Matio 9:6 - Kazambale lé Sebe Sauunu 1979

⁶ É sɔ an lɛ léé, ka a gi dɔɔ léé, a se a maa blami Be lɛ léé, an mi ma we vo tɛrɛ la, amalé é lé furuagyɛzan lɛ léé, ’i nwa, ’ilé yialafɛ sia, yé ’i go ilé kɔn ’léé.

Matio 9:6 ပူးပေါင်းရင်းမြစ်များ

Ézai 43:25

Maa, maa ɛ ilé bélidɔwe sɛrɛlenu fwi, an sɔ anbo lɛ, azama. Yé ilé wenyané sele ’ka dan dɔ lɛ an gi é dɛrɛ lo.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Matio 4:24

A tɔ zin fele bɔ Siri tɛrɛ faa la, yé munu faa lé wo ma éé yaan yé wa nyané blena gyɛ gɔnɔ faa lee, wo da wo faa nya Jézu va, yé é wo béli; wo faa lé yonu ke wo gi koo, gwegyɛzannu valé furuagyɛzannu koo, woo lé.

Matio 8:20

Jézu a zi vɔ a lɛ léé: Kwanénu yɛrɛ a, yé mianénu kɔn a, naa maa blami Be yiɛna ’ka lo.

Matio 9:2

Yé munu da furuagyɛzan nya a va é yiale yialafɛ ta. Jézu a ye aan wo léé, wo bli a ’é lɛ, yé é lé furuagyɛzan lɛ léé: Anlé né, ’i bli ta dɔ plɛplɛ. Maa i ma we vo ilé wenyanénu ma.

Matio 9:5

Dé maa fe a lɛ léé, maa i ma we vo ilé wenyanénu ma, ’bɛ a do; dé maa fe a lɛ léé, ’i nwa, ’i tawo, ’bɛ a do, ’naan, a kyɛzan ɛ ke we blɛn nya é mini é bɔluzan taa?

Matio 9:7

É nwa, yé é go élé kɔn ’léé.

Maak 2:10

É sɔ an lɛ léé, ka a gi dɔɔ léé, a se a maa blami Be lɛ léé, an mi ma we vo tɛrɛ la, amalé é lé furuagyɛzan lɛ léé:

Maak 2:7

É kɛlɛ kaa yé mi ’ko éé we fé ’bɛ zoo? É Kazambale sɔnɔ. Dé é ’ka Kazambale do kpen nya lo, de ɛ bɔa mi ma we vole lɛɛ?

WENÉNÉ LÉ LUK A GYE (Évangile selon Luc) 5:21

Sɛbɛgifemunu valé Farizimunu kun ’wo va weblele ma yé wo léé: Yee mi ’ko lé éé Bale sɔnɔan, de ɛ ke a nyaa? Dé é ’ka Kazambale do kpen nya lo, de ɛ bɔa mi ma we vole lɛɛ?

WENÉNÉ LE JAN A GYE (Évangile selon Jean) 10:28

Vole é yuɛma lé a glɛ ’ka lo, maa wo wɔra ’bɛ gi, yé wo ’ka dan zamaga wo lɛ monomono lo; yé mi do kpen ’ka dan wo si lɛ an lee gla nya lo.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

WENÉNÉ LE JAN A GYE (Évangile selon Jean) 5:27

Yé maa a blami Be nya; bɛwemalé é a se kɛlɛ an lɛ léé, an munu lé we ble.

WENÉNÉ LE JAN A GYE (Évangile selon Jean) 5:8

Jézu lé a lɛ léé: ’I nwa, ’ilé yialafɛ sia, yé ’i tawo.

Kelewenu 5:31

Kazambale a nwa é bɛyi nya Zilɛzan valé Mibélizan nya, léé, ’é zi nɔ Izraɛl munu lɛ léé, ’wo bli nɔla yé Bale ’é wo ma we vo wolé wenyanénu ma.

Kelewenu 9:34

Piɛri lé a lɛ léé: Éné, Jézu Krist i béli. ’I nwa, ’ilé yialafɛ ma’lɛrɛ. Tɔɔn, yé é nwa.

2 Korɛnt Munu 2:10

Naa, mian ka a ma we voo, maa é ziin, maa a ma we voo. Yé dé an mi ma we vo, maa kɛlɛ Krist pa gi, kalé we ma,

2 Korɛnt Munu 5:20

Bɛwemalé ko a Krist bɛgizannu nya, bélé fɛan zo lé Kazambale éé we plaan mi lɛ ko lɔlu nya, a zo; ’té ko zanté vɔa ka lɛ Krist tɔ gi léé, ’ka nana Kazambale va ma.

Éfez munu 4:32

’Ka kɛlɛ ka ke ma mi zinnu nya, é valé mi ma wedɔɔzannu nya, yé ’ka ka ke ma we vo, bélé fɛan zo lé Kazambale ka ma we vo Krist gi, a zo.

Kolɔs munu 3:13

’Ka ’wuo dɔ ka ke wuo ma, yé dé wesiawe a mi valé é bɔluzan worona, ’wo wo ke ma we vo ma. Fɛan zo lé Krist ka ma we vo, ’ka ka ke ma we vo a zo é ziin.