Matio 6:16 - Kazambale lé Sebe Sauunu 1979

¹⁶ Dé ka a lɔrɔ sɔnna, té ka yara kyɛ vɔ a gi, bélé bodrɔzannu zo lo; woo yara wɔraan a ma, a gɔɔnle nya munu lɛ léé, ’wa lɔrɔ sɔnna. Wo ’wozé gooli ye; maa fe ka lɛ.

Matio 6:16 ပူးပေါင်းရင်းမြစ်များ

2 Samuɛl 12:16

David né ma bazoro Bale lɛ yé é lɔrɔ sɔn; é wɔra kɔn gi yé é tu kini é yiale tɛrɛ va.

2 Samuɛl 12:21

A wuomunu lé a lɛ léé: We lé i ke a kɛlɛna, a gi lé nɔɔ? Bléyian va lé né a é yuɛma, ’té i lɔrɔ sɔn‐o, ’té i wuvɔa; yé sin, né ga yé i nwa yé i fɛ blee?

1 Minwiinzannu 21:27

Akab dére ’konu ’ma Éli ta aan wo, élé sɔnu fia, yé é bɔlɔ zén é ta sɔ nya yé é lɔrɔ sɔn; é yii bɔlɔ ’ko nya é ta yé é tawo wɔɔɔ.

Néémi 1:4

Maa we ’konu ’ma aan wo, an nyana wuvɔle nya, yé an yi kiɛre kɛlɛ anlé tɛrɛla lɔrɔ nyaale an ma gi. An lɔrɔ sɔn yé an bazoro lanu lé Bale lɛ,

Esitɛɛ 4:16

’I go, Juifinu faa lé wo ke Suz, ’i wo zén ékema, yé ’ka lɔrɔ sɔn wo nya anlé we ma. Té ka fɛ ble lo, té ka fɛ mini lo, é béli valé é yiéyi fɔɔ yi yaa. Maa é ziin, maa valé an wuolomu é dan lɔrɔ sɔn lɛ a zo. ’Bɛ zuo, dé bélidɔwe aoo, dé é ’ka looo, an dan wɔra lɛ minwiinzan blɛn va. Dé an gaan‐oo, ’té an gaan é wo.

Lɛrɛvɔ Sɛbɛ 109:24

Anlé lɔrɔ sɔnle we ma an powuonu a tɔɔtɔɔ, Yé an kwéé yé plɛplɛ ’ka an lee lo.

Lɛrɛvɔ Sɛbɛ 35:13

Dé wa gyɛ kɛlɛna, an bɔlɔ zén an ta, Yé maa an boen kɛla kiéné lɔrɔ sɔnle nya, Yé an bazoroan an ’wuo vɔle nya an wuo.

Lɛrɛvɔ Sɛbɛ 69:10

Naa, ilé kɔn lé we a an gi blɛn fɔɔ yé anbo faa no a we ma. Munu lé woo i sɔnɔan, maa lé wo an sɔnɔ.

Daniɛl 9:3

An yara nɔla Mizambale va bazorole valé we laale a lee we gi, ’té maa lɔrɔ sɔn‐o, ’té bɔlɔ valé kyɛyee a é zénle an ta.

Malasi 3:14

Ka fé léé: Kazambale bɔle tɔnɔ ’ka lo; ko tawo bli kyɛ dɔle nya lai sunyanu lé Gakelebale lé we ma, yé ko tawo alé weplalenu yɛrama, yé mɛ fɛ lé ko ye ’bɛ maa?

Matio 6:1

’Ka yuɛ pa kabozen va, té ka kalé Bale zuo tawowenu kɛlɛ munu yuɛ va, wolé ka naginile we gi lo; dé ’bɛ kaan lo, ka ’ka dan ka gooli ye lɛ ka Ti lé é ke la gi, a va lo.

Matio 6:2

Dé i a fɛ nɔna nyanégyɛmunu lɛ, té bé pa i lɔlu ma béli nya lo, bélé bodrɔzannu a kɛla fɛan zo, a zo lo. Woo fɛ no bazorokɔnnu gi, yé woo fɛ no vuun la, munu lé wo tɔ zin bɔle we gi. Té ka kɛlɛ wo zo lo. Maa lé ka lɛ webozen nya léé, wo ’wozé ma gooli ye.

Matio 6:5

Dé ka a bazorona, té ka we kɛlɛ bélé bodrɔzannu zo lo. É sɔ wo lɛ léé, munu ’wo nagini, amalé woo dɔa loru, ’té woo bazoroan bazorokɔnnu gi, ’té woo bazoroan flaworo dii zi blannu ta. Maa lé ka lɛ webozen nya léé, wo ’wozé gooli ye.

Maak 2:18

Jan zuomunu valé Farizimunu a lɔrɔ sɔnna. Yé munu da we laa lɛ Jézu lee, yé wo léé: Mɛmalé Jan zuomunu valé Farizinu zuomunu a lɔrɔ sɔnna ’naan, yé i zuomunu ’ka lɔrɔ sɔnna loo?

WENÉNÉ LÉ LUK A GYE (Évangile selon Luc) 18:12

maa lɔrɔ sɔn‐o flɛyi do gɔnɔ fié; fɛnu faa lé maa wo yé, maa wo vuzan no i lɛ.

WENÉNÉ LÉ LUK A GYE (Évangile selon Luc) 2:37

’Bɛ zuo yé é vo gyɛzarale nya, yé a lɛɛ a yɔ ziɛn wɔlɛ ziɛn. É ’ka sié Balebangikɔn gi lo, ’té é Kazambale bɔa lɔrɔ sɔnle valé bazorole nya, bladi nyanadi.

Kelewenu 10:30

Kɔɔnéi léma: A yi ziɛn lo, dé maa a bazorona yiri tɛnlale plɛplɛ nya tɔɔn, mi do lé sɔ nyananyana ke a ta, é bɔra an va, yé é léé:

Kelewenu 14:23

Wo mi segelenu dɔ léglizinu faa do do gi. Bazorole valé lɔrɔ sɔnle zuo wo wo bɛ pa Mizambale lé wo bli ke a lɛ bɛ, a lee.

1 Korent munu 7:5

Dé ka dére kɛlɛ do yé ka kini ékema bléyi ke nya bazorole nya, ’bɛ do; dé ’bɛ kaan lo, té gɔné valé é na é kini ékema lo ma. ’Bɛ zuo, ’ka zén ékeva, dé ’bɛ kaan lo, dé ka ’ka bɔa kabo kunle lɛ lo, dé Satan é da ka sɛrɛ ka ke gi.

2 Korɛnt Munu 11:27

Maa nyanama pa, yé maa nyané ble; an vo é yuɛma é béli gɔnɔ kiɛre; lɔrɔ valé ’yiminilɔrɔ an gyɛ; an lɔrɔ sɔn gɔnɔ kiɛre; dunu an gyɛ; an vo é porole.