Matio 6:9 - Kazambale lé Sebe Sauunu 1979

⁹ ’Ka bazoro ’ko zo: Ko Ti lé é ke la gi, munu ’é kana i tɔ ma ma;

Matio 6:9 ပူးပေါင်းရင်းမြစ်များ

2 Samuɛl 7:26

’Wo i tɔ kɛlɛ blɛn lɛɛfaama ma, yé ’wa fe léé, lai sunyanu lé Gakelebale a Izraɛl lé Bale nya ma! Yé i wuozan David gɔnɔ dɔ i ’lɛ gligli ma!

1 Minwiinzannu 8:43

’bé ’ma lanu gi, i nyanana, yé we faa lé bɛn ’ko a laa i lee, ’bé nɔ a lɛ ma, léé, tɛrɛ la bɛnnu faa i tɔ dɔɔ kanale i lee we ma, bélé ilé munu Izraɛl zo, yé wa gi dɔɔ léé, munu éé i tɔ laan, kɔn ’ko lé maa a dɔ, a gi.

Minwiinzannu lé Wezuofe Sɛbɛ 17:24

I dére ’é vo ana, i tɔ zin bɔle yifaama we gi, yé wo léé: Lai sunyanu lé Gakelebale, Izraɛl lé Bale, é a Izraɛl lé Bale nya. Yé i leezan David kulunu ’é dɔ gligli i yuɛ va.

2 Minwiinmunu lé Wezuofe Sɛbɛ 20:6

Yé é léé: Gakelebale, ko tranu lé Bale, biian i ke Bale nya lanu gi loo? I ’ka é plale bɛngɔnɔnu faa nwiin loo? Plɛplɛ valé we kɛlɛle se ’ka bii ɛ lɛɛ loo? Mi do kpen ’ka bɔa dɔle lɛ i ma lo. Yee kaan loo?

Néémi 9:5

Yé Lévi munu, Jozué koo, Kadimiɛl koo, Bani koo, Asabinia koo, Sérébia koo, Odija koo, Sébania koo, Pétaja koo, wo lé munu lɛ léé: ’Ka nwa, ’ka Gakelebale kalé Bale drɔɔ vo lɛɛfaama, té a glɛ é dɔ lo. Bii Bale, i tɔ gyéiin lé é mini drɔɔ vole faa valé tɔzinfele faa ta, ’wa drɔɔ vo ma.

Lɛrɛvɔ Sɛbɛ 111:9

É ’élé munu tabo, Alé gipawe a é dɔle é dɔbɛ gi lɛɛfaama; A tɔ ’lɛ a; éé kana zén‐é munu gi.

Lɛrɛvɔ Sɛbɛ 115:3

Kolé Bale a la gi, Weowean é sɔ a lɛ, yee lé éé a kɛla.

Lɛrɛvɔ Sɛbɛ 72:18

’Wo Gakelebale, Izraɛl lé Bale drɔɔ vo ma. Yee do kpen ɛ we blɛnblɛn kɛla!

Ézai 37:20

Sin, Gakelebale kolé Bale, ’i ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 6:3

Woo siaan wo ke lɛ, ’té wa fé léé: Lai sunyanuzan Gakelebale a Sauun, sauun, sauun! Tɛrɛ faa la a é fanle alé fuasan nya!

Ézai 63:16

Duowo, bii ɛ ke ko ti nya. Naa, Abraam ’ka ko dɔɔa lo, yé Izraɛl ’ka a gi dɔɔa léé, ko ana lo; bii Gakelebale ɛ ke ko ti nya; a péli sia bléyi va ibo laan ko siéwegizan.

Ézai 64:8

Oo Gakelebale, té i bli fli yé é gié é glɛ la lo. Té kolé wenyané blɛn sele é dɔ i gi yifaama lo; bé gini do, ko faa a ilé munu nya.

Ézai 66:1

Gakelebale léma: La a an nyanala blin nya, yé tɛrɛ a a ganedɔralafɛ nya. Mɛ kɔn lé ka dɔa an lɛ yé fɛ kyɛnna lé ka ana nɔ an lɛ an nyanana nyaa?

Ézékiɛl 36:23

An tɔ blɛn lé ka sɛrɛ bɛntɛrɛnu ta, ’té ka a sɛrɛ wo méléna bɛ, maa dan a kɛlɛ lɛ tegele. Yé Mizan Gakelebale léma: Dé kalé we kɛlɛ blɛn bɛnnu yuɛ va, wo dan a gi dɔɔ lɛ léé, maa lé ke Gakelebale nya.

Ézékiɛl 38:23

A zo lé maa dan an blɛn valé kɛlɛle sauun nagɔɔn lɛ wo lɛ, yé wo dan a gi dɔɔ lɛ léé, maa lé ke Gakelebale nya.

Lévinu 10:3

Moizi lé Arɔn lɛ léé: We ’koan Gakelebale a fe yi la loo? É ’ka a fe lɛ léé, mi lé é bié ’é va, ’é kana ’é lee, yé é ’é tɔ kɛlɛ blɛn munu faa yuɛ va loo? Arɔn ta vo é dɔle.

Abaku 2:14

Naa, Gakelebale lé fuatɔ dɔɔle é dan fan lɛ tɛrɛ la bélé wɛyi a é fanle fɛan zo, a zo.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Matio 10:29

Wo ’ka gbé fié daan su do va loo? Naa, dé é ’ka ka Ti lé blibɔmawe nya lo, wo va gbé do kpen ’ka diaan tɛrɛ va lo.

