Matio 6:2 - Kazambale lé Sebe Sauunu 1979

² Dé i a fɛ nɔna nyanégyɛmunu lɛ, té bé pa i lɔlu ma béli nya lo, bélé bodrɔzannu a kɛla fɛan zo, a zo lo. Woo fɛ no bazorokɔnnu gi, yé woo fɛ no vuun la, munu lé wo tɔ zin bɔle we gi. Té ka kɛlɛ wo zo lo. Maa lé ka lɛ webozen nya léé, wo ’wozé ma gooli ye.

Matio 6:2 ပူးပေါင်းရင်းမြစ်များ

Lɛrɛvɔ Sɛbɛ 112:9

Éé fɛ kiɛre no; éé fɛ no nyanégyɛzannu lɛ; A kɛlɛwe tegele ana lɛɛfaama; A tɔ bɔle a ’wuo nwaan.

Lɛrɛvɔ Sɛbɛ 37:21

Mi nyané ɛ drɔn gya yé é ’ka a no lo; Mi tegele ɛ mi mawe dɔɔ yé éé fɛ no.

Wegɔnévɔlenu 19:17

Mi lé a nyanai éé zén‐é nyanégyɛzan ta, éé drɔn paan Gakelebale lé é dan a lɛgi nɔ lɛ a kɛlɛwe yɛrama, ’bɛ ma.

Wegɔnévɔlenu 20:6

Munu kiɛre wolé wezin kɛlɛle tɔ bɔa; naa, mi kyɛn ɛ bɔa yarapawelazan yele lɛɛ?

Bale Lé We Gifezan 11:2

’bé ke nɔ mi sɔrafié lɛ, mi sɔraa boen‐oo, ’bé nɔ wo lɛ, naa, dé wenaané kyɛn ɛ dan bɔ lɛ tɛrɛ laa? i ’ka a gi dɔɔa lo.

Ézai 10:6

Maa wo pa zia bɛn nyané va, munu lé an bli ke flina wo ma, maa wo nwunvɔ ’bɛnu va, léé, ’wo ’wii ’bɛnu ta yé ’wo gulizarafɛ si, yé wo ’bɛnu zɔn ’wo gane nya bélé voli zo zia.

Ézai 58:7

Mi lé lɔrɔ ke a gyɛna, bé zé fɛblele nɔ; nyanaizénlazan lé a yiana ’ka lo, bé wɔra ka va; dé ka mi do ye é porole, ’ka sɔ zén a ta; té ka nwunzi dɔ kabo lé mi ta lo.

Ézai 9:17

Naa, wenyané kɛlɛle éé mi blé bélé kyɛ lé éé danan valé léliyilinu blé, a zo; éé kyɛ vɔa pɔrɔwɔlɛ ’léé, ’té a goi éé nwaan zuuu.

OZÉ (Osée) 8:1

’Ka béli dɔ ka lɔ ma; nyanézan éé zunwo Gakelebale lé kɔn ta bélé gola zo; wo anlé gipawe sɛrɛ yé wo anlé bélidɔwe sɛrɛ, ’bɛzama.

Matio 15:7

Bodrɔzannu. Ka ma we lé Ézai a fe balelawefele nya, é a webozen nya. É léé:

Matio 16:3

la a sɔɔn yé é a é tiéle, amalé lɛɛ é dan kyɔ. Ka la lé tɔmase dɔɔ yé ka ’ka bléyi bɔle lé tɔmasenu dɔɔa loo?

Matio 22:18

Jézu wo bli naané dɔɔ yé é léé: Bodrɔzannu, mɛmalé ka an gi daan?

Matio 23:5

Woo ’wolé we faa kɛla munu lé wo yele we gi. Woo sɛbɛwɔlɛ blɛn paan ’wo yarapɛla valé ’wo bɛ ma yé wolé sɔ lɛi nini a é torole;

Matio 23:6

é sɔ wo lɛ léé, ’wo blin zégéléénu si fɛti kɛlɛna yé é sɔ wo lɛ léé, ’wo nyana zi ’lɛ blinnu ta bazorokɔnnu gi;

Matio 24:51

yé é dan a wi kini lɛ ékema yé é dan azé fɛ nɔ lɛ a lɛ bodrɔzannu va; ’bɛna lé wo dan wuvɔ lɛ yé wo dan ’wo suiɛ la ble lɛ.

Matio 5:18

Naa, maa lé ka lɛ webozen nya léé, dé la valé tɛrɛ ’ka tan gié lɛ lo, bélidɔwe gyɛwɔlɛ kiiéné valé a bale kiiéné do kpen ’ka dan san lɛ a va lo, fɔɔ, yé a kɛlɛle faa lɛ é sɔɔ.

Matio 6:16

Dé ka a lɔrɔ sɔnna, té ka yara kyɛ vɔ a gi, bélé bodrɔzannu zo lo; woo yara wɔraan a ma, a gɔɔnle nya munu lɛ léé, ’wa lɔrɔ sɔnna. Wo ’wozé gooli ye; maa fe ka lɛ.

