Matio 6:13 - Kazambale lé Sebe Sauunu 1979

¹³ Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

Matio 6:13 ပူးပေါင်းရင်းမြစ်များ

Wepélisiananu 22:1

We ’konu zuo Kazambale Abraam gi dan yé é lé a lɛ léé: Abraam. Yé é léé: Maa lo.

1 Minwiinzannu 1:36

Jéojada be Bénaja a zi pa minwiinzan lɛ léé: ’É kɛlɛ a zo. Gakelebale, anzan minwiinzan lé Bale, ɛ fe a zo.

Minwiinzannu lé Wezuofe Sɛbɛ 16:36

Gakelebale, Izraɛl munu zé Bale, A drɔɔ ’é vo ma, lɛɛfaama a glɛ ’ka lo. Yé munu faa a fe léma: Amɛɛn. ’Ka Gakelebale tɔ zin fe.

Minwiinzannu lé Wezuofe Sɛbɛ 29:11

Gakelebale, fɛnu faa lé ke la gi valé fɛnu faa lé ke tɛrɛ la, wa izé nya, amalé kɛlɛle blɛn koo, plɛplɛ valé tɔ blɛn koo, vole é yuɛma lɛɛfaama valé fuasan koo, wo faa a bii ɛ zé nya; Gakelebale, bii a é nwale fɛnu faa ta loru i boan, amalé i plale mi nwiin yara lé.

Minwiinzannu lé Wezuofe Sɛbɛ 4:10

Jaébɛs bazoro Izraɛl lé Bale lɛ yé é léé: Ilé zanté, ’i an drɔɔ vo, ’i anlé tɛrɛ kɛlɛ blɛn, ’i bɛ zin pa an ta, ’i an takuun we tɔntɔn lee, té maa nyané ble lo. Fɛ lé é a laa, Kazambale a nɔ a lɛ.

Lɛrɛvɔ Sɛbɛ 10:16

Gakelebale a minwiinzan nya yifaama, a glɛ ’ka lo, É bɛnnu nyaa élé tɛrɛ la,

Lɛrɛvɔ Sɛbɛ 106:48

Gakelebale, Izraɛlnu zé Bale, a drɔɔ ’é vo ma, Lɛɛfaama, a glɛ ’ka lo! Yé munu faa a fe léma: Amɛɛn! ’Ka Gakelebale tɔ zin fe!

Lɛrɛvɔ Sɛbɛ 22:28

Munu lé wo ke tɛrɛ faa glɛ sina, wo dan ’wo bɔn‐in bɔrɔ lɛ Gakelebale ma, yé wo dan nɔla lɛ a vazia; Bɛn gi munu é dan dia lɛ i ’lɛ.

Lɛrɛvɔ Sɛbɛ 41:13

Anlé we a tegele, amalé i bɔ an va, Yé i an dɔ i ’lɛ yifaama.

Lɛrɛvɔ Sɛbɛ 47:2

’Kaa migɔnɔnu, ’ka faa é bɛ gyɛ. ’Ka siaa Kazambale lɛ ginanale nya.

Lɛrɛvɔ Sɛbɛ 47:7

’Ka lɛrɛ vɔ Bale lɛ, ’ka lɛrɛ vɔ; ’Ka lɛrɛ vɔ ko nwiinzan blɛn lɛ, ’ka lɛrɛ vɔ;

Lɛrɛvɔ Sɛbɛ 72:19

’Wo a tɔ zin bɔle drɔɔ vo yifaama ma! Tɛrɛ faa ’é fan a tɔbɔle nya ma! Amɛɛn! Amɛɛn!

Lɛrɛvɔ Sɛbɛ 89:52

Gakelebaleoo, Bale, i nyanézannu an sɔnɔ fɛan zo, a sele ’é dɔ i gi, Sɔnɔdére lé wa fe ilé nyɔnɔzénnwiinzan ma, a sele ’é dɔ i gi ma.

