Matio 7:15 - Kazambale lé Sebe Sauunu 1979

¹⁵ ’Ka yuɛ pa kabo va viébalelayemunu lé we ma. Woo dan ka va bélé ’blanu zo, naa, wo bli a wo gi bélé lɔrɔgyɛ glau zo.

Matio 7:15 ပူးပေါင်းရင်းမြစ်များ

1 Minwiinzannu 13:18

Yé balelayezan kwa lé a lɛ léé: Maa é ziin, maa a balelayezan nya bélé bii zo; yé lanje do we fe an lɛ Gakelebale dére nya, yé é lé an lɛ léé: ’I da a nya i va ilé kɔn ’léé, ’é buru ble yé ’é ’yi mini. É vié wo a lɛ.

Jérémi 29:21

Kolaja be Akab valé Maaséja be Sédésias lé woo balelawe fé ka lɛ vié nya Bale tɔ gi, lai sunyanu lé Gakelebale, Izraɛl lé Bale we fe wo ma yé é léma: Ka ye, maa wo pa Babilɔn nwiinzan blɛn Nébukanɛsaa lee, yé é dan wo gyɛ lɛ ka yuɛ va.

Jérémi 29:32

amalé Gakelebale léma: Maa dan we lɛdɔ lɛ Nésélamizan Sémaéja gi, yee valé é kulunu nya; a kulu do kpen ’ka dan nyana lɛ munu ’ko va lo, yé we zin lé an dan a kɛlɛ lɛ anlé munu lɛ, wo ’ka dan ana ye lɛ lo. Naa, é nwa Gakelebale ma é dérenu nya. Maa Gakelebale ɛ ke a fena.

Ézékiɛl 13:16

’Bɛ gi léé, Izraɛl balelayemunu lé woo balelawe fé Jérusalɛm ma, woo lé. Woo Jérusalɛm vole drɔɔ fé yuɛziwe nya, dɔlé ’té vole drɔɔ do kpen ’ka lo. A zo lé Mizan Gakelebale a fe.

Ézékiɛl 13:22

Ka mi tegelenu bli kyɛ dɔa viéwole nya, dɔlé ’té maabozen ’ka wo bli kyɛ dɔ lɛ lo. Yé ka mi nyanénu bɛ dɔa plɛplɛ léé, té wo si ’wo kɛlɛwe naanénu zuo yé wo vo é yuɛma lo.

Ézékiɛl 22:25

Ilé balelayemunu woo gi paan mi ma i ta; woo mi boennu blé bélé golizra lé éé wé wigyɛle ta, a zo. Woo fuafɛnu valé fɛwezannu sié wobo zé nya; woo gyɛzaralomu bo bɔa fla.

Ézékiɛl 22:27

Alé mi segelenu a wo méléna bélé glaunu lé woo fɛ wi kinié ékema, wo zo. Woo mi nyɛ zanaan, woo mi boennu saan wolé fɛyelɔrɔ sile ’wo ma we ma.

Daniɛl 11:34

Wo diabléyi va, wo dan bɔ lɛ wo va sɛ, yé mi kiɛre é dan pa lɛ wo va ’wobo drɔle nya.

Misé 3:11

A nwiinzannu éé we blé blɛ yele we ma; alé Balebanzannu éé we paan mi gi ’wo ban yele we ma; alé balelayezannu éé balelawe fé gɔɔli va. É dɔ wo gi léé, wa é pale Gakelebale ta, ’té wa fé léé: Gakelebale ’ka ko va loo? Wenaané ’ka dan bɔ lɛ ko ma lo.

Zakari 13:4

’Bɛ yi la, dé balelayemunu a balelawe fena, yara é dan wo gyɛ lɛ ’wolé yuɛziwe fele ma, yé wo ’ka dan wikyɛɛsɔ zén lɛ ’wo ta é dɛrɛ vié wole we ma lo.

Matio 10:17

’Ka yuɛ pa kabozen va munu lé we ma, naa, wo dan ka pa lɛ weblezannu lee, yé wo dan ka bla lɛ plén nya ’wolé bazorokɔnnu gi;

Matio 16:11

É kɛlɛ kaa, yé ka ’ka a gi ’ma lɛ loo? Maa ’ka buru lé we fena ka lɛ lo. Maa lé ka lɛ léé, ’ka yuɛ pa kabozen va Farizimunu valé Sadusémunu lé lévɛn lé we ma.

Matio 16:6

Yé Jézu lé wo lɛ léé: ’Ka yuɛ pa kabozen va é zima Farizimunu valé Sadusémunu lé lévɛn lé we ma.

Matio 24:11

Viébalelayezannu kiɛre é dan nwa lɛ, yé wo dan munu kiɛre saan lɛ.