Matio 6:3

Naa, dé i a fɛ nɔna nyanégyɛmunu lɛ, té i bɛbola bɛ i bɛyila bɛ lé fɛ nɔle gi dɔɔ lo.

Matio 6:5

Dé ka a bazorona, té ka we kɛlɛ bélé bodrɔzannu zo lo. É sɔ wo lɛ léé, munu ’wo nagini, amalé woo dɔa loru, ’té woo bazoroan bazorokɔnnu gi, ’té woo bazoroan flaworo dii zi blannu ta. Maa lé ka lɛ webozen nya léé, wo ’wozé gooli ye.

Matio 7:5

Bodrɔzan, ’i yuɛ va yilifee blɛn si faa ’lɛ, yé i fɛna ye wéiin yé i lɔɔ gɔ do si i bwe yuɛ va.

Maak 12:39

Wo bazorokɔn gi zi ’lɛ blinnu valé fɛti kɛlɛna blin zégéléénu naginian.

Maak 7:6

Jézu a zi pa wo lɛ léé: Bodrɔzannu, ka mawe lé Ézai a fe balelawe fele nya, é a webozen nya. É a gyɛ sɛbɛ gi léé: Munu ’ko, woo an tɔ bɔa ’wo lɔlu nya, Naa, wo bli a é sile an ma baa.

WENÉNÉ LÉ LUK A GYE (Évangile selon Luc) 11:41

Fɛ lé é ke kana gi, ’ka blɛ kɛlɛ nyanégyɛmunu lɛ a nya yé fɛnu faa gi é dan bɔ lɛ ka lɛ.

WENÉNÉ LÉ LUK A GYE (Évangile selon Luc) 11:43

Farizimunu, ka gale nyɔ. Bazorokɔn gi zi ’lɛ blinnu koo, munu wele ka va gɔrɔ la koo, wo sɔ ka lɛ.

WENÉNÉ LÉ LUK A GYE (Évangile selon Luc) 12:33

’Ka ka leefɛnu dan yé ’ka a ma gɔɔli nɔ nyanégyɛmunu lɛ. Gɔɔli pa balanu lé wo ’ka sɛra lo, ’ka wo kɛlɛ kabo zé nya, yé fɛwezan lé é ’ka nyaan lo, ’ka wo téé la gi, fɛana lé kyeenwozan ’ka wɔraan lo, yé gyan ’ka vɔa fɛ ma lo, ana.

WENÉNÉ LÉ LUK A GYE (Évangile selon Luc) 12:56

Bodrɔzannu, ka tɛrɛ la valé lagi tɔmasenu dɔɔ yé é kɛlɛ kaa yé ka ’ka bléyi ’ko zé dɔɔa loo?

WENÉNÉ LÉ LUK A GYE (Évangile selon Luc) 13:15

Mizan lé a lɛ léé: Bodrɔzannu. Ka faa do do, ka ’ka kalé dirinu valé kalé sokofalenu polu soo turu wolé gɔrɔ gi flinyi nya yé ka go wo nya ’yiminina loo?

WENÉNÉ LÉ LUK A GYE (Évangile selon Luc) 20:46

’Ka yuɛ pa kabozen va sɛbɛgifemunu lé we ma; dɔwole varɔ grɔgrɔnu nya ’wo ta valé mi wele ’wo va gɔrɔ la sɔ wo lɛ; é sɔ wo lɛ léé, ’wo nyana bazorokɔnnu gi zi ’lɛ blinnu valé fɛti kɛlɛna zi ’lɛ blinnu ta;

WENÉNÉ LÉ LUK A GYE (Évangile selon Luc) 6:24

Naa, fuablemunu, ka gale nyɔ, naa, ka tɔrɔpaafɛnu a ka lee.

WENÉNÉ LÉ LUK A GYE (Évangile selon Luc) 6:42

Bii lé i ’ka i yuɛ va yilifee blɛn yé lo, é kɛlɛ kaa yé i lé i bwe lɛ léé: An bwe, ’i an vo yé an lɔɔ gɔ do si i yuɛ vaa? Bodrɔzan, i yuɛ va yilifee blɛn si faa ’lɛ, yé i fɛna ye wéiin, yé i lɔɔ gɔ do si i bwe yuɛ va.

WENÉNÉ LE JAN A GYE (Évangile selon Jean) 13:29

Gɔɔlipabala a Judas lee, bɛwemalé é dɔ mi kenu gi léé, Jézu lé a lɛ é wo léé: Fɛ lé ko mawe ke a gi fɛti zé nya, bé lɔ; taa, dé é lé é wo a lɛ lee, ’é fɛ nɔ nyanégyɛzannu lɛɛ?

WENÉNÉ LE JAN A GYE (Évangile selon Jean) 5:41

Maa ’ka an tɔbɔle naginina munu va lo.

