be Jotam be Akaz a Juda munu nwiinzan nya, Sirinu nwiinzan Rɛsɛn nwa Jérusalɛm ma, a mabɛnle we gi; ’té Izraɛl munu nwiinzan Rémalia be Pékas péli a a va; naa, wo ’ka bɔ lɛ a lɛ lo.

Ézai 7:9

Naa, Éfraim tɛrɛ la kuru ’léé a Samari nya, yé Rémalia be a Samari flanwiinzan nya. Dé ka ’ka dɔ lɛ a ta lo, ka ’ka dan vo lɛ ana lo.

Jérémi 26:18

Juda nwiinzan Ézékia bléyi va, Morésɛt zan Misé balelawe fe Juda munu faa lɛ léé: Lai sunyanu lé Gakelebale léma: Wo dan Siɔn fun‐an lɛ bélé bwi zo, Jérusalɛm é dan kɛlɛ lɛ é ’bin nya, Yé gɔ blɛn lé wo Bale lé kɔn dɔ a nwiin bɛ, pɔrɔ é dan kɛlɛ lɛ ana.

OZÉ (Osée) 1:1

Gakelebale we fe Bééri be Ozé lɛ, Juda nwiinzan blɛnnu Ozias koo, Jotam koo, Akaz koo, Ézékia koo, Izraɛl nwiinzan blɛn Joas be Jéroboam koo, wo faa bléyi va.

OZÉ (Osée) 4:15

Oo ’kaa Izraɛlnu, dé kabo nɔ bɔrɔdɛ kɛlɛle lɛ, té Juda ’é we dɔ ’é nwiin ’bɛ kɛlɛle nya lo; té ka go Gilgal lo; té ka go loru Bɛt‐Avan lo; té ka bale ’nyɔɔn a fele nya léé, Gakelebale a é yuɛma, lo.

OZÉ (Osée) 8:14

Izraɛlnu gi san ’wo Kɛlɛzan ma, yé wo fuakɔnnu dɔ. Juda élé fla plɛplɛ kɛlɛ di; naa, an dan wolé flanu kyɛ vɔ lɛ, yé wolé fuakɔnnu kyɛ é dan ble lɛ.

Amɔs 1:1

Trubɛ tabinmunu lé wo ke Tékoa, wo vazan do lé wa laama Amɔs, é Izraɛl lé we ye yuɛzi gi Juda nwiinzan blɛn Ozias valé Izraɛl munu nwiinzan blɛn Joas be Jéroboam bléyi va, ’té é vo lɛɛ fié yé tɛrɛ ma é nyɔɔn.

Amɔs 6:1

Munu lé wo ke é nyanale drɔɔ Siɔn, ’té wa é nyanale wobo ma duaa Samari gɔ nwiin, we tɔntɔn ’é kɛlɛ wo lɛ ma. Bɛntɛrɛnu va bɛntɛrɛ vininzan lé mi blɛnnu lé Izraɛl éé goo wo va bɛ, woo lé.

Misé 1:5

We ’konu faa bɔ Jakɔb lé wenyané blɛnnu lé we ma; Izraɛlnu lé wenyanénu ma lé é bɔ. Jakɔb lé wenyané blɛn a mɛ fɛ nyaa? Samari kaan loo? Juda munu lé gɔ nwiin yobannanu a kyɛɛn? Jérusalɛm kaan loo?

Misé 3:9

Jakɔb lé munu nwiinzannu valé Izraɛl lé mi blɛnnu, ’ka tɔné dɔ we ’ko lɛ. We tegele éé ka ta daan ka ma, ’té ka we drɔle plin‐an.

Abaku 1:1

Mi mawe lé Bale a nagɔɔn balelayezan Abaku lɛ, yee lé ke ’ko.

2 Piɛri 1:21

Munu lé blibɔmawe ’ka da lɛ balelawefele do kpen nya monomono lo, naa, Léli Sauun ɛ Kazambale lé munu nyunu yé wa fe Kazambale tɔ gi.