Matio 7:21 - Kazambale lé Sebe Sauunu 1979

²¹ Munu lé wa fé an lɛ léé: Anzan, anzan, Kazambale ’ka dan pla lɛ wo faa nwiin lo, naa, an Ti lé é ke la gi, mi lé éé alé blibɔmawe kɛla, Kazambale a é plale ’bɛzan do kpen ɛ nwiin.

Matio 7:21 ပူးပေါင်းရင်းမြစ်များ

Matio 12:50

Naa, an Ti lé é ke la gi, dé miomian éé alé blibɔmawe kɛla, ’té yee ɛ ke an zuané koo, an buru koo, an bu koo, wo nya.

Matio 16:17

Jézu lé a lɛ léé: Jonas be Simɔn, izé a néné. Mi pla ’ka ’bɛ gɔɔn lɛ i lɛ lo, naa, an Ti lé é ke la gi, yee ɛ a nagɔɔn i lɛ.

Matio 18:10

’Ka yuɛ pa kabozen va léé, té ka nénu ’ko va né do kpen ye boané nya lo; maa lé ka lɛ léé, wolé lanjenu a la gi mi, ’té an Ti lé é ke la gi, ’té wa yé yifaama.

Matio 18:19

Maa lé ka lɛ é ziin léé, dé ka va mi fié bli kɛlɛ do fɛofɛan laale ma, an Ti lé é ke la gi é dan a nɔ lɛ wo lɛ.

Matio 18:3

Maa lé ka lɛ webozen nya léé, dé ka ’ka ka bli nɔlaan lo, dé ka ’ka kinin‐é bélé né kiénénu zo lo, ka ’ka dan go lɛ Kazambale lé fla lo.

Matio 18:35

A zo lé an Ti lé é ke la gi é dan a kɛlɛ lɛ ka lɛ, ’té dé ka faa ’ka ka bwenu ma we voo ka bli faa nya lo.

Matio 19:24

Maa lé ka lɛ é ziin léé, fuablezan plale Kazambale wuo a tɔntɔn é mini nyɔgɔmé wɔrale sɔ béé sééné yɛrɛ gi lɛ.

Matio 25:10

Wa gona aan wo a lɔ lɛ yé lesizan da. Wo lé wo ma ke é ’lɛrɛle, wo wɔra a va lesina fɛtikɛlɛkɔn gi yé wo kɔn lɛ tan.

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 26:39

Yé é go é ’lɛ sɛ, yé ébo dia é bli la yé é bazoro ’ko zo, léé: An Ti, dé é bɔalɛ ’é kɛlɛ, ’yiminikana ’ko ’é si an lee ma. Naa, té é kɛlɛ an sɔlɛwe nya lo, ’é kɛlɛ i sɔlɛwe nya ma.

Matio 26:42

É go é ziin a gɔnɔ fiézan nya yé é bazoro léé: An Ti, dé é ’ka bɔalɛ léé, ’yiminikana ’ko é si an lee lo, yé maa ’ka a gifɛ minian lo, ilé blibɔmawe ’é kɛlɛ ma.

Maak 3:35

Mian éé Kazambale lé blibɔmawe kɛla, yee ɛ ke an zuané koo, an buru koo, an bu koo, wo nya.

Maak 9:47

Yé dé i yuɛ i vɔ wenyané gi, bé bɔra a gi; a fila vɔ léé, i wɔra Kazambale lé fla i yuɛ do kpen nya é mini wolé i vulile i yuɛ fié nya jéɛna kyɛ va ta,

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LÉ LUK A GYE (Évangile selon Luc) 13:25

Dé kɔnzan nwa yé é kɔn lɛ tan, yé dé ’kaa béeramunu duoli gyɛ, a fele nya léé, ’wozan, ’wozan, ’i kɔn lɛ so ’wo lɛ, é dan a fe lɛ ka lɛ léé, ’é ’ka ka sina dɔɔa lo.

WENÉNÉ LÉ LUK A GYE (Évangile selon Luc) 18:25

Fuablezan plale Kazambale wuo a tɔntɔn é mini nyɔgɔmé wɔrale sɔ béé sééné yɛrɛ gi ta.

WENÉNÉ LÉ LUK A GYE (Évangile selon Luc) 6:46

Mɛmalé ka an laan Mizan, Mizan, yé ka ’ka tawoo an dére ta loo?

WENÉNÉ LE JAN A GYE (Évangile selon Jean) 14:7

Dé é vo léé, ka an dɔɔ, ’té ka an Ti dɔɔ é ziin. Yé a pélisia sin ka a dɔɔ, yé ka a ye.

