Matio 6:4 - Kazambale lé Sebe Sauunu 1979

⁴ ’I fɛ nɔ kyeen gi yé i Ti lé éé kyeengiwe yé, é dan i gooli pa lɛ.

Matio 6:4 ပူးပေါင်းရင်းမြစ်များ

Lɛrɛvɔ Sɛbɛ 139:12

Iin, gunutinu ’ka i yuɛ gi bɔa lo, Béli éé bié bélé é yiéyi zo, Yé gunutinu a bélé san zo.

Lɛrɛvɔ Sɛbɛ 17:3

Dé i an bli nagini, dé i da an va é bélioo, Dé i an gi dan, i ’ka dan we do ye lɛ ana lo. An bɔn‐in bɔrɔmawe valé an ’lééwe a do.

Lɛrɛvɔ Sɛbɛ 44:21

Dé é a kɔɔn léé, ko gi san kolé Bale tɔ ma, Yé ko ko bɛ soi bɛn bɛnu lé bale vazia,

Wegɔnévɔlenu 25:22

Naa, a kɛlɛle ’ko zo nya lé yara é dan a kwaa lɛ yé Gakelebale é dan i banwo lɛ.

Jérémi 17:10

Maa, Gakelebale, maa mi bli gi daan, maa mi gi kulian, Léé, an mi do do faa banwo wolé tawobɛ yɛrama, É valé wo panyanamanu yɛrama.

Jérémi 23:24

Gakelebale léma: Mi éé bɔalɛ yé ébo yɔɔ fɛdona, ’té maa ’ka a yé loo? Gakelebale léma: Maa ’ka la valé tɛrɛ faan loo?

Matio 10:42

Yé dé miomian ’yi drɔɔ kanané do nɔ mi kiénénu ’ko va mi do lɛ é pla, a kɛlɛle an zuozan nya we ma, ’bɛzan é dan a ma gooli ye lɛ kpɔ. É ’ka dan vuru lɛ a ma lo. Maa fe ka lɛ.

Matio 6:18

té munu ilé lɔrɔsɔnle gi dɔɔ lo we gi, naa, i Ti lé é ke ana kyeen gi, é a dɔɔ, yé i Ti lé éé kyeengiwe yé, é dan i gooli pa lɛ.

Matio 6:3

Naa, dé i a fɛ nɔna nyanégyɛmunu lɛ, té i bɛbola bɛ i bɛyila bɛ lé fɛ nɔle gi dɔɔ lo.

Matio 6:6

Naa, dé i a bazorona, ’i wɔra ilé kɔnmi zi, bé lɛ tan, yé ’i bazoro i Ti lé é ke ana kyeen gi, a lɛ, yé i Ti lé éé kyeengiwe yé, é dan i gooli pa lɛ.

WENÉNÉ LÉ LUK A GYE (Évangile selon Luc) 14:14

Wo ’ka bɔa a lɛgi kɛlɛle lɛ i lɛ lo, naa, Bale é dan a lɛgi kɛlɛ lɛ i lɛ mi tegelenu nwayi nya gale va, amalé i gi é dan nana lɛ ’bɛ yi la.

WENÉNÉ LÉ LUK A GYE (Évangile selon Luc) 8:17

Fɛ lé ke é yɔɔle yé a ta ’ka dan bɔra lɛ lo, ’bɛ fɛ ’ka lo; yé kyeengiwe lé ’bɛ ’ka dan bɔra lɛ lo, ’bɛ ’ka lo.

1 Korent munu 4:5

Amalé maa léé, té ka we do kpen ble a blebléyi ’lɛ lo, fɔɔ yé Mizan ’é da. Wenu lé é ke é yɔɔle gunutinu va, yee ɛ dan wo bɔra lɛ san va. Yee ɛ dan mi bɔngiwenu bɔra lɛ munu yuɛ va. Yé munu lé wo tɔ zin fe yara lé, Kazambale é dan wo tɔ zin fe lɛ.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

SEBE LÉ JUD A GYE (Épitre de Jude) 1:24

Bale lé, éé bɔa ’é yuɛ pale lɛ ka va yé ka ’ka saan monomono lo, ’té éé bɔa ka kɛlɛle lɛ sauun yé é da ka nya élé fua tɔbɔle va, ’té ka gi nanale a blɛɛn,

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

1 Samuɛl 2:30

Bɛwemalé Gakelebale, Izraɛl lé Bale léma: Maa lé turu léé, ilé munu valé i ti lé munu é dan vo lɛ an ’lɛ lɛɛfaama, ’bɛ glɛ ’ka lo. Gakelebale léé: Sin, ’bɛ ’ka an gi é dɛrɛ lo. Naa, mi lé é an lɛdɔama, maa dan ’bɛzan lɛdɔ lɛ a ma, yé mi lé é serele bo an ma, maa dan serele bo lɛ ’bɛzan ma.