Matio 6:10 - Kazambale lé Sebe Sauunu 1979

¹⁰ ilé plale munu nwiin ’é da ma; fɛan zo lé woo ilé sɔlɛwe kɛla la gi na, a zo lé ’wa kɛlɛ tɛrɛ la ’ko ma.

Matio 6:10 ပူးပေါင်းရင်းမြစ်များ

Néémi 9:6

Bii Gakelebale, lanu koo, la zi lanu valé wolé sunyanu faa koo, tɛrɛ valé é tafɛnu faa koo, wɛyi valé é vafɛnu faa koo, bii do kpen ɛ wo kɛlɛ. Bii ɛ vole é yuɛma nɔ fɛnu ’ko faa lɛ, yé lagi sunyanu éé diaan bii ɛ ’lɛ.

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Lɛrɛvɔ Sɛbɛ 40:8

Yé maa léé, bé ye, an da, Sɛbɛ plinle lé wa gyɛ anzé nya, ’bɛ nya an lee.

Ézai 2:2

Dé bléyi voéla bɔ, Gɔ lé Gakelebale lé kɔn ke a nwiin, Alé we é dan mini lɛ gɔblɛnnu ta, Yé a tɔ é dan mini lɛ gɔpanénu lɛ, Yé bɛnnu faa é dan yoro lɛ a vazia.

Jérémi 23:5

Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 4:35

Tɛrɛlamunu faa ’ka a yuɛ gi bɔa lo. We lé é sɔ a lɛ léé, éé a kɛla lai sunyanu valé tɛrɛlamunu lɛ, yé mian ’bɛ éé dɔa a lee plɛplɛ yé ’bɛ lé a lɛ léé: Mɛ fɛ lé bé kɛla bɛɛ? ’bɛzan do ’ka ana lo.

Daniɛl 7:13

Yuɛziwenu lé maa wo ye é béli, maa a wo naginina aan wo, ’té mi do lé é ke bélé blami be do zo, ’té é dan latinu nya, yé é bié mi kwa lé ke yinu ’lɛ, a vazia, yé wa bié a sɔnɔ.

Daniɛl 7:27

Plale mi nwiin koo, munu plale a wuo koo, tɛrɛ la bɛngɔnɔnu faa lé fua koo, wo dan wo nɔ lɛ Loruzan lé munu lɛ. ’Bɛnu lé plale mi nwiin a plale mi nwiin lé é vo ana lɛɛfaama, a glɛ ’ka lo, a nya, yé minwiinzannu faa é dan a bɔ lɛ yé wo dan a lɛdɔ lɛ a ma.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Matio 12:50

Naa, an Ti lé é ke la gi, dé miomian éé alé blibɔmawe kɛla, ’té yee ɛ ke an zuané koo, an buru koo, an bu koo, wo nya.

Matio 16:28

Maa a fe ka lɛ webozen nya léé: Munu lé wo ke ’ko, wo va mi kenu ’ka dan ga lɛ lo fɔɔ yé wo maa blami Be ye dana plale munu nwiin we ma.

Matio 26:42

É go é ziin a gɔnɔ fiézan nya yé é bazoro léé: An Ti, dé é ’ka bɔalɛ léé, ’yiminikana ’ko é si an lee lo, yé maa ’ka a gifɛ minian lo, ilé blibɔmawe ’é kɛlɛ ma.

Matio 3:2

É léé: Kazambale lé plale mi nwiin bɔ é pu, amalé ’ka bli nɔla.

Matio 4:17

É sia bléyi ’ko va, Jézu kun Bale lé wefele ma, yé é léma: Kazambale plale mi nwiin bɔ é pu, amalé ’ka bli nɔla.

Matio 7:21

Munu lé wa fé an lɛ léé: Anzan, anzan, Kazambale ’ka dan pla lɛ wo faa nwiin lo, naa, an Ti lé é ke la gi, mi lé éé alé blibɔmawe kɛla, Kazambale a é plale ’bɛzan do kpen ɛ nwiin.

Maak 11:10

Plale mi nwiin lé é dan da lɛ, ’té é ke ko tra David zé nya bɛ, a drɔɔ ’é vo ma. Lai loru munu, ’ka siaa mi, Ozana!

Maak 3:35

Mian éé Kazambale lé blibɔmawe kɛla, yee ɛ ke an zuané koo, an buru koo, an bu koo, wo nya.

WENÉNÉ LÉ LUK A GYE (Évangile selon Luc) 19:11

Wo ke aan wo ’wo tɔné dɔna we ’konu lɛ, Jézu gɔné do vɔ é ziin; é a Jérusalɛm sɔnɔ yé é dɔ munu gi léé, Kazambale é dan pla lɛ munu nwiin laoɛ, amalé é gɔné ’ko vɔ.

WENÉNÉ LÉ LUK A GYE (Évangile selon Luc) 19:38

yé wo léé: Minwiinzan lé é da Mizambale tɔ gi, a drɔɔ ’é vo ma. Lagi ’é vo drɔɔ, yé fuasan ’é kɛlɛ fɛna loru baa mi.

WENÉNÉ LÉ LUK A GYE (Évangile selon Luc) 22:42

An Ti, dé é sɔ i lɛ, ’i ’yiminikana ’ko si an lee. Naa, té é kɛlɛ an sɔlɛwe nya lo, ’é kɛlɛ i sɔlɛwe nya ma.

WENÉNÉ LE JAN A GYE (Évangile selon Jean) 4:34

Jézu lé wo lɛ léé: Mi lé é an pa zia, alé blibɔmawe kɛlɛle koo, alé nyanama pale lɛsɔɔle koo, wo lé ke anlé fɛblele nya.

