Matio 9:36 - Kazambale lé Sebe Sauunu 1979

³⁶ Jézu mi gu ye aan wo a nyanai zén wo ta; wo fuu ’ka wo ta lo, yé wa tɔɔtɔɔ bélé ’blanu lé wo tabinzan ’ka lo, wo zo.

Matio 9:36 ပူးပေါင်းရင်းမြစ်များ

1 Minwiinzannu 22:17

Misé a zi pa léé: Maa Izraɛlnu faa ye é nwɛɛnle gɔnu ma bélé ’blanu lé wo tabinzannu ’ka lo, wo zo, yé Gakelebale léé: Munu ’ko, wozan ’ka lo; wo faa do do ’é nɔla drɔɔ ’wolé kɔn ’léé ma.

2 Minwiinmunu lé Wezuofe Sɛbɛ 18:16

Misé a zi pa a lɛ léé: Maa Izraɛlnu faa ye é nwɛɛnle gɔnu ma bélé ’blanu lé wo tabinzannu ’ka lo, wo zo, yé Gakelebale léé: Munu ’ko, wozan ’ka lo; wo faa do do ’é nɔla drɔɔ ’wolé kɔn ’léé ma.

Ézai 13:14

Wo faa do do é dan nɔla lɛ ’wolé munu va; wo faa do do é dan fwi lɛ yé wo go ’wolé tɛrɛ la bélé plɛn‐an lé di kini a gi, a zo, bélé trubɛ lé a tabinzan ’ka lo, a zo.

Jérémi 50:6

Anlé munu a ’bla trubɛ palu sanle nya. Wo tabinzannu zi saan wo nya, wo wo saan gɔnu nwiin; wo si gɔ blɛnnu nwiin yé wo go gɔpanénu nwiin; wo gi san ’wo nyanana ma.

Zakari 10:2

Naa, térafimnu dére a é pla, ’monédɔmunu éé tɛlɛ tɛlama we fé vié nya; nyɛ ginu a vié nya, yé woo mi tɔrɔ paan boawenu nya. Amalé munu a wona bwi gi bélé trubɛ palu zo. Wo pazan ’ka lo, amalé wa wenaané bɔmazannu nya.

Zakari 11:16

Naa, maa dan mipazan dɔ bɔra lɛ é ziin tɛrɛ ’ko la, yé ’blanu lé wo ke zamaga wona, é ’ka dan wo gi bɔrɔ pa lɛ lo; é ’ka dan go lɛ ’bla boronénu nagini lɛ lo, yé é ’ka dan a tuozannu tuona paa lɛ lo, yé é ’ka dan a plɛplɛnu mawe kɛlɛ lɛ lo; naa, é dan a nyɔnɔzannu wi ble lɛ, yé é dan wo wi kini lɛ ékema fɔɔ yé é bɔ wo sɔnéwɔlɛ ma.

Mi Nɔnɔle 27:17

’té éé goo, ’té éé dan wo yuɛ va, ’té éé goo wo nya, ’té éé dan wo nya, léé, té Gakelebale lé munu é vo bélé ’blanu lé wo tabinzan ’ka lo, wo zo lo.

Matio 10:6

Izraɛl munu lé wo ke é sanle bélé ’bla zo, ’ka go wo ɛ va.

Matio 14:14

Jézu si ’yitagoro gi yé é mi gu ye, yé a nyanai zén wo ta, yé é wo va gyɛgyɛmunu béli.

Matio 15:24

Yé Jézu léé: Wo an pa zia Izraɛl lé nénu lé wo ke é sanle bélé ’blanu zo, wo saa ɛ va.

Matio 15:32

Jézu é zuomunu laa yé é léé: An nyanai a zénna mi gu ’ko ta. A yi yaa lo wa an va, yé wo ’ka tan fɛ do kpen ble lɛ lo. Maa ’ka a va léé, maa wo pa zia lɔrɔ nya lo, dé wo da zɔrɔ zia.

Maak 6:34

Jézu zun aan wo ’yitagoro gi, é mi gu blɛn ye. Wa bélé ’blanu lé wo tabinzan ’ka lo, wo zo; amalé Jézu nyanai zén wo ta, yé é kun we kiɛre paale ma wo gi.

Maak 8:2

An nyanai éé zén‐é mi gu ’ko ta. A yi yaa lo ’té wa an va, ’té wo ’ka tan fɛ do kpen ble lɛ lo.

Ébrunu 4:15

Balebanmunu ’lɛzan lé é ’ka bɔaléé, é nyanai zén kaa lé kaa ke tɔɔtɔɔ, kaa ta lo, ’bɛzan ’ka kaazé nya lo. Naa, fɛan zo lé woo kaa gi daan, a zo duo lé wa é gi dan bɛ faa ma, yé é ’ka wenyané do kpen kɛlɛ lɛ duowo lo.

Ébrunu 5:2

Balebanmunu ’lɛzan a mi tɔɔtɔɔ nya, bɛwemalé éé bɔa tanyilamunu valé mi sanlenu mawe dɔɔle lɛ.