Matio 23:9

Té ka mi do kpen laa, an ti, tɛrɛ la lo; ka Ti a do kpen, é a la gi.

Matio 26:29

Maa lé ka lɛ léé, é sia yi ’ko ma, maa ’ka dan dɔrɔyi ’ko mini lɛ é ziin lo, fɔɔ ’té kaa kee é wo an Ti va, yé maa a bɛ mini ka va.

Matio 26:42

É go é ziin a gɔnɔ fiézan nya yé é bazoro léé: An Ti, dé é ’ka bɔalɛ léé, ’yiminikana ’ko é si an lee lo, yé maa ’ka a gifɛ minian lo, ilé blibɔmawe ’é kɛlɛ ma.

Matio 5:16

Kalé san ’é munu va kini yee ɛ zo ma, wolé ka kɛlɛwe zinnu yele we ma yé ka Ti lé é ke la gi yé wa tɔ zin bɔ.

Matio 5:48

Ka Lagi Ti a fɛan zo, yé gun ’ka a ma lo, a zo lé té gun é vo ka ma lo ma.

Matio 6:14

Dé ka munu ma we vo, ka Lagi Ti é dan ka ma we vo lɛ é ziin.

Matio 6:6

Naa, dé i a bazorona, ’i wɔra ilé kɔnmi zi, bé lɛ tan, yé ’i bazoro i Ti lé é ke ana kyeen gi, a lɛ, yé i Ti lé éé kyeengiwe yé, é dan i gooli pa lɛ.

Matio 7:11

Naa, ka‐an, ka ke é naané, dé ka fɛ zin nɔle gi dɔɔ kalé nénu lɛ, ka Ti lé é ke la gi, é ’ka dan fɛ zinnu nɔ lɛ munu lé wa laan a lee, wo lɛ loo?

WENÉNÉ LÉ LUK A GYE (Évangile selon Luc) 15:18

An dan nwa lɛ yé an go an ti va, yé maa dan a fe lɛ a lɛ léé: An ti, an wenyané kɛlɛ Bale valé bii lɛ.

WENÉNÉ LÉ LUK A GYE (Évangile selon Luc) 15:21

A be lé a lɛ léé: An ti, an wenyané kɛlɛ Bale valé bii lɛ. A yara ’ka an yara léé, wo an laa i be é dɛrɛ lo.

WENÉNÉ LÉ LUK A GYE (Évangile selon Luc) 2:14

’Wo fua nɔ Kazambale lɛ fɛna loru baa mi, Yé munu lé wo sɔ a lɛ, ’wo vo drɔɔ tɛrɛ la ma.

WENÉNÉ LE JAN A GYE (Évangile selon Jean) 20:17

Jézu lé a lɛ léé: Té i buvɔ an ma lo. Maa ’ka tan go lɛ an Ti va lo. Naa, ’i go an zuanénu va; bé fe wo lɛ léé, maa a gona kaa Ti lé é ke kaalé Bale nya, a va.

Rom munu 1:7

’Kaa Rom munu faa lé ka we ke Kazambale lee, ’té é ka laa ka kɛlɛle élé munu nya we gi bɛ, an we ka va. Kaa Ti Bale valé Mizan Jézu Krist, ’wo zin kɛlɛ ka lɛ yé ’wo ka vo drɔɔ ma.

Rom munu 8:15

Yé ka ’ka luu bli ye lɛ yé ka kanaan é ziin lo, naa, mi né bozen bli lé ka a ye, a nya lé kaa siaan: Aba, ’bɛ gi léé, an ti.

Galasi munu 1:1

’Kaa léglizigimunu faa lé ka ke Galasi tɛrɛ la, ko we ka va. Maa Pɔl valé bwenu faa lé wo ke an va ’ko, ko ɛ ke sɛbɛ ’ko gyɛna ka lɛ. Maa Pɔl, maa a nwunvɔzan nya; munu ’ka an dɔ lɛ ’bɛ nya lo, yé mi do kpen ’ka an nwunvɔ lɛ lo. Naa, Jézu Krist valé Tibale lé é Jézu nwa gamunu va bɛ, wo ɛ an dɔ, yé wo ɛ an nwunvɔ.

Galasi munu 4:6

Ka a benu nya, bɛwemalé Kazambale é Be Léli pa kaa bli gi, ’té éé siaan: Aba, ’bɛ gi léé, an ti.

1 Timoté 6:16

’té vole é yuɛma lé a glɛ ’ka lo é a yee do kpen ɛ lee bɛ, ’té é ke é nyanale san lé mi do kpen ’ka bɔa biéle lɛ a sɔnɔ lo, a gi bɛ, ’té mi do kpen ’ka tan é yuɛ vɔ lɛ a ta lo yé wo ’ka bɔa yuɛ vɔle lɛ a ta boenwo lo bɛ, yee ɛ dan Jézu gɔɔn lɛ. Tɔbɔle valé plɛplɛ a azé nya lɛɛfaama, a glɛ ’ka lo. Amɛɛn.

1 Piɛri 1:17

Mi lé éé munu faa lé we blé wo kɛlɛwe yɛrama, ’té é ’ka glɛ dɔa mi gi bɛ lo, dé ka a laan ka Ti, ’ka tawo kanale nya a lee, kalé dɔwola tɛrɛ la.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.

Wegɔɔnle 5:12

Wa fé dére plɛplɛ nya léé: ’Blané lé wa bɔrɔ bo, plɛplɛ koo, fua koo, wedɔɔle koo, gla koo, tɔbɔle koo, kɛlɛle blɛn koo, tɔzinfele koo, alé wo ye yara lé.