WENÉNÉ LE JAN A GYE (Évangile selon Jean) 15:23

Mi lé an za ke a gi, an Ti za a ’bɛzan gi é ziin.

WENÉNÉ LE JAN A GYE (Évangile selon Jean) 3:5

Jézu lé a lɛ léé: Maa fe i lɛ kyɔ webozen nya, dé wo ’ka mi yaa lɛ ’yi valé Kazambale Léli nya lo, é ’ka bɔa gole lɛ Kazambale lé fla lo.

WENÉNÉ LE JAN A GYE (Évangile selon Jean) 5:17

Naa, Jézu lé wo lɛ léé: An Ti a nyanama pana fɔɔ kyɔ; yé maa a anzé pana é ziin.

WENÉNÉ LE JAN A GYE (Évangile selon Jean) 6:40

An Ti lé blibɔmawe lé é ke ’ko: dé miomian é an ye a Be nya, yé a bli vo an lɛ, vole é yuɛma lé a glɛ ’ka lo, é wɔra ’bɛ gi, yé maa dan a nwa lɛ gamunu va yi voélazan nya.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Rom munu 2:13

É ’ka kɛlɛ lɛ léé, munu lé woo bélidɔwe maan, wo ɛ ke mi tegelenu nya Kazambale yuɛ gi lo, naa, munu lé woo a ta tawoo, wo ɛ lé we é dan kɛlɛ lɛ tegele.

Éfez munu 6:6

Té ka kɛlɛ wo yuɛ va saa na lo, bélé fɛan zo lé ka a kalé we kɛlɛna munu yuɛ va néné, a zo lo, naa, ’ka kɛlɛ bélé Krist wuomunu lé wo ke Kazambale lé blibɔmawe kɛlɛna wo bli faa nya, wo zo.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

1 Tɛsalɔnik munu 4:3

We lé é sɔ Kazambale lɛ, yee lé ke léé, ’ka kɛlɛ sauun, té ka pɛnpɛnné gyɛ lo;

1 Tɛsalɔnik munu 5:18

Wean é sɔ Kazambale lɛ léé, ka a kɛlɛ Jézu Krist gi, yee lé ke ’ko: ’ka Kazambale bɔ vɔ we faa gi.

Tite 1:16

Woo we fé ’wo lɔlu nya léé, ’wo Kazambale dɔɔ, naa, wo sɔn vɔa a ma wo kɛlɛwenu nya. Wa we gin dɔle kɛlɛzannu valé tɔnégiplɛplɛzannu nya, yé wo ’ka bɔa wezin do kpen kɛlɛle lɛ lo.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

Ébrunu 4:6

Naa, duowo, mi kenu é dan flinle ’ko ye lɛ, yé munu lé wo Wenéné ’ko ’ma é vinin, wo ’ka bli vo lɛ a lɛ lo, amalé wo ’ka flinle ’ko ye lɛ lo.

SEBE LÉ JAK A GYE (Épitre de Jacques) 1:22

Naa, we do ana, é a lé ka tawo Kazambale dére ta, té ka tɔné dɔ a lɛ é pla saawo lo, dé ’bɛ kaan lo, ’té ka a dabli kɛlɛna kabo lɛ.

1 Piɛri 2:15

É a Kazambale lé blibɔmawe nya léé, wezin kɛlɛle nya lé ka tavomunu lé tanyila wefele tadɔa.

1 Piɛri 4:2

léé, alé tɛrɛlayinu lé wo vo a lee, té ’é wo kɛlɛ tɛrɛlamunu lé blibɔmawe yɛrama é dɛrɛ lo, naa, ’é wo kɛlɛ Kazambale lé blibɔmawe yɛrama.

Wegɔɔnle 2:27

É dan pla lɛ wo nwiin foliɛwɔlɛ nya é lee, yé é dan wo ’wii lɛ bélé fɛan zo lé woo bɔ ’wiié, a zo, fɛan zo lé an Ti a se kɛlɛ an lɛ, a zo.

Wegɔɔnle 22:14

Munu lé woo ’wolé sɔnu zuruwo, mibéliyiliporo blele se valé wɔrale fla ’léé zia se yele we gi, wozé a é zima.

Wegɔɔnle 3:5

Mian we ’ko ’wuo vo a lɛ, wo dan sɔ fu zén lɛ a ta; yé maa ’ka dan a tɔ fwi lɛ mi bélilenu tɔgyɛla sɛbɛ gi lo, yé maa dan a tɔ bɔra lɛ an Ti valé élé lanjenu yara.