Fwile 15:18

Gakelebale é dan pla lɛ munu nwiin lɛɛfaama, a glɛ ’ka lo.

Wegɔnévɔlenu 30:8

I viéwe valé viédére si an ma baa; té i an gyɛ nyané nya lo, té i an kɛlɛ fua nya lo; ’i fɛblele nɔ an lɛ anlé fɛblele yɛrama,

Jérémi 28:6

Balelayezan Jérémi léma: Amɛɛn. Gakelebale a kɛlɛ ’bɛ zo ma. Dérenu lé bé fe balelawefele nya bɛ, Gakelebale ’é a lɛ sɔɔ ma. Gakelebale lé kcn gi nyanamapafɛnu valé luugimunu faa lé wo ke Babilɔn bɛ, ’é da wo nya é ziin fɛkona ma.

Daniɛl 4:25

Wo dan i bin lɛ munu méléna, yé i dan nyana lɛ bwigiwinu va. Wo dan lunu nɔ lɛ i lɛ bélé diri zo, yé bé ble. Lolu é dan i kɛlɛ lɛ drɔɔdrɔɔ, yé lɛɛ sɔrafié é dan gié lɛ i ta fɔɔ yé bé gi dɔɔ léé, plale mi nwiin faa a é plale Loruzan wuo, yé dé miomian sɔ a lɛ, éé ’bɛzan plaan munu nwiin.

Daniɛl 7:18

Naa, lagi Loruzan lé munu é dan pla lɛ munu nwiin, yé plale munu nwiin é dan vo lɛ wozé nya lɛɛfaama, a glɛ ’ka lo, ’té ’bɛ glɛ ’ka dɔa monomono lo.

Mi Nɔnɔle 5:22

yé ’yi ’ko lé woo bale paan mi ma a nya, ’é wɔra i bun‐annu gi, yé ’é kɛlɛ i bɔn ziifɛ nya, é valé i boro ga i ma fɛ nya ma. Yé é a lé lezan a fe léé: Amɛɛn, amɛɛn.

Matio 26:41

’Ka vo é yuɛma yé ’ka bazoro, té wo ka gi dan lo we ma; mi bli a nyi sié, naa, mi a tɔɔtɔɔ.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Matio 5:37

Ka dére ’é kɛlɛ in valé gba nya ma; yee lé wa paan a ta éé sié yo va.

Matio 6:10

ilé plale munu nwiin ’é da ma; fɛan zo lé woo ilé sɔlɛwe kɛla la gi na, a zo lé ’wa kɛlɛ tɛrɛ la ’ko ma.

WENÉNÉ LE JAN A GYE (Évangile selon Jean) 17:15

Maa ’ka a fena i lɛ léé, ’i wo si tɛrɛ la lo, naa, maa a fena i lɛ léé, ’i yuɛ pa wo va Nyanézan lé we ma.

1 Korent munu 10:13

Wenu lé wo bɔ ka ma ka gidanwenu nya bɛ, woo bɔa munu faa ma. Kazambale a yarapawelazan nya, yé é ’ka dan a nyi si lɛ léé, ka gidanwe é ka kele lo, naa, dé gidanwe bɔ ka ma, é dan bɔ lɛ ka va, yé ka a kele.

1 Korent munu 14:16

Dé ’bɛ kaan lo, dé i Kazambale bɔ vɔa i léli nya, mi lé é ’ka tan ézé ye lɛ lo, wean bé fe bɛ, dé é ’ka a gi maan lo, é dan we lɛ amɛɛn, kaa?

2 Korɛnt Munu 1:20

Naa, wenu lé ’bɛ ke Kazambale lé blivolɛdére faa lé we nya bɛ, yee ɛ ke iin nya Kazambale gi. Bɛwemalé, ko amɛɛn fé Kazambale tɔ bɔle nya alé we ma.

Galasi munu 1:4

Naa, Krist ébozen nɔ kaalé wenyanénu ma, kaa sile bléyi nyané ’ko gi we ma. É ébo nɔ kaalé wenyanénu ma kaa Ti Bale lé blibɔmawe nya.

