Matio 7:11 - Kazambale lé Sebe Sauunu 1979

¹¹ Naa, ka‐an, ka ke é naané, dé ka fɛ zin nɔle gi dɔɔ kalé nénu lɛ, ka Ti lé é ke la gi, é ’ka dan fɛ zinnu nɔ lɛ munu lé wa laan a lee, wo lɛ loo?

Matio 7:11 ပူးပေါင်းရင်းမြစ်များ

Wepélisiananu 6:5

Gakelebale a ye léé, munu a weple kɛlɛna é baba tɛrɛ la, yé wolé gi bɔrɔle faa a gona wenaané saa va yi faa do do ma.

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

2 Samuɛl 7:19

Yé é ziin, Mizan, Gakelebale, ’bɛ a we kiéné nya i yuɛ gi; i tɛlɛ tɛlama we fe é ziin i wuozan kulu lé we ma. Yé Mizan Gakelebale, ibo kɛlɛ kiéné we ’ko paale mi pla gi we maa?

JOB (Job) 15:16

’Té ’léévɔnzan lé éé nwaan mi ma, Blami lé éé weplenu minian bélé ’yi zo, ’té ’bɛ é dan kɛlɛ lɛ a yuɛ gi mɛ fɛ nyaa?

Lɛrɛvɔ Sɛbɛ 84:11

Dé mi yi do kɛlɛ ilé gɔrɔ gi, ’bɛ fila vɔ, é mini yi wuru soru lé mi a kɛla fɛ bɛna, a ta. Dɔle anlé Bale lé kɔnpa la fila vɔ É mini nyanale mi nyanénu lé sɔkɔn gi lɛ.

Lɛrɛvɔ Sɛbɛ 85:12

Yarapale we ta gɔn éé bɔraan tɛrɛ la, Yé we tegele lé é ke la gi loru, éé tɛrɛla ginian.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Ézai 49:15

Né lé lezan ke nyɔ dɔna a ’léé, a sele éé saan lezan gii? A nyanai ’ka zén‐é é giné ta loo? Dé a gi san a maoo, I sele ’ka dan saan lɛ an gi lo.

Ézai 63:7

Maa dan Gakelebale lé zinnu zana dɔɔ lɛ yé maa dan Gakelebale tɔ zin fe lɛ, We faa lé Gakelebale a kɛlɛ ko lɛ, a yɛrama. Zin blɛn lé é a kɛlɛ Izraɛlmunu lɛ, Élé nyanaizénle valé sɔlɛle blɛn yɛrama bɛ, maa dan a zuo fe lɛ.

Jérémi 17:9

Mi bli ’ka zi yɛrama lo; é a é nyané; De ɛ bɔa mi bli lé we dɔɔle lɛɛ?

Jérémi 33:14

Gakelebale léma: Ka ye, a yinu é dan bɔ lɛ yé dére zinnu lé maa a fe Izraɛl munu valé Judamunu ma, maa dan wo lɛ sɔɔ lɛ.

OZÉ (Osée) 14:2

’Ka da Gakelebale va yé ’ka ka gi we fe. ’Ka fe a lɛ léma: ’I ko ma we vo kolé weple faa ma, yé ’i ko si é zima. Ko ’ka dan i ban lɛ diri nya lo, naa, ko dan i ban lɛ ko lɔlu nya.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Matio 23:9

Té ka mi do kpen laa, an ti, tɛrɛ la lo; ka Ti a do kpen, é a la gi.

Matio 7:10

Yé dé ’bɛ pɔ laa a lee, yé é méné nɔ ’bɛ lɛɛ?

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

Rom munu 3:19

Ko a gi dɔɔ léé, we faa lé bélidɔwe ke a fena, é a fena munu lé wo ke bélidɔwe la, wo lɛ, mi faa ’léé lɛ tanle we gi yé munu faa ’é kɛlɛ wegyɛmunu nya Kazambale yuɛ gi.

Rom munu 3:9

É dɔ ka gi kaa? Ko Juifinu zé we néné mini bɛn bɛnu zé taa? Gba. Naa, ko a nagɔɔn é kwakwa wéiin léé, munu faa a wenyané lé luu nya, Juifinu koo, Grɛkinu koo, woo faa lé,

Rom munu 8:32

Mi lé é ’ka ébozen Be tadɔ lɛ lo yé é a nɔ kaa faa lé we gi ’naan, é kɛla kaa yé é ’ka dan fɛnu faa nɔ lɛ zin nya kaa lɛ Jézu va é ta lé kɔn‐an loo?

Galasi munu 3:22

Naa, Kazambale lé sɛbɛ a fe léé, tɛrɛlamunu faa a luu nya wenyané wuo, léé, blivolɛdére lé éé sié blikɛlɛle Jézu Krist lɛ va bɛ, yé ’wa nɔ munu lé wo bli vo a lɛ, wo lɛ.

SEBE LÉ JAK A GYE (Épitre de Jacques) 1:17

Blan zima faa valé blɛ tegele faa éé sié loru, lagi san bilenu Kɛlɛzan va. A dɔbɛ ’ka nɔlaan lo, yé alé we do kpen ta ’ka vɔɔan lo.

1 Jan 3:1

Ka gini do. Kaa Ti bli bɔ kaa ma fɛan zo, yee lé é ke ’ko: é kaa laa Kazambale lé nénu, yé kaa a ’bɛ nya. Yé tɛrɛlamunu ’ka Jézu dɔɔ lɛ lo, bɛwemalé wo ’ka kaa dɔɔa lo.

1 Jan 4:10

Sɔlɛle ’ko, é ’ka kɛlɛ lɛ léé, Kazambale ɛ sɔ kaa lɛ, ’bɛ lé lo, naa, kaa ɛ sɔ Kazambale lɛ, yé é Be pa zia kaalé wenyané ’yibofɛ nya.