WENÉNÉ LE JAN A GYE (Évangile selon Jean) 5:44

Ka a ka ke tɔ bɔna, yé Kazambale lé ’bɛ ke Bale nya é do kpen, ka ’ka a va léé, ’bɛ é ’wo tɔ bɔ lo; ka bɔa ka bli vole lɛ an lɛ kaa?

WENÉNÉ LE JAN A GYE (Évangile selon Jean) 7:18

Mi lé é ke we fena ébo dére nya abozen tɔbɔle lé é ke a ginina; naa, mi lé é ke é nwunvɔzan tɔbɔle ginina, ’bɛzan lé wefele a tegele yé weple do kpen ’ka ’bɛzan gi lo.

Kelewenu 10:2

Mi ’ko a Bale lé zisɔlɛzan nya, yé yee valé élé kɔngimunu faa éé kanaan Bale lee. Éé blɛ kiɛre kɛla nyanégyɛmunu lɛ, ’té éé bazoroan Bale lɛ yifaama.

Kelewenu 10:31

Kɔɔnéi, Bale ilé bazorole ’ma yé ilé blɛ kɛlɛle sele dɔ Kazambale gi.

Kelewenu 10:4

É ’bɛ nagini téiin kana nya é gi yé é léé: Anzan, mɛ léé? Yé lanje lé a lɛ léé: Kazambale ilé blɛ kɛlɛle ye yé é ilé bazorole ’ma, yé wo i sele dɔ a gi.

Kelewenu 11:29

Zuomunu ’wo dére pa do léé, fɛ lé mi do éé bɔa a yele lɛ, ’wa pa bwenu lé wo ke Judé tɛrɛ la, wo lɛ zia, bɔ wo va fɛnu nya.

Kelewenu 24:17

An sile ana lɛɛ kiɛre zuo, an da blɛ kɛlɛ lɛ an bɛn lɛ, é valé Bale banle we gi.

Kelewenu 9:36

Le do a zuomunu va Jopé, wa laama Tabita. Wa laama Grɛki dére gi Dɔkas, ’bɛ gi léé, gan. Éé nyanama zin kiɛre paan yé éé blɛ kɛla nyanégyɛzannu lɛ.

Rom munu 12:8

yé mi lé éé we plaan mi lɛ, ’é yara pa élé weplale ta ma. Mian éé fɛ no, ’é a nɔ bli drɔɔ nya ma; yé mian éé we yuɛ gi boo, ’é a kɛlɛ é fuu nya é ta ma; yé mi lé a nyanai éé zén‐é, ’é a kɛlɛ gi nanale nya ma.

1 Korent munu 13:3

Yé dé maa anlé fɛ faa nɔ fɛblele lɔle nyanégyɛzannu lɛ we gioo, dé maa an kɔlɛ nɔ é kyɛblele we gioo, dé sɔlɛle ’ka an gi lo, ’bɛ tɔnɔ do kpen ’ka kɛla an lɛ lo.

Galasi munu 2:10

Wo we pla ko lɛ léé, nyanégyɛzannu sele ’é dɔ ko gi, yee lé maabozen a a va léé, maa a kɛlɛ.

Éfez munu 4:28

Mian é kyeenwo é kyɛn, té é kyeenwo é dɛrɛ lo; naa, ’é nyanama pa yé ’é wezin kɛlɛ é bɛnu nya, mi lé, a mawe ke fɛ do gi, fɛ nɔle ’bɛzan lɛ we gi.

1 Tɛsalɔnik munu 2:6

Ko ’ka ko tɔbɔle nagini lɛ munu va lo, dé é a ka nyaoo, dé é a mi bɛnu nyaoo, ka va lo, dɔlé ’té a se a ko lɛ léé, ko kɛlɛ kɔné nya ka nwiin; ko a Krist lé nwunvɔzannu nya, ’bɛzama.

1 Timoté 6:18

’I we pla wo lɛ léé, ’wo wezin kɛlɛ; wo kɛlɛwe zinnu ’é kɛlɛ kiɛre kiɛre; ’wo kɛlɛ drɔɔkɛlɛzannu valé bɛ ma wolowolozannu nya.

Filémɔn 1:7

Ilé munu lɔrɔpale an gi nana é baba yé é an tɔrɔ paa webozen nya. Yé an bwe, ilé we ma lé Kazambale lé munu bli dɔrala.

Ébrunu 13:16

Yé té ka gi é san wezin kɛlɛle valé fɛ nɔle kiɛre ma lo ma; a zo sarakanu lé Kazambale éé wo ban‐ɛn blé.

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

1 Samuɛl 15:30

Saul lé é ziin léé: An wenyané kɛlɛ! Sin, ilé zanté, ’i an lɛdɔma anlé munu lé mi segelenu yuɛ va, Izraɛl yuɛ va; ’i da an va é ziin yé maa dan dia lɛ an yara Gakelebale ilé Bale ’lɛ.