Matio 9:13 - Kazambale lé Sebe Sauunu 1979

¹³ ’Ka go, yé ’ka gi bɔrɔ we ’ko ma, dé a gi lé nɔɔ? Nyanai zénle ɛ sɔa an lɛ, yé saraka bole ’ka sɔa an lɛ lo. An ’ka da lɛ mi tegelenu laa lɛ lo; an da wenyanékɛlɛmunu ɛ laa lɛ.

Matio 9:13 ပူးပေါင်းရင်းမြစ်များ

Wegɔnévɔlenu 21:3

We tegele valé we drɔle kɛlɛle a é sɔe Gakelebale yuɛ gi é mini saraka bole ta.

OZÉ (Osée) 6:6

An lɔrɔ pale sɔ an lɛ, naa, an banle ’ka sɔa an lɛ lo; dé mi an dɔɔ, ’bɛ sɔ an lɛ é mini an banwi lé wa kyɛ blé, a ta.

Matio 12:3

Naa, Jézu lé wo lɛ léé: We lé David valé ’é vamunu a kɛlɛ, ’té lɔrɔ a wo gyɛna, ka ’ka tan a ta fe lɛ loo?

Matio 12:5

Taa, fɛan zo lé Balebanmunu éé flinyi sɛra Balebangikɔn gi flinyinu nya, ’té we ’ka wo nwiin lo, ka ’ka tan a ta fe lɛ bélidɔwesɛbɛ gi loo?

Matio 12:7

Dé é vo léé, ka we ’ko gi ’ma léé, nyanai zénle ɛ sɔa an lɛ yé saraka bole ’ka sɔa an lɛ lo, ’té ka ’ka kɔɔn we dɔa nwiinplazannu nwiin lo.

Matio 19:4

Jézu a zi pa wo lɛ léé: A pélisia bléyi va Fɛkɛlɛzan gɔné valé le kɛlɛ

Matio 21:42

Jézu lé wo lɛ léé: Dére lé wa gyɛ Kazambale lé sɛbɛ gi, ka ’ka tan a ta fe lɛ monomono loo? Wo léé: Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya. We ’ko si Mizambale va, Yé é a givuruwe nya ko yuɛ gi.

Matio 3:2

É léé: Kazambale lé plale mi nwiin bɔ é pu, amalé ’ka bli nɔla.

Matio 3:8

We lé ka kɛla yé ’bɛ a gɔɔn léé, ka bli nɔla, ’ka ’bɛ kɛlɛ,

Matio 4:17

É sia bléyi ’ko va, Jézu kun Bale lé wefele ma, yé é léma: Kazambale plale mi nwiin bɔ é pu, amalé ’ka bli nɔla.

Maak 12:26

Dé é a gamunu nwale lé we nya, we lé Kazambale a fe Moizi lɛ yiliné kyɛblena, ka ’ka tan a ta fe lɛ Moizi lé sɛbɛ gi loo? É léé: Abraam koo, Izak koo, Jakɔb koo, maa a wolé Bale nya.

Maak 12:33

yé a lɔrɔ pale i bli faa koo, ilé gibɔrɔle faa koo, i boen faa koo, ilé plɛplɛ faa koo, wo nya, é valé i bɔluzan lɔrɔ pale bélé biibozen zo, a fila vɔ é mini balebanwi lé wa kyɛ blé, ’bɛ valé saraka bole faa ta.

Maak 2:17

Jézu ’bɛ ’ma aan wo, yé é lé wo lɛ léma: Munu lé wo ke plɛplɛ, wo mawe ’ka dɔtrɔ gi lo, naa, gyɛgyɛmunu ɛ mawe ke dɔtrɔ gi. An ’ka da lɛ mi tegelenu laa lɛ lo, an da wenyanékɛlɛmunu ɛ laa lɛ.

WENÉNÉ LÉ LUK A GYE (Évangile selon Luc) 10:26

Jézu lé a lɛ léé: Wa gyɛ bélidɔwe gi kaa? Dé i a ’bɛ ta fena, i mɛ we ’ma a gii?

WENÉNÉ LÉ LUK A GYE (Évangile selon Luc) 19:10

Naa, maa blami Be da fɛ sanle naginile valé a sile we gi we ma.

WENÉNÉ LÉ LUK A GYE (Évangile selon Luc) 24:47

yé wo dan bli nɔlale valé mi ma we vole lé we fe lɛ a tɔ nya bɛnnu faa lɛ, é sia Jérusalɛm.

WENÉNÉ LÉ LUK A GYE (Évangile selon Luc) 5:31

Jézu kun wefele ma yé é lé wo lɛ léé: Munu lé we do kpen ’ka wo ma lo, wo mawe ’ka dɔtrɔ gi lo, naa, gyɛgyɛmunu ɛ mawe ke a gi.

WENÉNÉ LÉ LUK A GYE (Évangile selon Luc) 5:32

An ’ka da lɛ mi tegelenu laa lɛ léé, ’wo bli nɔla lo, naa, an da wenyanékɛlɛmunu ɛ laa lɛ.

WENÉNÉ LE JAN A GYE (Évangile selon Jean) 10:34

Jézu a zi pa wo lɛ léé: É ’ka é gyɛle kalé bélidɔwe sɛbɛ gi léé: Maa léé: Ka a balenu nya, loo?

Kelewenu 11:18

Bale lé munu we ’ko ’ma aan wo, wo bli vo drɔɔ, yé wo Kazambale tɔ zin bɔ a fele nya léé: Kazambale bli nɔlale nɔ é ziin bɛn bɛnu lɛ, wo vole é yuɛma we gi.

Kelewenu 2:38

Piɛri lé wo lɛ léé: ’Ka bli nɔla ma, yé ’wo ka faa batizéwo Jézu Krist tɔ nya, Bale lé ka ma we vole we gi, yé ka dan Léli Sauun ye lɛ blɛ nya.

Kelewenu 20:21

yé an we fe Juifinu valé Grɛkinu lɛ léé, ’wo bli nɔla Kazambale vazia yé ’wo bli vo Kozan Jézu Krist lɛ.

Kelewenu 3:19

Bɛwemalé, ’ka bli nɔla, yé ’ka zi nɔla kalé wenyané ’yibole we ma,

Kelewenu 5:31

Kazambale a nwa é bɛyi nya Zilɛzan valé Mibélizan nya, léé, ’é zi nɔ Izraɛl munu lɛ léé, ’wo bli nɔla yé Bale ’é wo ma we vo wolé wenyanénu ma.

2 Piɛri 3:9

Blivolɛdére lé Mizambale a fe léé, é dan a kɛlɛ lɛ, é ’ka mɔn‐o a kɛlɛle lɛsɔɔle nya bélé fɛan zo lé é dɔ mi kenu gi, a zo lo, naa, a bli a tiéé ka ma yé é ’ka sɔ lɛ a lɛ léé, mi do kpen é zamaga wo lo, naa, é sɔ a lɛ léé, munu faa ’wo bli nɔla.