WENÉNÉ LE JAN A GYE (Évangile selon Jean) 6:40

An Ti lé blibɔmawe lé é ke ’ko: dé miomian é an ye a Be nya, yé a bli vo an lɛ, vole é yuɛma lé a glɛ ’ka lo, é wɔra ’bɛ gi, yé maa dan a nwa lɛ gamunu va yi voélazan nya.

WENÉNÉ LE JAN A GYE (Évangile selon Jean) 7:17

Dé é sɔ mian lɛ léé, é ’bɛzan lé blibɔmawe kɛlɛ, we lé maa a paama munu gi, dé yee Kazambale va lé é sioo, dé maabozen va lé é sioo, ’bɛzan é dan a gi dɔɔ lɛ.

Kelewenu 13:22

’Bɛ zuo, é ’bɛ si ana, yé é David dɔ wo nwiinzan blɛn nya, yé é ’bɛlé we fe ’ko zo léé: Mi lé an gi bli ke a gi, maa ye, Izai be David lé. É dan anlé blibɔmawe faa kɛlɛle lɛ sɔɔ lɛ.

Kelewenu 21:14

É ’ka aan wo a nyi sina ko lɛ lo, bɛwemalé ko ’ka we bɛ fe lɛ a lɛ é dɛrɛ lo, yé ko léé: Mizambale lé blibɔmawe ’é kɛlɛ ma.

Kelewenu 22:14

Yé é léé: Ko tranu zé Bale i si a va léé, ’i élé blibɔmawe dɔɔ, yé ’i Mi Tegele ye, yé ’i yeebozen dére ’ma.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Éfez munu 6:6

Té ka kɛlɛ wo yuɛ va saa na lo, bélé fɛan zo lé ka a kalé we kɛlɛna munu yuɛ va néné, a zo lo, naa, ’ka kɛlɛ bélé Krist wuomunu lé wo ke Kazambale lé blibɔmawe kɛlɛna wo bli faa nya, wo zo.

Kolɔs munu 1:13

É kaa si gunuti lé plɛplɛ wuo, yé é kaa pla é sɔlɛbe wuo.

Kolɔs munu 1:9

Bɛwemalé, é sia yian nya lé ko ka tawe ’ma, ko ’ka daanma bazorole ma Kazambale lɛ ka tɔ ma lo; ’té ko a laan Bale lee léé, ’é we dɔɔle faa nɔ ka lɛ yé ’é ka gi kini léliwenu gi, yé ’bɛ zo lé ka alé blibɔmawe dɔɔ,

1 Tɛsalɔnik munu 4:3

We lé é sɔ Kazambale lɛ, yee lé ke léé, ’ka kɛlɛ sauun, té ka pɛnpɛnné gyɛ lo;

1 Tɛsalɔnik munu 5:18

Wean é sɔ Kazambale lɛ léé, ka a kɛlɛ Jézu Krist gi, yee lé ke ’ko: ’ka Kazambale bɔ vɔ we faa gi.

Ébrunu 1:14

Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

Ébrunu 10:36

We lé ke ka mawe nya, yee lé ke léé, ’ka kɛlɛ yarapawelazannu nya, yé dé ka Kazambale lé blibɔmawe lɛ sɔɔ faa yé fɛ lé Kazambale a fe léé, é dan a nɔ lɛ ka lɛ, yé é a nɔ ka lɛ.

Ébrunu 10:7

Yé maa léé: Oo Bale, bé ye, an da ilé blibɔmawe kɛlɛle we gi, Wo anlé we gyɛ a zo sɛbɛ lé wa plin‐an, a gi.

Ébrunu 13:21

’é ka bɛ sɔ we zinnu faa kɛlɛle nya ’é blibɔmawe lɛsɔɔle we gi ma; yé we lé é sɔ a lɛ, ’é yee ɛ kɛlɛ ka gi Jézu Krist nya ma; ’wo fua nɔ a lɛ lɛɛ faa ma, té a glɛ é dɔ lo. Amɛɛn.

1 Piɛri 2:15

É a Kazambale lé blibɔmawe nya léé, wezin kɛlɛle nya lé ka tavomunu lé tanyila wefele tadɔa.

1 Piɛri 4:2

léé, alé tɛrɛlayinu lé wo vo a lee, té ’é wo kɛlɛ tɛrɛlamunu lé blibɔmawe yɛrama é dɛrɛ lo, naa, ’é wo kɛlɛ Kazambale lé blibɔmawe yɛrama.

Wegɔɔnle 11:15

Lanje sɔrafiézan béli fɛn. Yé dére plɛplɛnu we la gi, yé wo léé: Tɛrɛ la bɛnlubɛn faa kinin Kozan valé élé Krist zé nya; yé é dan pla lɛ wo nwiin lɛɛfaama, a glɛ ’ka lo.

Wegɔɔnle 12:10

Yé maa dére plɛplɛ ’ma la gi, yé é léé: Bélile koo, kozé Bale lé plɛplɛ valé alé plale munu nwiin koo, alé Krist lé se koo, wo bléyi bɔ sin, naa, ko bwenu tɔfezan, mi lé éé wo tɔ fé kozé Bale lɛ bladi nyanadi, wa vuli, azama.

Wegɔɔnle 19:6

Yé maa vun do ’ma bélé mi gu blɛn dére zo, bélé ’yi blɛnnu vun zo, bélé zagele blɛnnu banle zo, yé é siaa léé: Aléluya! Mizan, kozé Bale, Plɛplɛfaazan, é a é plale munu nwiin sin.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.