Matio 7:12 - Kazambale lé Sebe Sauunu 1979

¹² We faa lé é sɔ ka lɛ léé, munu a kɛlɛ ka lɛ, yee duo lé ’ka kɛlɛ wo lɛ ma, naa, yee ɛ ke bélidɔwe valé balelayemunu dére nya.

Matio 7:12 ပူးပေါင်းရင်းမြစ်များ

Ézékiɛl 18:21

Dé mi nyané é bli nɔla wenyanénu lé é wo kɛlɛ, wo ma, dé éé anlé bélidɔwenu faa lɛdɔa a ma, yé éé we drɔle valé we tegele kɛla, é dan vo lɛ é yuɛma, é ’ka dan ga lɛ lo.

Lévinu 19:18

Té ibo lé we lɛ gi pa lo, té ilé munu vawe pa i bli gi lo. I bɔluzan ’é sɔ i lɛ bélé biibozen zo. Maa a Gakelebale nya.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

Matio 5:17

Té é dɔ ka gi léé, an da Bale lé bélidɔwenu valé balelayemunu dérenu yi ga lɛ lo; an ’ka da lɛ wo yi ga lɛ lo, an da wo kɛlɛle lɛ sɔɔ lɛ.

WENÉNÉ LÉ LUK A GYE (Évangile selon Luc) 6:31

We lé é sɔ ka lɛ léé, munu a kɛlɛ ka lɛ, yee duo lé ka kɛlɛ wo lɛ ma.

1 Timoté 1:5

Wean ma lé maa a fe, yee lé ke ’ko: é a lé sɔlɛle é kɛlɛ ka gi; sɔlɛle lé éé sié bli gibɔle koo, wevasibli zima koo, blipale bozen koo, wo va, yee lé.

SEBE LÉ JAK A GYE (Épitre de Jacques) 2:8

Fuaneé lé bélidɔwe lé wa gyɛ Kazambale lé sɛbɛ gi léé, ’i bɔluzan lɔrɔ pa bélé biibozen zo, dé ka a ’bɛ ta tawona, ’té ka a kɛlɛna é zima.