Matio 6:1 - Kazambale lé Sebe Sauunu 1979

¹ ’Ka yuɛ pa kabozen va, té ka kalé Bale zuo tawowenu kɛlɛ munu yuɛ va, wolé ka naginile we gi lo; dé ’bɛ kaan lo, ka ’ka dan ka gooli ye lɛ ka Ti lé é ke la gi, a va lo.

Matio 6:1 ပူးပေါင်းရင်းမြစ်များ

2 Minwiinzannu 10:16

yé é léé: ’I da ko go, yé Gakelebale lé we a an bli gi blɛn fɛan zo, i dan a ye lɛ. ’Bɛ zo lé é go a nya élé goro gi.

2 Minwiinzannu 10:31

Naa, Jéu ’ka tawo lɛ Gakelebale, Izraɛl lé Bale, lé bélidɔwe ta é bli faa nya lo; wenyanénu lé Jéroboam Izraɛl kɛlɛ wo kɛlɛzannu nya, é ’ka daan lɛ wo kɛlɛle ma lo.

Lɛrɛvɔ Sɛbɛ 112:9

Éé fɛ kiɛre no; éé fɛ no nyanégyɛzannu lɛ; A kɛlɛwe tegele ana lɛɛfaama; A tɔ bɔle a ’wuo nwaan.

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

Daniɛl 4:27

Bɛwemalé, minwiinzan blɛn, anlé we plale i lɛ ’é sɔ i lɛ ma. ’I daan ilé wenyané kɛlɛle ma; ’i we tegele kɛlɛ. ’Ilé weplenu vo yé i nyanai ’é zén nyanaizénlazannu ta; dé bé kɛlɛ a zo, i dan vo lɛ zin yena.

Zakari 13:4

’Bɛ yi la, dé balelayemunu a balelawe fena, yara é dan wo gyɛ lɛ ’wolé yuɛziwe fele ma, yé wo ’ka dan wikyɛɛsɔ zén lɛ ’wo ta é dɛrɛ vié wole we ma lo.

Zakari 7:5

Bé fe ana munu faa valé Balebanmunu lɛ léma: Dé ka lɔrɔ sɔn yé ka wuvɔ moné soruzan valé moné sɔrafiézan nya, lɛɛ yɔ yaa wɔlɛ vu wuo, ka lɔrɔ sɔn maa ɛ lɛɛ?

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

Matio 16:6

Yé Jézu lé wo lɛ léé: ’Ka yuɛ pa kabozen va é zima Farizimunu valé Sadusémunu lé lévɛn lé we ma.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

Matio 23:5

Woo ’wolé we faa kɛla munu lé wo yele we gi. Woo sɛbɛwɔlɛ blɛn paan ’wo yarapɛla valé ’wo bɛ ma yé wolé sɔ lɛi nini a é torole;

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

Matio 5:16

Kalé san ’é munu va kini yee ɛ zo ma, wolé ka kɛlɛwe zinnu yele we ma yé ka Ti lé é ke la gi yé wa tɔ zin bɔ.

Matio 5:46

Munu lé ka sɔ wo lɛ, dé wo saa ɛ sɔ ka lɛ, ’té a yara lé ka mɛ tɔnɔ ye ’bɛ maa? Vagɔɔlisimunu é ziin, yee duoan wa kɛla loo?

Matio 5:48

Ka Lagi Ti a fɛan zo, yé gun ’ka a ma lo, a zo lé té gun é vo ka ma lo ma.

Matio 6:16

Dé ka a lɔrɔ sɔnna, té ka yara kyɛ vɔ a gi, bélé bodrɔzannu zo lo; woo yara wɔraan a ma, a gɔɔnle nya munu lɛ léé, ’wa lɔrɔ sɔnna. Wo ’wozé gooli ye; maa fe ka lɛ.

Matio 6:9

’Ka bazoro ’ko zo: Ko Ti lé é ke la gi, munu ’é kana i tɔ ma ma;

Maak 8:15

Jézu we pla wo lɛ léé: ’Ka yuɛ pa kabozen va é zima Farizimunu valé Érɔd lé lévɛn lé we ma.

WENÉNÉ LÉ LUK A GYE (Évangile selon Luc) 11:35

Bɛwemalé ’i yuɛ pa ibozen va léé, san lé é ke i gi, té é kinin gunutinu nya lo.

WENÉNÉ LÉ LUK A GYE (Évangile selon Luc) 12:1

’Bɛ bléyi ’ko wuo, mi wuru é wuru boen zén ékeva, yé é vo sɛ yé wo wo ke zɔn wo gane nya, yé Jézu kun wefele ma é zuomunu lɛ é vinin yé é léé: ’Ka yuɛ pa kabozen va, Farizimunu lé lévɛn lé é ke mi lé ’ébo drɔle nya, alé we ma.

WENÉNÉ LÉ LUK A GYE (Évangile selon Luc) 12:15

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

WENÉNÉ LÉ LUK A GYE (Évangile selon Luc) 16:15

Jézu lé wo lɛ léé: Ka a a va léé, ’wolé we ’é kɛlɛ tegele munu yuɛ gi, naa, Kazambale ka bli dɔɔ; fɛ lé é ke fɛ blɛn nya munu yuɛ gi, é a bélé bo zo Kazambale yuɛ gi.

WENÉNÉ LE JAN A GYE (Évangile selon Jean) 12:43

Naa, munu lé wo tɔbɔle sɔ wo lɛ é mini Kazambale lé wo tɔbɔle ta.

WENÉNÉ LE JAN A GYE (Évangile selon Jean) 5:44

Ka a ka ke tɔ bɔna, yé Kazambale lé ’bɛ ke Bale nya é do kpen, ka ’ka a va léé, ’bɛ é ’wo tɔ bɔ lo; ka bɔa ka bli vole lɛ an lɛ kaa?

Kelewenu 3:12

Piɛri we ’ko ye aan wo, é lé munu lɛ léé: ’Kaa Izraɛl munu, mɛmalé ka gi vuru we ’ko maa? Mɛmalé ka a ko ginina bélé fɛan zo lé kobozen lé plɛplɛ valé kobozen lé wezin kɛlɛle nya lé ko mi ’ko kɛlɛ tawozan nya, a zoo?

Galasi munu 6:12

Munu faa lé é sɔ wo lɛ léé, ’wobo lé we kɛlɛ néné munu yuɛ va, wo ɛ ke a va léé, ’wo ka gane dɔ gla nya, té munu é nyané pa ’wo ta Krist lé yiliblan lé we ma lo we gi.

Bélidɔwesɛbɛ Fiézan 24:13

bé nɔ a lɛ yiri vɔbléyi va, yé ’é yigyɛ élé sɔ nya ’é ta yé ’é i drɔɔ vo; yé Gakelebale ilé Bale é dan ’bɛ ye lɛ i ma we tegele nya.

Ébrunu 11:26

A sɔnɔ lé wa wo Krist lé we ma, é a ye fuafɛ blɛn nya é mini Éjipiti fuafɛnu ta, naa, a bli a é gooli lɛ tegele.

Ébrunu 2:1

Bɛwemalé, wenu lé kaa wo ’ma, é a lé kaa wo kɛlɛ kaa bli faa nya, dé wo da saan kaa gi.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

2 Jan 1:8

’Ka yuɛ pa kabozen va, dé kalé nyanama ma tɔnɔ é da san ka lee, naa, ’wo ka gooli lɛ sɔɔ ma.