Matio 7:14

Naa, zi lé éé goo mi bélina, a ’léé a kiéné yé a laala a prɔɔné yé mi kiɛre ’ka a yé lo.

WENÉNÉ LÉ LUK A GYE (Évangile selon Luc) 12:15

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

WENÉNÉ LÉ LUK A GYE (Évangile selon Luc) 6:26

Dé munu faa ka ma we zin fe, ’té wenaané ɛ kɛlɛ ka lɛ bɛ, naa, ’bɛ zo lé wo tranu a kɛlɛ viébalelayemunu lɛ.

WENÉNÉ LE JAN A GYE (Évangile selon Jean) 10:12

Naa, nyanamapazan lé é ’ka ’blatabinzan nya lo, ’té ’blanu ’ka azé nya lo, dé é glau ye dana éé sié ’blanu zi yé éé vian buruwo, ’té glau éé wo kunwo, ’té ’bɛ éé wo fwilaan.

Kelewenu 13:40

Bɛwemalé ’ka yuɛ pa kabo va, we lé wa gyɛ balelayemunu lé sɛbɛ gi, dé é da bɔ ka ma; wo léé:

Kelewenu 13:6

’Bɛ zuo wo gié yee wɛyi worona tɛrɛ faa la fɔɔ yé wo bɔ Pafo. Ana lé wo yokɛlɛzan do ye; é a viébalelayezan nya, Juifi mi nya, wa laama Baa‐Jézu.

Galasi munu 2:4

naa, maa a kɛlɛ viébwenu lé wo da kyeen gi yé wo wɔra ko worona bɛ, wolé we ma. Ko vole koboma lé ko a ye Jézu Krist gi, wo da a mavɔɔle we gi, ko kɛlɛle luu nya é ziin we ma.

Éfez munu 4:14

Amalé té kaa kɛlɛ nénu zo é dɛrɛ lo; té kaa bli é kɛlɛ we faa lɛ lo; té kaa go wepaale faa zuo lo; té mi tablezannu é kaa saan wolé dabli kɛlɛle valé wolé suyɛn dére nya lo;

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

Filip munu 3:2

’Ka yuɛ pa kabozen va blénnu lé we ma. ’Ka yuɛ pa kabozen va nyanama nyané pazannu lé we ma. ’Ka yuɛ pa kabozen va dabli ganedɔmunu lé we ma.

Kolɔs munu 2:8

’Ka yuɛ pa kabozen va, té migi?-?vuruzan do é ka saan élé gikinidérenu lé woo sié gɔnɔlawe valé tɛrɛlawe va, ’té é ’ka sié Krist lé we paale va lo bɛ, wo nya lo.

2 Timoté 3:13

Naa, mi lɛrɛlɛrɛnu valé mi tablezannu lé wenyané kɛlɛle gi é dan gyɛ lɛ yifaama; ’té woo dabli kɛla mi bɛnu lɛ, ’té wa kɛla wobozen lɛ é ziin.

2 Timoté 4:3

Naa, bléyi do é dan bɔ lɛ yé munu ’ka dan a nyi si lɛ léé, wo we tegele paa ’wo gi lo. Wo dan go lɛ ’wo sɔlɛwe zuo, yé wo dan mi kiɛre kiɛre si lɛ we paa ’wogizannu nya, wo sɔlɛ wenéné fele wo lɛ we gi.

2 Piɛri 3:17

An blibɔmazannu, maa we ’konu gɔɔn ka lɛ é vinin, amalé ’ka yuɛ pa kabozen va, dé Bale lé zi ma wenyané femunu sanle é da ka sia ana yé ka dɔle gligli yi é ga.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.

Wegɔɔnle 16:13

Yé yo tiridɔlenu yaa lé wo ke bélé yolunu zo, maa wo ye bɔrana dragɔn koo, wi koo, viébalelayezan koo, wo ’léé.

Wegɔɔnle 17:6

Yé maa le ’ko ye é gyɛlɛ Kazambale lé munu valé Jézu lé wenayemunu nyɛ nya bélé nwɛ zo. Maa a ye aan wo, an gi vuru é baba.

Wegɔɔnle 19:20

Wo wi kun, ’é valé viébalelayezan lé é we blɛnblɛnnu kɛlɛ wi yuɛ va, yé munu lé wo wi lé tɔmase si yé wo dia ’wo bli la a yili ’lɛ, ’té éé wo saan élé we blɛnblɛn kɛlɛle nya bɛ, wo ’bɛ kun, yé kyɛ lé ke blɛn bélé gyankyɛ zo, ’té wo povun zén a va, wo wo fiénu vuli a va, ’té wa é yuɛma.

Wegɔɔnle 20:10

Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.