Bélidɔwesɛbɛ Fiézan 8:16

mana lé ka tranu ’ka a dɔɔ lɛ lo, é a nɔ ka lɛ blefɛ nya bwi ’ko la, ka tuale valé ka gidanle we gi, yé ’bɛ zuo é wezin kɛlɛ ka lɛ; Gakelebale lé é ’bɛ wenu faa kɛlɛ, té ka gi é san a ma lo.

Bélidɔwesɛbɛ Fiézan 8:2

Zi faa lé Gakelebale, kalé Bale go ka nya a ta bwi gi, ka lɛɛ yɔ fié lo, a sele ’é dɔ ka gi ma; é a kɛlɛ ka tuale valé ka gidanle we gi, ka bli dɔɔle we ma, dé ka dan ’é sɔnnénu pa lɛɛ? dé ka ’ka dan wo pa lɛ loo? yé é a gi dɔɔ.

1 Tɛsalɔnik munu 1:10

Yé Bale Be Jézu lé é a nwa gamunu va bɛ, ’té éé ko sié Bale lé bliflile lé é dan da lɛ bɛ, a wuo, ka a a sile la gi lɛbɛnna fɛan zo, wa faa zuo fe ko lɛ.

2 Tɛsalɔnik munu 3:3

Mizambale a yarapawelazan nya, é dan ka dɔ lɛ gligli, yé é dan ka ta kuun lɛ Satan lee.

1 Timoté 1:17

’Mi lé é ke minwiinzan nya lɛɛfaama, ’té é ’ka gaan lilo, ’té wo ’ka a yé lo, ’té yee do kpen ɛ ke Kazambale nya, ’wa tɔ bɔ yé ’wo fua nɔ a lɛ lɛɛfaama, té a glɛ é dɔ lo. Amɛɛn.

Ébrunu 11:36

A kenu wo ’wuo dɔ ’wo ma we nanalenu koo, plén koo, gɔgɔbalenu koo, bokɔn koo, wo wuo.

1 Piɛri 5:8

’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?

1 Jan 3:8

Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 19:1

’Bɛ zuo, maa vun do ’ma la gi bélé mi gu blɛn dére plɛplɛ zo, ’té éé siaan léé: Aléluya! Mi sile we gi koo, tɔbɔle koo, plɛplɛ koo, wa kolé Bale zé nya;

Wegɔɔnle 19:4

Yé mi segele yɔ do wɔlɛ ziɛn valé fɛ yuɛmale ziɛn dia ’wo bli la yé wo webleblin ta Bale bɔ yé wo siaa léé: Amɛɛn! Aléluya!

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 21:4

É dan wo yuɛyi si lɛ yé mi ’ka dan ga lɛ é dɛrɛ lo; wo ’ka dan gyɛ bo lɛ é dɛrɛ lo; wo ’ka dan wuvɔ lɛ é dɛrɛ lo; wo ’ka dan nyané ble lɛ é dɛrɛ lo, naa, we vininnu faa gié.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.

Wegɔɔnle 3:14

’I sɛbɛ pa Laodisé léglizi lé lanje lɛ zia. ’Bé fe a lɛ léé: Mi lé ke Amɛɛn nya, yarapawela wenayezan bozen nya, Kazambale lé fɛ kɛlɛle pélisiale nya, a dére lé ke ’ko:

Wegɔɔnle 5:13

Yé é ziin, kɛlɛfɛnu faa lé é ke la gi koo, tɛrɛ la koo, tɛrɛ wuo koo, wɛyi ta koo, wona, ’bɛ gi léé, fɛfaana fɛnu, maa wo dére ’ma, ’té wa fé léé: Tɔzinfele koo, tɔbɔle koo, kɛlɛle blɛn koo, plale mi nwiin koo, wa webleblin tazan valé ’Blané zé nya lɛɛfaama.